Connect with us

កីឡា

ក្រុមហ៊ុន Apple ចាប់អារម្មណ៍ចង់ទិញក្លិប Manchester United

បានផុស

នៅ

ក្រុមហ៊ុនបច្ចេកវិទ្យាយក្ស Apple កំពុងពិចារណាទិញក្លិប Manchester United នេះបើយោងតាម The Daily Star ។

កាសែត The tabloid របស់អង់គ្លេស ដោយមិនដកស្រង់ប្រភពណាមួយបាននិយាយថា នាយកប្រតិបត្តិ ​Apple ​លោក Tim Cook ចាប់អារម្មណ៍ក្នុងការបង់ប្រាក់ចំនួន ៥.៨ពាន់លានផោនសម្រាប់ក្លិបបាល់ទាត់ Premier League ដែលកំពុងមានរឿងរ៉ាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត Daily Star បានសរសេរកាលពីថ្ងៃព្រហស្បតិ៍ថា “CEO Tim Cook មានបំណងចង់ស្វែងរកឱកាសក្លាយជាម្ចាស់ក្លិប Man United ហើយនឹងរៀបចំការពិភាក្សាជាមួយធនាគារដែលត្រូវបានតែងតាំងដើម្បីត្រួតពិនិត្យការលក់ ដែលរួមមាន The Raine Group”។

កាសែតនេះបាននិយាយថា ការទិញដោយក្រុមហ៊ុន Apple នឹងធ្វើឱ្យ Man Utd ក្លាយជាក្លិបដែលមានបំផុតនៅលើពិភពលោក។ Apple មិនអាចទាក់ទងសុំការអធិប្បាយបានទេ។ Manchester United មិនបានឆ្លើយតបនឹងសំណើសុំការអត្ថាធិប្បាយទេ។

Man Utd ត្រូវបានដាក់ឱ្យដំណើរការលក់ បន្ទាប់ពីម្ចាស់ក្លិបត្រកូល Glazers ជនជាតិអាមេរិក នៅសប្តាហ៍នេះបាននិយាយថា ពួកគេកំពុងពិចារណាជម្រើសសម្រាប់អាជីវកម្មដែលត្រូវបានដកស្រង់ចេញពីផ្សារហ៊ុនញូវយ៉ក៕

ប្រភព៖ marketwatch.com

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម