កីឡា
គូគួរឲ្យចាប់អារម្មណ៍ ក្រុមបាល់ទះអង្គុយពិការកម្ពុជា ប៉ះ ថៃ ម៉ោង៤រសៀល
ក្រុមបាល់ទះអង្គុយពិការកម្ពុជានឹងប្រកួតលើកទី៣វគ្គវិលជុំសន្សំពិន្ទុជាមួយក្រុមខ្លាំងថៃវេលាម៉ោង៤រសៀល ថ្ងៃចន្ទ ទី៥ ខែមិថុនា នេះនៅសាលដំរី ពហុកីឡដ្ឋានជាតិមរតកតេជោ ក្នុងព្រឹត្តិការណ៍កីឡាអាស៊ាន លើកទី១២ ឆ្នាំ២០២៣។
នេះជាការប្រកួតវគ្គវិលជុំសន្សំពិន្ទុលើកទី៣សម្រាប់ក្រុមម្ចាស់ផ្ទះកម្ពុជា និងថៃ បន្ទាប់ពីការប្រកួតពីរលើកកន្លងមកទទួលបានជ័យជម្នះ និងមិនទាន់ស្គាល់បរាជ័យដូចគ្នា។ ថ្ងៃបើកឆាក ក្រុមម្ចាស់ផ្ទះកម្ពុជាបានយកឈ្នះក្រុមហ្វីលីពីន ដោយលទ្ធផល ៣-០។ ចំណែកថៃបានយកឈ្នះហ្វីលីពីន ៣-០ និងបន្តឈ្នះក្រុមឥណ្ឌូណេស៊ី ដោយលទ្ធផល ៣-០។
នៅព្រឹកថ្ងៃទី៥ ខែមិថុនានេះ ក្រុមម្ចាស់ផ្ទះកម្ពុជាបានយកឈ្នះក្រុមមីយ៉ាន់ម៉ាដោយលទ្ធផល ៣-០ និងបន្តប្រកួតជាមួយក្រុមខ្លាំងថៃ វេលាម៉ោង៤រសៀលថ្ងៃនេះ។
នៅថ្ងៃទី៦ ខែមិថុនា ជាការប្រកួតបញ្ចប់វគ្គវិលជុំសន្សំពិន្ទុ ហើយបន្ទាប់មកក្រុមលេខ១ប្រកួតជាមួយក្រុមលេខ២ដើម្បីដណ្តើមមេដាយមាស និងក្រុមលេខ៣ប្រកួតជាមួយក្រុមលេខ៤ដើម្បីដណ្តើមមេដាយសំរិទ្ធ។
លទ្ធផលការប្រកួតសន្សំពិន្ទុ ថ្ងៃទី៤ ខែមិថុនា
- ហ្វីលីពីន ០-៣ ថៃ (៦-២៥, ៩-២៥ និង១០-២៥)
- ឥណ្ឌូណេស៊ី ៣-១ មីយ៉ាន់ម៉ា (២៥-១៨, ២៥-២២, ២៣-២៥ និង២៥-១៨)
- កម្ពុជា ៣-០ ហ្វីលីពីន (២៥-១៥, ២៥-១៣ និង ២៥-១៦)
- ឥណ្ឌូណេស៊ី ០-៣ ថៃ (២៥-១៤, ២៧-២៥ និង២៥-២១)
លទ្ធផលការប្រកួតសន្សំពិន្ទុ ថ្ងៃទី៥ ខែមិថុនា
- កម្ពុជា ៣-០ មីយ៉ាន់ម៉ា (២៥-២២, ២៥-១០ និង ២៥-១១)
- ហ្វីលីពីន vs ឥណ្ឌូណេស៊ី (ម៉ោង២រសៀល)
- កម្ពុជា vs ថៃ (ម៉ោង៤រសៀល)
កម្មវិធីប្រកួតសន្សំពិន្ទុ ថ្ងៃទី៦ ខែមិថុនា
- មីយ៉ាន់ម៉ា vs ហ្វីលីពីន (ម៉ោង៩ព្រឹក)
- ឥណ្ឌូណេស៊ី vs កម្ពុជា (ម៉ោង១១ព្រឹក)
- មីយ៉ាន់ម៉ា vs ថៃ (ម៉ោង៤រសៀល)
អត្ថបទ៖ វីរបុត្រ
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoអាមេរិក រឹបយកកប៉ាល់ដឹកទំនិញអ៊ីរ៉ង់ នៅឈូងសមុទ្រអូម៉ង់ ខណៈទីក្រុងតេហេរ៉ង់ គំរាមសងសឹក