កីឡា
ការរត់ពាក់កណ្ដាលម៉ារ៉ាតុងអន្តរជាតិ ត្រូវបានប្ដូរឥរិយាបថ នៃការរត់ទៅជារត់ដោយស្ម័គ្រចិត្តខ្លួនឯងវិញ
ទិវាអន្តរជាតិរត់ពាក់កណ្តាលម៉ារ៉ាតុងនៅអង្គរវត្តខេត្តសៀមរាប ត្រូវបានប្ដូរឥរិយាបថបន្ទាប់ពីស្ថានភាពនៃកូវីដ១៩ នៅមិនទាន់ស្ងប់ស្ងាត់នោះ។
បន្ទាប់ការអាក់ខានដោយសារកូវីដ១៩នោះ គណៈកម្មាធិការជាតីអូឡាំពិកកម្ពុជា(NOCC) មានគម្រោងរៀបចំព្រឹត្តិការណ៍ទិវាអន្តរជាតិរត់ពាក់កណ្តាលម៉ារ៉ាតុងអង្គរវត្ត នៅខេត្តសៀមរាប នាថ្ងៃទី២៤ ខែមករា ឆ្នាំ២០២១ តែពេលនេះស្ថានភាពនៅមិនទាន់អំណោយផលនៅឡើយទេ ហើយអ្នកចុះឈ្មោះក៏បានចុះរួចដែរ ហេតុនេះគណៈកម្មាធិការជាតិអូឡាំពិកកម្ពុជានិងដៃគូឧបត្ថម្ភសម្រេចចិត្តប្ដូរឥរិយាបថ នៃការរត់ទៅជារត់ដោយស្ម័គ្រចិត្តខ្លួនឯង(VIRTUAL)វិញ ដែលនឹងធ្វើនៅថ្ងៃ ទី៦ និង៧កុម្ភៈ។
ក្នុងសន្និសីទកាសែតនាព្រឹកថ្ងៃទី១៥ ខែមករា លោក វ៉ាត់ ចំរើន អគ្គលេខាធិការNOCC បញ្ជាក់ថា យើងមិនអាចរៀបចំព្រឹត្តិការណ៍នេះ ឲ្យដូចរៀងរាល់ឆ្នាំបាននោះទេ ព្រោះសន្ទុះកើនឡើងនៃមេរោគកូវីដ១៩ នៅប្រទេសជិតខាងស្ថិតក្នុងកម្រិតខ្ពស់។ លោកបញ្ជាក់ទៀតថា ក្នុងបរិបទនៃកូវីដ១៩ យើងត្រូវធ្វើអ្វីឲ្យស្របទៅតាមយុគសម័យនៃសង្គម ដែលកំពុងតែរងនូវឥទ្ធិពលមួយនេះ។ហេតុនេះអ្នក ដែលបានចុះឈ្មោះរួចរាល់ហើយត្រូវតែរត់ដោយខ្លួន ហើយរត់នៅទីកន្លែងណាក៏ បានដែរ ហើយចំពោះលទ្ធផល គឺសាមីខ្លួនត្រូវផ្ញើតាមរយៈManulife MOVE App)ដើម្បីទទួលមេដាយក្នុងករណី ដែលការរត់នោះបានទទួលថិរវេលាល្អ។
អ្នករត់ត្រូវតែមានភាពស្មោះត្រង់លើលទ្ធផលរបស់ខ្លួន ទាំងអ្នករត់៣គីឡូម៉ែត្រ ៥គីឡូម៉ែត្រ ១០គីឡូម៉ែត្រ និង ២១គីឡូម៉ែត្រ។ប្រសិនបើគេផ្ញើលទ្ធផលដែលមិនស្មោះត្រង់មកមានន័យថាគេមិនស្មោះត្រង់ចំពោះខ្លួនឯងឡើយ ។ហេតុនេះអ្នកចូលរួមរត់ត្រូវតែបំពេញកាតព្វកិច្ចរត់ឲ្យដល់ទិលដៅរបស់ខ្លួន។ លោកអគ្គលេខាធិការទទួលស្គាល់ថា ការធ្វើនូវរបៀបថ្មីនេះ ប្រៀបដូចជាអាវុធមុខពីរយ៉ាងអញ្ចឹង គឺវាអាចបរាជ័យនិងជោគជ័យ តែទោះជាយ៉ាងណាក៏ត្រូវតែធ្វើ ព្រោះនៅលើពិភពលោកនេះ គេបានប្ដូរឥរិយាបថមករត់តាមរបៀបស្ម័គ្រ ចិត្តដោយខ្លួនឯង(VIRTUAL)នេះអស់ហើយ។ សូមបញ្ជាក់ថា ដំបូងឡើយគណៈកម្មាធិការជាតិអូឡាំពិកកម្ពុជានិងគណៈកម្មការរៀបចំការ ប្រកួត គ្រោងបើកការប្រកួតទិវារត់ប្រណាំងអន្តរ ជាតិពាក់កណ្តាលម៉ារ៉ាតុងអង្គរវត្តលើកទី២៥នៅខេត្តសៀមរាបនៅថ្ងៃទី២៤ ខែមករា ឆ្នាំ២០២១ ហើយសម្រាប់ទិវារត់នេះ គឺមិនអនុញ្ញាតឲ្យបរទេស ដែលរស់នៅក្រៅប្រទេសចូលរួមឡើយ ដោយអនុញ្ញាតឲ្យជនបរទេសរស់នៅក្នុងប្រទេសតែប៉ុណ្ណោះ៕
អត្ថបទ៖ វិសិទ្ធ
សូមចុចអាន៖ សហព័ន្ធប៊ូលនិងប៉េតង់កម្ពុជា នឹងរៀបចំការប្រកួតកីឡាជ្រើសរើសជើងឯក ឆ្នាំ២០២០នាចុងខែនេះ
-
ព័ត៌មានជាតិ២៣ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់