Connect with us

កីឡា

ខ្សែប្រយុទ្ធព្រះខ័នរាជស្វាយរៀង ភាគរយច្រើនឈ្នះស្បែកជើងមាស លីគកំពូលកម្ពុជា

បានផុស

នៅ

ខ្សែប្រយុទ្ធ​កម្ពស់​បាន របស់​ក្លិប​ព្រះខ័ន​រាជ​ស្វាយរៀង Marcus Warren Haber កំពុង​តែ​មាន​ភាគរយ​ច្រើន​ក្នុង​ការ​ឈ្នះ​តំណែង​ស្បែកជើង​មាស នាម​ជា​អ្នក​ទាត់​ចូល​ទី​ច្រើន​ជាង​គេ (Top Scorer) នៃ​ការ​ប្រកួត​លីគ​កំពូល​កម្ពុជា រដូវ​កាល ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Marcus Haber រក​បាន ២៥ គ្រាប់ ដែល​មាន​ភាគរយ​ខ្ពស់​ក្នុង​ការ​ឈ្នះ​ស្បែកជើង​មាស​នេះ គឺ​បន្ទាប់ពី​ដាច់​គ្រាប់​បាល់​គូប្រជែង​លេខ ២ (រក​បាន ២១ គ្រាប់) កីឡាករ​របស់​សមាគម​កីឡាបាល់ទាត់​កងយោធពលខេមរភូមិន្ទ Takumu Nishihara ដែល​អស់​ការ​ប្រកួត​ទៅ​ហើយ (ជ្រុះ​ចេញពី Top4) នោះ​ដល់​ទៅ ៤ គ្រាប់។

ដោយឡែក​កីឡាករ​ដែល​នៅ​មាន​ការ​ប្រកួត (កំពុង​ប្រកួត​ក្នុង Top4) ហើយ​ដែល​អាច​ចាត់ទុកថា​ប្រជែង​ផង​ដែរ​នោះ គឺ​កីឡាករ Fareed Sadat របស់​ក្លិប​ភ្នំពេញ​ក្រោន គឺ​ទើបតែ​រក​បាន ១៧ គ្រាប់ បានសេចក្ដីថា Marcus Haber ដាច់​ដល់​ទៅ ៨ គ្រាប់ ខណៈ​ការ​ប្រកួត​នៅ​សល់​តែ ២ ប្រកួត​ទៀត នឹង​បញ្ចប់។

កីឡាករ​ដទៃ​ទៀត​រួមមាន​ដូច​ខាង​ក្រោម ៖

២ ប្រកួត​ចុងក្រោយ​របស់ ព្រះខ័ន​រាជ​ស្វាយរៀង ហើយ​ដែល Marcus Haber អាច​រក​គ្រាប់​បាល់​បាន​បន្ថែម គឺ​ត្រូវ​ជួប បឹងកេត ចុង​សប្ដាហ៍​នេះ និង​សប្ដាហ៍​បន្ទាប់​ត្រូវ​ជួប វិសាខា៕

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម