កីឡា

អគ្គលេខាធិការ APSF លើកឡើង៤ចំណុចពេលរាប់ថយក្រោយ១០០ថ្ងៃទៅអាស៊ានប៉ារ៉ាហ្គេមនៅកម្ពុជា

បានផុស

២ years មុន

នៅ

ថ្ងៃព្រហស្បតិ៍ ២៣ កុម្ភៈ ២០២៣

ដោយ

គិតត្រឹមថ្ងៃទី២៣ ខែកុម្ភៈនេះ នៅសល់ត្រឹមតែ១០០ថ្ងៃទៀតប៉ុណ្ណោះ ព្រឹត្តិការណ៍ប្រកួតកីឡាជនពិការអាស៊ាន ឬហៅ កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នៅប្រទេសកម្ពុជាឈានចូលមកដល់ហើយ។

លោកស្រី Wandee Tosuwan (កណ្តាល)ពេលមកប្រជុំនៅកម្ពុជាកន្លងមក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងថ្ងៃរាប់ថយក្រោយនេះ លោកស្រី Wandee Tosuwan អគ្គលេខាធិការជនសហព័ន្ធកីឡាជនពិការអាស៊ាន (APSF) បានលើកឡើង៥ចំណុចដើម្បីស្វាគមន៍ ក៏ដូចជារម្លឹកទៅដល់ប្រទេសជាសមាជិកទាំង១១នៃតំបន់អាស៊ានឲ្យត្រៀមខ្លួនដើម្បីចូលរួមប្រកួតព្រឹត្តិការណ៍កីឡាជនពិការដែលរៀបចំលើកដំបូងនៅប្រទេសកម្ពុជាចាប់ពីថ្ងៃទី៣ ដល់ទី៩ ខែមិថុនា ឆ្នាំ២០២៣ នៅរាជធានីភ្នំពេញ។

លោកស្រីមានប្រសាសន៍ថា ៖«ខ្ញុំពិតជារីករាយខ្លាំងណាស់ដែលមានពាក្យពេចន៍ខ្លះៗក្នុងឱកាសនៃពិធីរាប់ថយក្រោយ១០០ថ្ងៃឆ្ពោះទៅកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នៅប្រទេសកម្ពុជា»។

១-ស្របពេលកីឡាជនពិការនៅកម្ពុជាកាន់តែខិតជិតចូលមកដល់ ភាពរំភើបរីករាយគឺជាភស្តុតាង ជាពិសេសក្នុងចំណោមប្រតិភូ អត្តពលិក និងអ្នកស្នេហាកីឡាក្នុងតំបន់។ ត្រឹមតែ៩ខែ បន្ទាប់ពីរៀបចំទទួលបានជោគជ័យនូវអាស៊ានប៉ារ៉ាហ្គេម លើកទី១១ ក្នុងប្រទេសឥំណ្ឌូនេស៊ីកាលពីឆ្នាំមុន យើងសម្លឹងឆ្ពោះទៅភាពរំភើបរីករាយជាថ្មីទៀតនូវអាស៊ានប៉ារ៉ាហ្គេម លើកទី១២ ចាប់ពីថ្ងៃទី៣ ដល់ទី៩ ខែមិថុនា ឆ្នាំ២០២៣ នៅរាជធានីភ្នំពេញ។

២-ថ្ងៃនេះ ស្របពេលយើងអបអរថ្ងៃរាប់ថយក្រោយ១០០ថ្ងៃ យើងត្រូវតែបន្តធ្វើឲ្យប្រាកដច្បាស់ថា អត្តពលិករបស់យើងត្រូវបានផ្តល់ជាអាទិភាពដើម្បីឲ្យពួកគាត់ទទួលបានឱកាសបង្ហាញសមត្ថភាពឈានដល់កម្រិតខ្ពស់។ អាស៊ានប៉ារ៉ាហ្គេម មិនត្រឹមតែផ្តល់ឲ្យពួកគាត់បានបង្ហាញសមត្ថភាពកីឡាប៉ុណ្ណោះទេ ប៉ុន្តែក៏ជួយលើកកម្ពស់ដល់ពួកគាត់ឲ្យមានសិទ្ធិ និងសមភាពដូចអត្តពលិកទូទៅដែរ។ ខ្ញុំជឿថា ទីក្រុងភ្នំពេញ និងរាជរដ្ឋាភិបាលកម្ពុជានឹងធ្វើអ្វីគ្រប់យ៉ាងដើម្បីធានាបាននូវការប្រកួតដោយរលូន និងកេរ្តិ៍ឈ្មោះយូរអង្វែង។

៣-អត្តពលិក និងមន្ត្រីជាង២០០០នាក់ពី១១ប្រទេសនឹងជួបជុំគ្នានៅរាជធានីភ្នំពេញដើម្បីប្រកួតលើ១៣ប្រភេទកីឡា ក្នុងនោះមាន E-Sports ជាកីឡាសម្តែងមួយផងដែរដែលជាលើកដំបូងមានកីឡាអេឡិចត្រូនិកនេះ។ ខ្ញុំជូនពរឲ្យប្រតិភូ អត្តពលិក និងមន្ត្រីទទួលបានជោគជ័យទាំងអស់គ្នា។

៤-ក្នុងនាមសហព័ន្ធកីឡាជនពិការអាស៊ាន ខ្ញុំសូមជូនពរាជរដ្ឋាភិបាលកម្ពុជា មន្ត្រីរៀបចំការប្រកួត CAMAPGOC ភាគីពាក់ព័ន្ធ ម្ចាស់ឧបត្ថម្ភ អ្នកស្ម័គ្រចិត្ត អត្តពលិក និងអ្នកគាំទ្ររួមដៃគ្នាធ្វើការដើម្បីឲ្យព្រឹត្តិការណ៍កីឡាអាស៊ានប៉ារ៉ាហ្គេម ប្រព្រឹត្តទៅដោយរលូន៕

អត្ថបទ៖ វីរបុត្រ

Related Topics:អាស៊ានប៉ារ៉ាហ្គេម ២០២៣