កីឡា

Thiago បានលើកឡើងសាក់ល្បីៗនៅថៃមានប្រភពដើមពីកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ១៥ មិថុនា ២០២៣

ដោយ

កីឡាករប្រដាល់ Thiago Teixeira បានបកស្រាយឲ្យមហាជនបានដឹងពីសាក់ពេញនិយមនៅប្រទេសថៃគឺមានប្រភពដើមពីប្រទេសកម្ពុជា ពោលគឺត្រូវបានគេលួចពីប្រទេសកម្ពុជា។

កីឡាករប្រេស៊ីលសញ្ជាតិខ្មែរ សែន ច័ន្ទឬទ្ធីគុន បានលើកឡើងកាលពីយប់មិញ បន្ទាប់ពីមានផេកមួយឈ្មោះ Acervo Thai បានលើកឡើងពីសាក់/យ័ន្តពេញនិយមនៅប្រទេសថៃគឺតាមប្រវត្តិសាស្ត្រ សាក់ទាំងនេះមាននៅក្នុងសម័យកាល អាណាចក្រខ្មែរ (Khmer Empire) ចន្លោះសតវត្សទី៩ ដល់ទី១៥ ហើយសព្វថ្ងៃនេះគឺជាកម្ពុជា។

ច័ន្ទឬទ្ធីគុនបានសរសេរបញ្ជាក់ថា ៖«សាក់ទាំងនេះពេញនិយមខ្លាំងណាស់នៅប្រទេសថៃ ជាពិសេសលើកីឡាករប្រដាល់ថៃ ប៉ុន្តែសាក់ទាំងនេះមានប្រភពដើមពីប្រទេសកម្ពុជា។ ការផុសនេះត្រូវបានសរសេរភាសាផ្សេងគ្នា (សាក់ដ៏ពិសិដ្ឋរបស់កម្ពុជា)។ កម្ពុជាបានបាត់បង់វា បន្ទាប់ពីលទ្ធិកុម្មុយនិស្តនៅឆ្នាំ១៩៧៥ នៅពេលប្រជាជនជាង១/៤បានបាត់បង់ជីវិត ហើយប្រវត្តិសាស្ត្ររបស់កម្ពុជាត្រូវបានគេលួចតាំងពីពេលនោះមក។ ប៉ុន្តែយើងបានវិលត្រឡប់មកវិញ និងកាន់តែរីកធំឡើងពីមួយថ្ងៃទៅមួយថ្ងៃ ហើយពិភពលោកនឹងដឹងការពិតដែលនៅពីក្រោយរឿងរ៉ាវទាំងនេះ។ សាក់ទាំងនេះគឺជាអក្សរខ្មែរ ជាភាសាខ្មែរ»។

ការបង្ហោះសារបញ្ជាក់របស់ សែន ច័ន្ទឬទ្ធីគុន ដែលទើបតែទទួលបានសញ្ជាតិខ្មែរកាលពីដើមឆ្នាំ២០២៣នេះ បានភ្ជាប់នូវរូបថតមួយសន្លឹកពីកីឡាករប្រដាល់ថៃ Yaiyok ដែលមានសាក់ពេញលើទ្រូង៕

អត្ថបទ៖ វីរបុត្រ