កីឡា
លោក ជា រិទ្ធ បកស្រាយរឿងចាប់ Sammy រាប់ទទួលការរិះគន់យប់មិញ
កីឡាករថៃ សាមី ត្រូវបានអាជ្ញាកណ្តាល លោក ជា រិទ្ធ ចាប់រាប់៨ក្នុងទឹកទី៣ បន្ទាប់ពីត្រូវបានកីឡាករគុនខ្មែរ ឈឿង ល្វៃ ទាត់ផ្កាប់ចានឲ្យវង្វែងស្មារតី ប៉ុន្តែមិនទាន់ដួលដល់ក្តារសង្វៀនឡើយសម្រាប់ការប្រកួតយប់មិញនៅសង្វៀនទូរទស្សន៍ជាតិកម្ពុជាឯខេត្តសៀមរាប។
អ្នកគាំទ្រមួយចំនួនយល់ឃើញថា ការរាប់បែបនេះហាក់ដូចជាទុកឱកាសឲ្យកីឡាករថៃមានស្មារតីឡើងវិញដើម្បីតទល់ជាមួយ ឈឿង ល្វៃ ប៉ុន្តែគួរបណ្តោយឲ្យកីឡាករគុនខ្មែរវ៉ៃផ្តាច់តែម្តងទៅ។ ក្រោយកីឡាករថៃ សាមី តាំងស្មារតី ឡើងវិញ ហើយចូលទឹកទី៤បានទាត់ជើងក្រោមឲ្យ ល្វៃ ខូចជើងបោះបង់ចោលការប្រកួតតែម្តង។
សូម្បីតែអនុប្រធានសហព័ន្ធកីឡាប្រដាល់គុនខ្មែរ លោក ស្រី ចាន់ថន បានលើកឡើងជុំវិញការរាប់របស់អាជ្ញាកណ្តាលដែរ។ លោកបាននិយាយថា ឈឿង ល្វៃ ត្រូវផ្តាច់កីឡាករថៃនៅទឹកទី៣ ហេតុអ្វីអាជ្ញាកណ្តាល បែរជាជួយទប់ខាងថៃ ហើយមិនឲ្យ ឈឿង ល្វៃ ផ្តាច់បែបនេះ?
ជុំវិញករណីនេះ លោក ជា រិទ្ធ អាជ្ញាកណ្តាលបញ្ជាការប្រកួតនោះបានបកស្រាយថា ៖«កន្លែងហ្នឹង ល្វៃ ទាត់ចូលករបស់គេ ធ្វើឲ្យវង្វែងហើយគាត់ត្រូវផ្តាច់ តែគាត់អត់ផ្តាច់គេអត់បាន។ ពេលនោះ កីឡាករថៃបាត់បង់ជំហរ តដៃលែងរួច ក្នុងនាមយើងជាអាជ្ញាកណ្តាល យើងត្រូវតែការពារកីឡាករ កុំឲ្យកីឡាករគ្រោះថ្នាក់ធ្ងន់ធ្ងរដល់អាយុជីវិត។ ក្នុងនាមយើងជាអាជ្ញាកណ្តាល ការរៀនសូត្រក្រមវិជ្ជាជីវៈ គឺយើងគិតដល់សុខមាលភាពរបស់កីឡាករ អាចគ្រោះថ្នាក់ដល់ជីវិត ឬបាក់ដៃជើងជាដើម។ អ្វីដែលយើងសង្គ្រោះបានគឺសង្គ្រោះពេលដែលយើងចាប់រាប់គាត់ហ្នឹងឯង»។
«ធម្មតាទេអ្នកគាំទ្រមួយចំនួនធ្លាប់ឃើញតែអាជ្ញាកណ្តាលចាប់សឺវេកីឡាករខ្មែរ ដល់ពេលអីចឹងទៅ ខាងទូរទស្សន៍ប្រាប់អាជ្ញាកណ្តាលគ្រប់រូបមិនឲ្យសឺវេខាងណាៗទេ គឺកុំឲ្យភាគីម្ខាងមិនសប្បាយចិត្ត។ អីចឹងខ្ញុំក្នុងនាមអាជ្ញាកណ្តាល ខ្ញុំធ្វើតាមតួនាទី តែខ្ញុំមានតែជួយ ល្វៃ ជួយគាត់តាមបច្ចេកទេស។ ដូចកន្លែងមួយគេទាត់ជើងក្រោម ហើយថែមមួយដៃទៀត ល្វៃ សឺបាត់បង់ម្ចាស់ការហើយ ខ្ញុំចាប់រាប់ គាត់ថា ខ្ញុំអត់អីៗផង តែតាមពិត បើខ្ញុំបណ្តោយ ប្រហែលជាអាចត្រូវគេវ៉ៃសន្លប់។ កន្លែងដែលគាត់ទាត់ចូលកគេហើយ អត់ចេះវ៉ៃគេឲ្យដាច់ គាត់វ៉ៃចន្លោះៗ ហើយគេវង្វែងបាត់ស្មារតីនៅជាប់ខ្សែរេញ យើងត្រូវទៅសឺវេគេ បើកៀកគ្នាយើងអត់បំបែកបានទេ តែគម្លាតឆ្ងាយគ្នា ហើយដៃគូម្ខាងវង្វែងបាត់បង់ស្មារតីហើយយើងត្រូវតែចាប់រាប់។ ទាំងនេះជាការងាររបស់អាជ្ញាកណ្តាលដើម្បីសង្គ្រោះជីវិតកីឡាករមួយៗ។ យើងមិនគិតថា មួយណាខ្មែរ មួយណាថៃទេ។ សំខាន់គឺពួកគាត់ជាកីឡាករ យើងអត់មានជាតិនិយមជ្រុលទេ។ ខ្ញុំជាអាជ្ញាកណ្តាល បើឃើញថៃធ្វើថោកទាប យើងមិនអាចថោកទាបតាមគេទេ»៕
អត្ថបទ៖ វីរបុត្រ
រកឃើញសាកសពជិត ៤០០ នាក់ក្នុងផ្នូរដ៏ធំនៅមន្ទីរពេទ្យតំបន់ហ្គាហ្សា
បញ្ចប់ទស្សនកិច្ចជោគជ័យនៅស្វីស និងអាល្លឺម៉ង់ លោក ស សុខា ដឹកនាំប្រតិភូមកដល់កម្ពុជាវិញហើយ
ថៃ រុះរើគណៈរដ្ឋមន្ត្រីជាផ្លូវការ លោក សេដ្ឋា របូតតំណែងមួយក្នុងដៃ
ប្រមុខការទូតកម្ពុជា ចូលរួមអបអរសាទរស្មារតីអាស៊ាន «សាមគ្គីភាពក្នុងពហុភាព»
អាមេរិក ប្រកាសផ្ដល់ប្រព័ន្ធខែលការពារដែនអាកាសបន្ថែមឲ្យ អ៊ុយក្រែន
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien
-
ជីវិតកម្សាន្ដ១ ថ្ងៃ agoអាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៤ ថ្ងៃ agoពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ agoគេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២៤ ម៉ោង agoស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ agoកម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ agoសម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ agoតុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ agoអ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល