Connect with us

កីឡា

កីឡាជាតិលើកទី៣៖ ឆ្នាំនេះក្រសួងការពារជាតិ ប្រមូលមេដាយមាសគ្រប់វិញ្ញាសាផ្នែកកីឡាសីដក់

បានផុស

នៅ

រយៈពេល ៤ ថ្ងៃ នៃ​ការ​ប្រជែង​មេដាយ​ក្លិប​សីដក់ ក្រសួងការពារជាតិ បាន​ឈ្នះ​មេដាយ​ច្រើន​ជាង​គេ​ក្នុងចំណោម​រាជធានី​-​ខេត្ត និង​ក្រសួង​ចំនួន ៦ ដែល​បាន​ចូលរួម​ប្រកួត​សីដក់ ដណ្ដើម​ជើងឯក​កីឡា​ជាតិ​លើក​ទី ៣ ឆ្នាំ ២០២២ ក្នុង​ពហុ​កីឡដ្ឋាន​ជាតិ​អូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិប​ក្រសួងការពារជាតិ ឈ្នះ​មេដាយ​ច្រើនជាងគេ ពោល​គឺ​ដណ្ដើម​បាន​មេដាយ​មាស​ទាំង ៣ វិញ្ញាសា​តែម្ដង ខណៈ​ក្រសួងមហាផ្ទៃ ឈ្នះ​មេដាយ​ប្រាក់ ១ និង​សំរឹទ្ធ ២ ឈរ​លេខ ២ គ្រា​ដែល​ខេត្ត​កំពង់ចាម និង​ខេត្ត​ឧត្តរមានជ័យ ឈរ​លេខ ៣ និង​លេខ ៤ ឈ្នះ​មេដាយ​ប្រាក់ ១ និង​សំរឹទ្ធ ១ ដូចគ្នា ។

លោក មាស សារិន ប្រធាន​សហព័ន្ធ​កីឡា​សីដក់ និង​ឈិន​ឡូ​ន​កម្ពុជា បាន​វាយតម្លៃ​ខ្ពស់​ចំពោះ​លទ្ធផល​របស់​អត្ត​ព​លិ​ក​ដែលជា​ជ័យលាភី នាពេលនេះ ពិតជា​បានមកពី​ការខិតខំ​ហ្វឹកហាត់​ជាប្រចាំ ការតស៊ូ ព្យាយាម​គោរព​វិន័យ​បានល្អ យកចិត្តទុកដាក់ និង​គោរព​បាន​តាម​បទបញ្ជា​បច្ចេកទេស នៅក្នុង​ការប្រកួត។ ជាមួយនេះ​ក៏​ជា​ឱកាស ក្នុងការ​ផ្តល់ជូន​គណៈ​កម្ម​ការរៀបចំ​ការ​ប្រកួត​បាន​ដកស្រង់ និង​បង្កើន​បទ​ពិសោធ ដើម្បី​ធ្វើ​ឲ្យ​កម្មវិធី​រៀបចំ​ការប្រកួត​នេះ​កាន់តែ​មាន​ភាព​ទាក់ទាញ​ដល់​ទស្សនិកជន​ឲ្យ​ជួយ​គាំទ្រ និង​លើកទឹកចិត្ត​ដល់​ក្មួយៗ កីឡាករ​-​កីឡា​ការិនី​បន្ថែម​ទៀត។

លោក​បន្ត​ថា ដើម្បី​ឲ្យ​កីឡា​សីដក់​កម្ពុជា​កាន់តែ​មាន​ការ​រីកចម្រើន​ទាំង​បរិមាណ និង​គុណភាព​ទៅ​ថ្ងៃ​អនាគត ជាពិសេស​នៅពេល​កម្ពុជា​ទទួល​ធ្វើ​ម្ចាស់ផ្ទះ ស៊ី​ហ្គេម ២០២៣ គឺ ១. ត្រូវ​ខិតខំ​បណ្ដុះ​បណ្ដាល​ថ្នាល​យុវជន បង្កើន​បរិមាណ​កីឡាករ កីឡា​ការិនី​តាម​សមាគម កីឡា​សីដក់ ឲ្យ​បាន​ទូលំទូលាយ។ ២. ត្រូវ​ពង្រឹង​សមត្ថភាព​អាជ្ញាកណ្ដាល ចៅក្រម ឲ្យ​កាន់តែ​ល្អ​ប្រសើរ​ទាំង​បរិមាណ និង​គុណភាព។ ៣. ត្រូវ​ជំរុញ​ឲ្យ​មាន​ការ​រៀបចំ​ការ​ប្រកួត​ឲ្យ​បាន​ច្រើន និង​ហ្វឹកហាត់​ជាប្រចាំ​តាម​បណ្ដា​ក្លិប សមាគម។ ៤. ត្រូវ​ពង្រឹង​រចនាសម្ព័ន្ធ​គ្រប់គ្រង​ផ្ទៃក្នុង​របស់​សហព័ន្ធ ឬ ក្លិប សមាគម​ទូទាំង​ប្រទេស។ ៥. ត្រូវ​ប្រឹងប្រែង​ស្វែងរក​ដៃគូ​អភិវឌ្ឍន៍​បន្ថែម​ទៀត ដើម្បី​បង្កើន​ព្រឹត្តិការណ៍​ប្រកួត​ឲ្យ​បាន​ច្រើន ក្នុង​មួយឆ្នាំៗ តាម​ដែល​អាច​ធ្វើ​ទៅ​បាន។

គួរ​បញ្ជាក់​ផង​ដែរ​ថា សម្រាប់​កីឡា​សីដក់​នេះ បាន​ដំណើរការ​ប្រកួត​រយៈពេល ៤ ថ្ងៃ ពី​ថ្ងៃ​ទី ១៩ ដល់​ថ្ងៃ​ទី ២២ ខែ​វិច្ឆិកា ឆ្នាំ ២០២២ ដោយ​មាន​ប្រតិភូ គ្រូ​បង្វឹក និង​កីឡាករ​-​កីឡា​ការិនី​សរុប ៧៣ នាក់ មកពី​រាជធានី​-​ខេត្ត និង​ក្រសួង​ចំនួន ៦ ចូលរួម ដោយ​ធ្វើការ​ប្រកួត​លើ ៣ វិញ្ញាសា រួមមាន វិញ្ញាសា​នារី ២ នាក់ ទល់ ២ នាក់, វិញ្ញាសា​បុរស ២ នាក់ ទល់ ២ នាក់ និង​វិញ្ញាសា​បុរស ៣ នាក់ ទល់ ៣ នាក់៕

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២១ នាទី មុន

ស្នងការរាជធានីភ្នំពេញ​ ត្រៀមកម្លាំងជាង ៧០០នាក់ ដើម្បីការពារសន្តិសុខសណ្ដាប់​ធ្នាប់ សម្រាប់ការប្រឡងបាក់ឌុប

កីឡា៣៥ នាទី មុន

Ronaldo ត្រៀមចូលក្លឹបអារ៉ាប៊ីសាអូឌីត ឯប្រាក់ខែខ្ពស់បំផុតក្នុងប្រវត្តិសាស្ត្រ

ព័ត៌មានជាតិ៤៦ នាទី មុន

កិច្ចប្រជុំ​អភិបាល​រាជធានី និង​រដ្ឋធានី​អាស៊ាន ឆ្នាំ​២០២២ បានអនុម័ត និង​ចុះហត្ថលេខា​រួមគ្នា​លើ​សេចក្ដីប្រកាស ដែលមាន ខ្លឹមសារ​ចំនួន ៦ ចំណុច

ជីវិតកម្សាន្ដ១ ម៉ោង មុន

Bella តារាស្រីថៃម្នាក់គត់ ដែលបង្ហាញខ្លួនលើកម្រាលព្រំក្រហម នៅ​អារ៉ាប៊ីសាអូឌីត

ព័ត៌មានជាតិ៣ ម៉ោង មុន

អភិបាលរាជធានី និងរដ្ឋធានីអាស៊ានផ្តល់យោបល់ជំរុញកិច្ចសហប្រតិបត្តិការឲ្យមានទីក្រុងឆ្លាត

Sokha Hotels

ព័ត៌មានពេញនិយម