កីឡា
លោកគ្រូ Conor Nestor រៀបរាប់ពីស្ថានភាពមុនប៉ះភ្នំពេញក្រោនថ្ងៃសៅរ៍នេះ
ក្លឹបព្រះខ័នរាជស្វាយរៀងនឹងប្រកួតក្នុងពានរង្វាន់ Cambodian League Cup ជាមួយម្ចាស់ការពារតំណែងជើងឯកឆ្នាំចាស់ ភ្នំពេញក្រោន វេលាម៉ោង៦:៣០នាទីល្ងាច ថ្ងៃសៅរ៍ ទី១៨ ខែកុម្ភៈនេះ នៅស្តាតចាស់។
នេះជាការប្រកួតទី១របស់ក្លឹបព្រះខ័នរាជស្វាយរៀង ខណៈភ្នំពេញក្រោនជាការប្រកួតលើកទី២ បន្ទាប់ពីលើកទី១ទទួលបាន៣ពិន្ទុពេញពីជ័យជម្នះលើក្រុមសូលទីឡូអង្គរដោយលទ្ធផល ២-០។
សម្រាប់ការប្រកួតខេមបូឌានលីគខាប់នេះ លោក Conor Nestor គ្រូបង្គោលព្រះខ័នរាជស្វាយរៀងបាននិយាយថា ក្រុមរបស់លោកមិនទាន់ត្រៀមខ្លួនរួចរាល់ទេ ដោយសារមានការផ្លាស់ប្តូរសមាជិកច្រើន ហើយកីឡាករមួយចំនួនក៏ទើបតែវិលត្រឡប់ចូលហ្វឹកហាត់វិញ។ ដូច្នេះការប្រកួតលីគខាប់នេះគឺដើម្បីជួយកីឡាករថ្មីៗឲ្យយល់ចិត្តគ្នាជាមួយកីឡាករចាស់។
លោកមានប្រសាសន៍ថា ៖«ខ្ញុំឃើញថា យើងត្រូវការពេលវេលាច្រើនណាស់ដើម្បីឲ្យស្គាល់ចិត្តគ្នា មុនពេលយើងអាចបង្ហាញនូវអ្វីដែលយើងចង់ធ្វើ។ ធម្មតាទេនៅពេលផ្លាស់ប្តូរកីឡាករច្រើន ត្រូវការពេលវេលាយូរ»។
មែនហើយ ព្រះខ័នរាជស្វាយរៀងបាននាំចូលកីឡាករថ្មីរហូតដល់៨នាក់ឯណោះសម្រាប់ការត្រៀមខ្លួនរដូវកាលថ្មីនេះ។ កីឡាករ សេត រ៉ូស៊ីប ជាខ្សែបម្រើការពារមកពីក្លឹបបឹងកេត។ គួច ដានី អាយុ៣២ឆ្នាំជាខ្សែបម្រើមកពីក្លឹបណាហ្គាវើលដ៍។ ណារ៉ុង កក្កដា ខ្សែប្រយុទ្ធមកពីក្លឹបក្រសួងការពារជាតិ។ វីរៈ ដារ៉ា ជាអ្នកចាំទីខ្ចីជើងមកក្លឹបវិសាខា។ ខ្សែការពារ ធារី ចន្ថាប៊ីន មកពីវិសាខា។ Gabriel Silva Costa ប្រយុទ្ធប្រេស៊ីលមកពីអង្គរថាយហ្គឺរ។ Iago Fernandes ខ្សែបម្រើប្រយុទ្ធមកពីអង្គរថាយហ្គឺរ និងកីឡាករ Nick Taylor ខ្សែប្រយុទ្ធថ្មីមកពីអាមេរិក។ យ៉ាងណា កីឡាករខ្មែរ-អាមេរិក Taylor មិនអាចលេងក្នុងលីគខាប់បានទេ ដោយសារច្បាប់ដោះដូរកីឡាករនៅអាមេរិកមិនទាន់បើក។
និយាយពីការជួបភ្នំពេញក្រោននៅថ្ងៃសៅរ៍នេះ លោកគ្រូ Conor Nestor មិនអាចវាយតម្លៃយ៉ាងណានោះទេពីដៃគូជើងឯកឆ្នាំចាស់មួយនេះ។ លោកបានលើកឡើងថា ៖«យើងត្រូវរង់ចាំមើលទៀត ពីព្រោះភ្នំពេញក្រោនទើបលេងបាន១ប្រកួត ហើយក្រុមយើងមិនទាន់បានលេងទេ។ យើងដឹងហើយថា ភ្នំពេញក្រោនភាគច្រើនរក្សាទុកកីឡាករចាស់ដែលជួយឲ្យក្លឹបឈ្នះជើងឯករដូវកាលមុន ហើយក៏ជឿជាក់ថា ការប្រកួតនេះនឹងលំបាកសម្រាប់ក្រុមយើង»។
សូមបញ្ជាក់ថា ការប្រកួតនេះធ្វើនៅស្តាតចាស់ ដោយសារកីឡដ្ឋានព្រះខ័នរាជស្វាយរៀងកំពុងជួសជុល៕
អត្ថបទ៖ វីរបុត្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង