World Cup 2026 បង្កើនក្រុមចូលរួមដល់ទៅ៤៨ ចុះ តើទ្វីបណាបានកៅអី ច្រើនជាងគេ?

បន្ទាប់ពីព្រឹត្តិការណ៍​បាល់ទាត់ពិភពលោកឆ្នាំ២០២២ ដែលធ្វើឡើងនៅទ្វីបអាស៊ីបានកន្លងផុតទៅ ពិភពលោក ទាំងមូលបានបង្វែរចក្ខុទៅ World Cup ឆ្នាំ២០២៦ វិញម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៤ឆ្នាំទៀត ព្រឹត្តិការណ៍ប្រកួតបាល់ទាត់ពានរង្វាន់ដ៏អស្ចារ្យបំផុតក្នុងពិភពលោក នឹងត្រូវធ្វើឡើងនៅ ទ្វីបអាមេរិកខាងជើង។ លើកនេះ មានប្រទេសដល់ទៅ៣ដែលរៀបចំធ្វើជាម្ចាស់ផ្ទះដូចជា សហរដ្ឋអាមេរិក ម៉ិកស៊ិក និងកាណាដា។

២០២៦ នឹងក្លាយជាឆ្នាំប្រវត្តិសាស្រ្តរបស់ World Cup ពោលគឺចាប់តាំងពីបង្កើតពានរង្វាន់នេះមក មិនដែលមានប្រទេសដល់ទៅ៣ធ្វើជាម្ចាស់ផ្ទះទេ អស់ហើយត្រឹម២។

ហើយអ្វីដែលកាន់តែពិសេសទៀតនោះ ក្រុមដែលចូលរួមក្នុងយុទ្ធនាការនេះ នឹងមានរហូតដល់ទៅ៤៨ លែងមាន៣២ដូចមុនទៀតហើយ។ ដូចនេះមានន័យថា World Cup 2026 មានការប្រកួតកាន់តែច្រើន ហើយកាន់តែជក់ចិត្ត។

ចុះតើទ្វីបណាទទួលបានកៅអីច្រើនជាងគេ សម្រាប់ព្រត្តិការណ៍ឆ្នាំ២០២៦នោះ? 

FIFA បានកំណត់ថា អឺរុប ជាទ្វីបទទួលបានកៅអីច្រើនជាងគេពោលគឺបានរហូតដល់ទៅ១៦ បន្ទាប់មកគឺទ្វីបអាហ្វ្រិកបាន ៩​ កៅអី​កន្លះ​, ទ្វីបអាស៊ីបាន ៨កៅអីកន្លះ, ទ្វីបអាមេរិក​ខាងជើង ៦​កៅអី​កន្លះ​, ទ្វីបអាមេរិក​ខាងត្បូង ៦​កៅអី​កន្លះ​, ទ្វីបអូសេអានី ១​កៅអី​កន្លះ៕

អត្ថបទ៖ Vann Vann

ចុចអាន៖ World Cup 2026 មានប្រទេសដល់ទៅ៣ ធ្វើជាម្ចាស់ផ្ទះ ហើយក្រុមចូលរួម មិនមែន៣២ទៀតទេ