កីឡា

Messi ចាយលុយលើ iPhone មាស ៣៥ គ្រឿង សម្រាប់មិត្តរួមក្រុម និងបុគ្គលិកដែលឈ្នះ World Cup

បានផុស

៣ years មុន

នៅ

ថ្ងៃព្រហស្បតិ៍ ២ មីនា ២០២៣

ដោយ

LIONEL Messi បានចំណាយប្រាក់ប្រមាណ ១៧៥ ម៉ឺនផោន លើ iPhone 14 មាស ចំនួន ៣៥ គ្រឿង សម្រាប់មិត្តរួមក្រុមដែលឈ្នះ World Cup របស់ខ្លួន រួមទាំងបុគ្គលិក នៃក្រុមជម្រើសជាតិអាហ្សង់ទីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសញ្ជាតិអាហ្សង់ទីនរូបនេះ បានបញ្ជាទិញមាស ២៤ ការ៉ាត់ សម្រាប់សមាជិកគ្រប់រូប នៃក្រុមដែលឈ្នះ ហើយបានឲ្យពួកគេបញ្ជូនទៅផ្ទះនៅប៉ារីសរបស់គេកាលពីថ្ងៃសៅរ៍។ ទូរសព្ទនីមួយៗមានឈ្មោះ លេខរបស់កីឡាករ និងឡូហ្គោអាហ្សង់ទីនឆ្លាក់លើវា។

កាលពីយប់មិញ ប្រភពមួយបាននិយាយថា “Lionel ចង់ធ្វើអ្វីដែលពិសេស និងអស្ចារ្យ ដើម្បីអបអរពេលវេលាដ៏មានមោទនភាពបំផុតរបស់ខ្លួន។ គេបានទាក់ទងជាមួយសហគ្រិន Ben Lyons ហើយពួកគេបានបង្កើតការរចនាជាមួយគ្នា»។

Ben ដែលជានាយកប្រតិបត្តិ នៃ iDesign Gold បាននិយាយថា «Lionel មិនត្រឹមតែជាកីឡាករដ៏ល្អបំផុតប៉ុណ្ណោះទេ ប៉ុន្តែគាត់គឺជាអតិថិជនដ៏ស្មោះត្រង់បំផុតរបស់ IDESIGN GOLD ហើយបានទាក់ទងជាមួយពួកយើង ២,៣ ខែ បន្ទាប់ពីការប្រកួត World Cup វគ្គផ្ដាច់ព្រ័ត្រ»។

«គាត់បាននិយាយថា គាត់ចង់បានអំណោយពិសេសមួយសម្រាប់កីឡាករ និងបុគ្គលិកទាំងអស់ ដើម្បីអបអរការឈ្នះដ៏អស្ចារ្យ ប៉ុន្តែគាត់មិនចង់បានកាដូនាឡិកាធម្មតានោះទេ។ ដូច្នេះ ខ្ញុំបានស្នើថា គួរតែផ្ដល់ជា iPhone ពណ៌មាស ដែលសរសេរឈ្មោះរបស់ពួកគេ ហើយគាត់ពេញចិត្តគំនិតនេះ»។