កីឡា
ពិធីបុណ្យសពរបស់ Pele នឹងត្រូវធ្វើឡើងនៅថ្ងៃច័ន្ទ និងថ្ងៃអង្គារ នៅលើកីឡដ្ឋាន Santos
សាកសពរបស់ Pele ដែលជាកីឡាករបាល់ទាត់ដ៏អស្ចារ្យបំផុត នឹងត្រូវតម្កល់នៅទីកន្លែងកំណើតរបស់លោក នាទីក្រុង Santos ក្នុងកីឡដ្ឋាន Vila Belmiro Stadium ជាកន្លែងដែលលោកនាំឱ្យមានការទាក់ទាញពិភពលោក។
![](https://www.kampucheathmey.com/wp-content/uploads/2022/12/WhatsApp-Image-2022-12-30-at-8.47.30-AM.webp)
លោក Pele ដែលបានទទួលមរណភាពក្នុងអាយុ ៨២ឆ្នាំកាលពីថ្ងៃព្រហស្បតិ៍ នឹងធ្វើដំណើរត្រង់ពីមន្ទីរពេទ្យ Albert Einstein ទៅកាន់ Estádio Urbano Caldeira ក្នុងទីក្រុង Vila Belmiro នៅពេលព្រឹកព្រលឹមថ្ងៃចន្ទ ហើយមឈូសនឹងត្រូវដាក់នៅចំកណ្តាលទីលាន។ ការគោរពជាសាធារណៈត្រូវបានគេរំពឹងថានឹងចាប់ផ្តើមនៅម៉ោង ១០ព្រឹក។
![](https://www.kampucheathmey.com/wp-content/uploads/2022/12/371.jpeg)
ពិធីនេះនឹងបន្តរហូតដល់ម៉ោង ១០ ព្រឹកថ្ងៃអង្គារ ទី០៣ ខែមករា នៅពេលដែលក្បួនដង្ហែនឹងប្រព្រឹត្តទៅតាមដងផ្លូវនៃទីក្រុង Santos។
ការដង្ហែនឹងឆ្លងកាត់ តំបន់ Canal 6 ជាកន្លែងដែលម្តាយអាយុ ១០០ឆ្នាំរបស់ Pelé ឈ្មោះ Celeste រស់នៅ មុនពេលធ្វើដំណើរទៅកាន់ Ecumenical Necropolis Memorial សម្រាប់ការបញ្ចុះសពដែលបានបម្រុងទុកសម្រាប់សមាជិកគ្រួសារ។
![](https://www.kampucheathmey.com/wp-content/uploads/2022/12/TELEMMGLPICT000320515396_trans_NvBQzQNjv4BqZgEkZX3M936N5BQK4Va8RWtT0gK_6EfZT336f62EI5U-2-1024x640.webp)
គួរបញ្ជាក់ថា លោក Pele បានស្លាប់ក្នុងវ័យ ៨២ឆ្នាំបន្ទាប់ពីការប្រយុទ្ធដ៏យូរជាមួយនឹងជំងឺមហារីកពោះវៀនធំ លោកបានចូលមន្ទីរពេទ្យតាំងពីចុងខែមុន។
លោក Pele គឺជាបុរសតែម្នាក់គត់ដែលឈ្នះ World Cup បីដង លើកទី១ ក្នុងវ័យត្រឹមតែ ១៧ឆ្នាំ ក្នុងឆ្នាំ១៩៥៨ ម្តងទៀតនៅប្រទេសឈីលី បួនឆ្នាំក្រោយមក ហើយបន្ទាប់មកការឈ្នះលើកទី៣ នៅប្រទេសម៉ិកស៊ិក ក្នុងឆ្នាំ១៩៧០។
ក្នុងអាជីពរបស់គាត់ លោកស៊ុតបញ្ចូលទីបាន ១,២៨២គ្រាប់ ក្នុងចំណោម ១,៣៦៦ប្រកួត ដែលរួមបញ្ចូល ៧៧គ្រាប់ ក្នុងការបង្ហាញខ្លួន ៩២ប្រកួតសម្រាប់ក្រុមជម្រើសជាតិ៕
ប្រភព ៖ dailymail.co.uk
អត្ថបទ ៖ មន្នីរ័ត្ន
![](https://www.kampucheathmey.com/wp-content/uploads/2022/12/Brazil_Pele_84337-1024x576.jpeg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានអន្ដរជាតិ១៩ ម៉ោង ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
សន្តិសុខសង្គម១ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់