World Cup 2026 មានប្រទេសដល់ទៅ៣ ធ្វើជាម្ចាស់ផ្ទះ ហើយក្រុមចូលរួម មិនមែន៣២ទៀតទេ

ការប្រកួតបាល់ទាត់ដណ្តើមពានរង្វាន់ពិភពលោកឆ្នាំ២០២២ ក្នុងប្រទេសកាតា បានបញ្ចប់ទៅហើយ ដោយ អាហ្សង់ទីន គឺជាម្ចាស់ជើងឯក។

បន្ទាប់ពីព្រឹត្តិការណ៍ដែលធ្វើឡើងនៅទ្វីបអាស៊ីបានកន្លងផុតទៅ ពិភពលោក ទាំងមូលបានបង្វែរចក្ខុទៅ World Cup ឆ្នាំ២០២៦ វិញម្តង។

៤ឆ្នាំទៀត ព្រឹត្តិការណ៍ប្រកួតបាល់ទាត់ពានរង្វាន់ដ៏អស្ចារ្យបំផុតក្នុងពិភពលោក នឹងត្រូវធ្វើឡើងនៅ ទ្វីបអាមេរិកខាងជើង។ លើកនេះ មានប្រទេសដល់ទៅ៣ដែលរៀបចំធ្វើជាម្ចាស់ផ្ទះដូចជា សហរដ្ឋអាមេរិក ម៉ិកស៊ិក និងកាណាដា។

២០២៦ នឹងក្លាយជាឆ្នាំប្រវត្តិសាស្រ្តរបស់ World Cup ពោលគឺចាប់តាំងពីបង្កើតពានរង្វាន់នេះមក មិនដែលមានប្រទេសដល់ទៅ៣ធ្វើជាម្ចាស់ផ្ទះទេ អស់ហើយត្រឹម២។

ហើយអ្វីដែលកាន់តែពិសេសទៀតនោះ ក្រុមដែលចូលរួមក្នុងយុទ្ធនាការនេះ នឹងមានរហូតដល់ទៅ៤៨ លែងមាន៣២ដូចមុនទៀតហើយ។ ដូចនេះមានន័យថា World Cup 2026 មានការប្រកួតកាន់តែច្រើន ហើយកាន់តែជក់ចិត្ត៕

អត្ថបទ៖ Vann Vann

ចុចអាន៖ ឈ្នះទាំងពាន បំបែកទាំងកំណត់ត្រាមួយទៀត សម្រាប់ Messi យប់មិញ