កីឡា

ល្ងាចនេះ ក្រុមណាជាជើងឯកលីគកំពូលកម្ពុជា២០២២?

បានផុស

១ year មុន

នៅ

ថ្ងៃសៅរ៍ ៣ ធ្នូ ២០២២

ដោយ

វេលាម៉ោង៦:៣០នាទីល្ងាចនេះ ព្រះខ័នរាជស្វាយរៀង បើកទ្វារកីឡដ្ឋានរបស់ខ្លួនទទួលក្រុមខ្លាំងវិសាខា ខណៈម៉ោងដំណាលគ្នា ភ្នំពេញក្រោន ធ្វើដំណើរទៅជួប បឹងកេត ក្នុងការប្រកួតចុងក្រោយនៃជម្រើសជើងឯកខេមបូឌានព្រីមៀរលីគរដូវកាល២០២២ ហើយក៏ជាពេលវេលាកាត់សេចក្តីក្រុមណាជាម្ចាស់ជើងឯកដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីសប្តាហ៍មុន ព្រះខ័នរាជស្វាយរៀងបានវិលត្រឡប់មកទទួលបានជ័យជម្នះវិញហើយដោយឈ្នះលើបឹងកេត ២-១ បន្ទាប់ពីធ្វើមិនសូវបានល្អក្នុងវគ្គ៤ក្រុមចុងក្រោយ។ លទ្ធផលជ័យជម្នះចុងក្រោយជួយជំរុញទឹកក្រុមព្រះខ័នរាជស្វាយរៀងមានក្តីសង្ឃឹមតស៊ូដល់វិនាទីបញ្ចប់។ ៣ប្រកួតចុងក្រោយរបស់ព្រះខ័នរាជស្វាយរៀង ចាញ់២ និងឈ្នះ១ ខណៈវិសាខា ឈ្នះ២ និងចាញ់១ដូចគ្នា។

បឹងកេតបានបាត់បង់ឱកាសឈ្នះជើងឯកហើយបន្ទាប់ពីធ្វើមិនបានល្អក្នុងវគ្គ៤ក្រុមចុងក្រោយ ដូច្នេះការប្រកួតទល់នឹងភ្នំពេញក្រោនល្ងាចនេះគឺជាការបង្គ្រប់កិច្ច។ ៣ប្រកួតចុងក្រោយ បឹងកេតចាញ់ទាំង៣ ខណៈភ្នំពេញក្រោន ឈ្នះទាំង៣ប្រកួត កំពុងឈរលើកំពូលតារាង។

ជម្រើសតែម្យ៉ាងគត់សម្រាប់ភ្នំពេញក្រោនដើម្បីក្លាយជាជើងឯកគឺត្រូវការយកឈ្នះបឹងកេតឲ្យបាន ដោយមិនបាច់ខ្វល់ពីលទ្ធផលរវាង វិសាខា និងព្រះខ័នរាជស្វាយរៀងឡើយ។ ផ្ទុយទៅវិញ បើភ្នំពេញក្រោន ចាញ់ឬស្មើ ដូច្នេះអ្វីៗនឹងប្រែប្រួលទៅតាមលទ្ធផលនៃការប្រកួតរបស់វិសាខា និងព្រះខ័នរាជស្វាយរៀង៕

អត្ថបទ៖ វីរបុត្រ