កីឡា

ប៉ះគ្នាថ្ងៃស្អែក ចេសា មានតែមខ្ពស់ជាង តែជើងខ្លាំងអាមេរិក Kaori ចង់ឃ្លេឲ្យចុះចាញ់

បានផុស

២ years មុន

នៅ

ថ្ងៃព្រហស្បតិ៍ ១៧ វិច្ឆិកា ២០២២

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា នឹងប្រកួតជាមួយកីឡាការិនីអាមេរិក Kaori Hernandez នៅថ្ងៃសុក្រ ទី១៨ ខែវិច្ឆិកានេះ នៅសហរដ្ឋអាមេរិកក្នុងព្រឹត្តិការណ៍ IBJJF Absolute Grand Prix។

បើនិយាយពីចំណាត់ថ្នាក់ពិភពលោកបច្ចុប្បន្ន ខាន់ ចេសា ស្ថិតនៅចំណាត់ថ្នាក់លេខ៣ ស្របពេលដែលកីឡាការិនីអាមេរិក Kaori Hernandez ស្ថិតនៅចំណាត់ថ្នាក់លេខ៥។ តាមពិតទៅ កីឡាការិនីអាមេរិកមានបទពិសោធច្រើន និងប្រឡូកក្នុងអាជីពជឺជីតស៊ូច្រើនឆ្នាំជាង ប៉ុន្តែមួយរយៈពេលចុងក្រោយនេះ នាងមិនសូវបានចេញប្រកួតទេ ហើយក៏មានចំណាត់ថ្នាក់ពិភពលោកទាបជាងកីឡាការិនីកម្ពុជាដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតថ្ងៃស្អែក ខាន់ ចេសា បាននិយាយថា ៖«ខ្ញុំពិតជារីករាយសម្រាប់ការប្រកួតនេះ។ តាមពិតទៅ យើងធ្លាប់ប្រកួតគ្នាជាច្រើនលើកមកហើយកាលពីក្មេង។ យ៉ាងណាចាប់តាំងពីយើងបានឈ្នះខ្សែក្រវាត់ពណ៌ស្វាយមក ពួកយើងមិនធ្លាប់បានប្រកួតគ្នាទេ។ វាពិតជាពិសេសណាស់ដែលយើងបានជួបគ្នាម្តងទៀតដើម្បីបបង្ហាញថាតើ យើងទាំងពីររីកចម្រើន ឬប្រែប្រួលខុសគ្នាកម្រិតណាស់»។

ចំណែក Kaori Hernandez បាននិយាយថា ៖«ខ្ញុំដឹងថា ចេសា ជាកីឡាការិនីដ៏ល្អម្នាក់។ នាងអាចប្រកួតបានល្អពេញទឹក។ ខ្ញុំមិនមែនទន្ទឹងរង់ចាំការប្រកួតជាមួយ ចេសា ទេ តែខ្ញុំទន្ទឹងរង់ចាំបង្ហាញសមត្ថភាពរបស់ខ្ញុំ។ ខ្ញុំសម្លឹងឆ្ពោះទៅរកការឃ្លេដៃគូឲ្យចុះចាញ់។ ខ្ញុំជឿលើជំនាញរបស់ខ្ញុំ»។

ពិតណាស់ ការជួបគ្នាលើកចុងក្រោយបំផុតរបស់អ្នកទាំងពីរកាលពីឆ្នាំ២០១៩ ហើយថ្ងៃទី១៨ ខែវិច្ឆិកា ឆ្នាំ២០២២ នេះគឺជាការជួបគ្នាសាជាថ្មី។

ចេសា ទទួលបានជោគជ័យយ៉ាងខ្លាំងក្នុងប៉ុន្មានឆ្នាំចុងក្រោយនេះ ក្នុងនោះឈ្នះមេដាយមាសទ្វីបអាស៊ី និងស៊ីហ្គេម ជូនកម្ពុជា។ ជាមួយគ្នានេះកញ្ញាបានឈ្នះជើងឯក Pans ពិភពលោកដែលជាខ្សែក្រវាត់ខ្មៅជឺជីតស៊ូកម្រិតលំដាប់ពិភពលោកកាលពីដើមឆ្នាំ២០២២នេះ ហើយកញ្ញាក៏ទើបតែឈ្នះមេដាយមាសពិភពលោកកាលពីពេលថ្មីៗនៅប្រទេសអារ៉ាប់រួម៕

ប្រែសម្រួល៖ វីរបុត្រ
ប្រភព៖ ibjjf.com

Related Topics:ខាន់ ចេសា