កីឡា

កីឡាការិនីម្នាក់ៗ ដែលចូលរួមប្រកួត World Cup នារី ទទួលបានប្រាក់យ៉ាងហោចណាស់ ៣ម៉ឺនដុល្លារ

បានផុស

៣ years មុន

នៅ

ថ្ងៃសុក្រ ៩ មិថុនា ២០២៣

ដោយ

កីឡាការិនីម្នាក់ៗដែលចូលរួមក្នុងព្រឹត្តិការណ៍បាល់ទាត់នារីពិភពលោក Women’s FIFA World Cup នឹងត្រូវបានធានាយ៉ាងហោចណាស់ទទួលបានថវិកា ៣០,០០០ ដុល្លារ បន្ទាប់ពីការផ្លាស់ប្តូរដោយ FIFA ដើម្បីផ្តល់ប្រាក់រង្វាន់មួយចំនួនដល់បុគ្គលផ្ទាល់ជាជាងទៅដល់ដៃសហព័ន្ធជាតិនីមួយៗ។

សមាជិកទាំង ២៣ប្រទេសនៃក្រុមដែលឈ្នះនឹងយកប្រាក់ ២៧០,០០០ ដុល្លារទៅផ្ទះវិញ ដែលជាផ្នែកមួយនៃប្រាក់រង្វាន់សរុប ១១០លានដុល្លារ ដែលខ្ពស់ជាងប្រហែល ៣០០% ជាងអ្វីដែល FIFA ផ្តល់ជូនសម្រាប់ការប្រកួតកាលពីឆ្នាំ២០១៩។

កាលពីខែមីនា ប្រធាន FIFA លោក Gianni Infantino បានសន្យានៅក្នុងមហាសន្និបាតរបស់ FIFA ថាអ្នករៀបចំនឹងផ្តល់ប្រាក់រង្វាន់ដល់កីឡាការិនីដោយផ្ទាល់ ដែលជាលើកទីមួយសម្រាប់ការប្រកួតនារីដែលនឹងចាប់ផ្តើមនៅថ្ងៃទី២០ ខែកក្កដា នៅប្រទេសអូស្ត្រាលី និងនូវែលសេឡង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតបាល់ទាត់ពិភពលោកនារី នាពេលខាងមុខ សមាគមសមាជិកក៏នឹងទទួលបានមូលនិធិបន្ថែមផងដែរ ដោយផ្អែកលើលទ្ធផលការងារ ដោយម្ចាស់ជើងឯកទទួលបាន ៤.២៩លានដុល្លារ ហើយប្រតិភូនឹងទទួលបាន ១.៥៦លានដុល្លារសម្រាប់ការចូលរួមក្នុងវគ្គចែកពូល។

FIFA បានបញ្ជាក់យ៉ាងច្បាស់ទៅកាន់សហព័ន្ធជាតិនីមួយៗថា ខ្លួនរំពឹងថា ចំនួនទឹកប្រាក់ដែលសហព័ន្ធជាសមាជិករក្សាទុកនឹងត្រូវបានវិនិយោគឡើងវិញក្នុងសកម្មភាពកីឡាបាល់ទាត់របស់ពួកគេ រួមទាំងបុគ្គលិក គ្រូបង្វឹក គម្រោងមូលដ្ឋាន ក្រុមជម្រើសជាតិយុវជន និងកម្មវិធីពង្រឹងសមត្ថភាពកីឡាបាល់ទាត់នារី។

ការប្រកួតពានរង្វាន់បាល់ទាត់នារីពិភពលោក (2023 FIFA Women’s World Cup) ឆ្នាំ២០២៣ ធ្វើឡើងលើទឹកដីរួមនៃប្រទេសអូស្ត្រាលី ជាមួយ ណូវែលហ្សឺឡង់ ដែលគ្រោងប្រកួតពីថ្ងៃទី២០ ខែកក្កដា ដល់ថ្ងៃទី២០ ខែសីហា ឆ្នាំ២០២៣។

ក្រុមមកពីអាស៊ានមាន វៀតណាម និងហ្វីលីពីន ចូលរួមផងដែរ ដោយស្ថិតនៅពូលផ្សេងគ្នា ពោលគឺវៀតណាម នៅពូល E ជាមួយ អាមេរិក, ហូឡង់ និងព័រទុយហ្គាល់ ខណៈហ្វីលីពីន ស្ថិតនៅពូល A ជាមួយ ណូវែលហ្សឺឡង់, នរវេស និងស្វីស៕

ប្រែសម្រួល ៖ មន្នីរ័ត្ន

ប្រភព៖ japantimes.co.jp