ឃុន ឌីម៉ា បញ្ជាក់យ៉ាងណា រឿងអនាគតប្អូនប្រុសដែលរងរបួសបាក់កជើង?

អ្នកលេងគុនខ្មែរ ឃុន ឌីម៉ា ដែលត្រូវជាបងប្រុសបង្កើតរបស់ ឃឹម ឌីម៉ី បានប្រាប់​កម្ពុជាថ្មីថា៖ «អនាគតរបស់ឌីម៉ី ខ្ញុំក៏មិនអាចកំណត់បានដែរ គឺត្រូវរង់ចាំរហូតដល់របួសគេជាសះស្បើយសិន»។

ឌីម៉ា បញ្ជាក់បែបនេះ​ក្រោយពី ឃឹម ឌីម៉ី បានរងរបួសចាក់កជើង អំឡុងពេលប្រកួតជាមួយកីឡាករ ឯក ប៊ុនថី ក្នុងកម្មពិធី ខ្សែក្រវាត់ថ្នាលគុនខ្មែរ កាលពីថ្ងៃទី ៤ កក្ដដា ឆ្នាំ ២០២៣។

គួររំលឹកផងដែរថា ម្ចាស់មេដាយមាស៊ីហ្គេម ឆ្នាំ២០១៧ រូបនេះ ក៏ធ្លាប់រងរបួសជើងធ្ងន់ធ្ងរ ស្រដៀងប្អូនប្រុសរបស់ខ្លួន នាពេលនេះផងដែរ។ ក្រោយរងរបួស ឌីម៉ា បានលាឈប់ពីសង្វៀន ដោយងាកទៅធ្វើជាចៅក្រម និងអាជ្ញាកណ្ដាល​វិញ។ យ៉ាងណាក្ដី អ្នកប្រដាល់គុនខ្មែរ រហ្សសនាម នាគខ្មៅមកពីខេត្តបន្ទាយមានជ័យរូបនេះ បានប្រកាស​​វិលចូលប្រកួតជាថ្មី នៅសង្វៀនថោន នាសប្ដាហ៍ក្រោយ បន្ទាប់ពីសម្ងំហ្វឹកហាត់ក្នុងក្រុមជម្រើសជាតិ មួយរយៈចុងក្រោយនេះ៕

អត្ថបទ៖ ផា រតនា