កីឡា

ក្រុមនារីវៀតណាមទទួលបានការឧបត្ថម្ភជិត៨ម៉ឺនដុល្លារពីការប្រកួត World Cupនារី

បានផុស

៣ years មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

សហព័ន្ធកីឡាបាល់ទាត់វៀតណាមសម្រេចផ្តល់ប្រាក់ឧបត្ថម្ភលើកទឹកចិត្តចំនួន ១.៨ ពាន់លានដុង (ប្រហែល៧៥៨០០ដុល្លារអាមេរិក) ដល់ក្រុមកីឡាបាល់ទាត់នារីរបស់ខ្លួន បន្ថែមលើប្រាក់រង្វាន់ដែលទទួលបានពីសហព័ន្ធបាល់ទាត់ពិភពលោក FIFA។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់នារីវៀតណាមទទួលបាន ៨០០ លានដុង បន្ទាប់ពីបានចាញ់អាមេរិក ០-៣ នៅថ្ងៃបើកឆាក និងទទួលបាន៥០០លានដុងទៀត ក្រោយពេលចាញ់ព័រទុយហ្គាល់ ០-២ និងចាញ់ហូឡង់ ០-៧ ។ ចំនួនទឹកប្រាក់ឧបត្ថម្ភទាំងនេះត្រូវបានបែងចែកជា ៤កម្រិត រួមមាន A, B, C និង D ដោយផ្អែកលើការបង្ហាញទម្រង់លេងរបស់កីឡាការីនីម្នាក់ៗសម្រាប់ការប្រកួតនីមួយៗ។

ប្រធានសហព័ន្ធកីឡាបាល់ទាត់វៀតណាម លោក Tran Quoc Tuan បាននិយាយថា៖«ទោះកីឡាការីនីវៀតណាមមិនឈ្នះសូម្បីតែ១ប្រកួត ក៏ពួកគេនៅតែទទួលបានរង្វាន់លើកទឹកចិត្តបន្ថែម។ យើងមានគោលដៅធំជាច្រើននាពេលអនាគត។ យើងសង្ឃឹមថា យើងនឹងនៅតែទទួលបានឱកាសទៅប្រកួតបាល់ទាត់ពិភពលោកនារីឆ្នាំ២០២៧ទៀត»។

«ការចូលរួមប្រកួតជើងឯកពិភពលោកលើកដំបូងនេះគឺ យើងទទួលស្គាល់ថា ក្រុមរបស់យើងបានខិតខំប្រឹងប្រែអស់ពីសមត្ថភាពហើយ។ ទោះបីជាចាញ់ មិនអាចរកគ្រាប់បាល់បាន និងធ្លាក់ក្នុងពូលក៏ដោយ»។ ប្រធានសហព័ន្ធបានបន្ថែម។

បើតាមកំណែទម្រង់ថ្មីរបស់សហព័ន្ធបាល់ទាត់ពិភពលោក កីឡាការីនីវៀតណាមម្នាក់ៗទទួលបាន ៣០,០០០ ដុល្លារ សម្រាប់ការឈានដល់ជុំផ្តាច់ព្រ័ត្រនៃជើងឯកពិភពលោកនារី ឆ្នាំ ២០២៣ ដែលប្រទេសអូស្រ្តាលី និងនូវែសសេឡង់ជាសហម្ចាស់ផ្ទះ៕

ប្រែសម្រួល៖ ផា រតនា
ប្រភព៖ vnexperss

Related Topics:កីឡាបាល់ទាត់អន្តរជាតិ