កីឡា

បណ្តុះបណ្តាលបច្ចេកទេសស្នងការប្រកួតមុនបើកការប្រកួតជើងឯកកីឡាទោចក្រយានកម្រិត

បានផុស

៥ years មុន

នៅ

ថ្ងៃសុក្រ ២៩ មករា ២០២១

ដោយ

វគ្គបណ្តុះបណ្តាលបច្ចេកទេសស្នងការរៀបចំការប្រកួតកីឡាទោចក្រយានកម្រិតមូលដ្ឋាន ដែលបានចាប់ផ្តើមមួយថ្ងៃមុនបើកការប្រកួតជើងឯកថ្នាក់ជាតិនៅខេត្តសៀមរាប បានបញ្ចប់កាលពីរសៀលថ្ងៃ ទី២២ ខែមករា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និង ប្រធានសហព័ន្ធខ្មែរកីឡាទោចក្រយានបានអញ្ជើញទៅចូលរួមជាអធិបតីក្នុងពិធីបិទវគ្គបណ្តុះបណ្តាលបច្ចេកទេសស្នងការរៀបចំការប្រកួតកម្រិតមូលដ្ឋាននេះ ដោយមានការចូលរួមពីថ្នាក់ដឹក នាំក្រសួងពាណិជ្ជកម្ម លោកអភិបាលរង ខេត្ត ថ្នាក់ដឹកនាំមន្ទីរជុំវិញខេត្ត គ្រូបង្វឹក សិក្ខាកាម ក្រុមម៉ូតូ BMW តំណាងក្រុម ហ៊ុនឧបត្ថម្ភនានា និងកីឡាករកីឡាការិនីជាច្រើនរូបទៀត។

លោកប្រធានសហព័ន្ធខ្មែរកីឡាទោចក្រ យាន បានសម្ដែងនូវការកោតសរសើរ និងវាយតម្លៃខ្ពស់ចំពោះកិច្ចសហការរបស់មន្ទីរពាណិជ្ជកម្មខេត្តសៀមរាប ដែលទទួលធ្វើ ជាម្ចាស់ផ្ទះ ក្នុងការរៀបចំវគ្គបណ្តុះបណ្តាលបច្ចេកទេសស្នងការរៀបចំការប្រកួតកីឡាទោចក្រយានកម្រិតមូលដ្ឋានដ៏មានសារសំខាន់នេះ។

លោកប្រធានបានបញ្ជាក់ឲ្យដឹងថា វគ្គបណ្តុះបណ្តាលដែលមានរយៈ ពេល០៤ថ្ងៃ គឺចាប់ពីថ្ងៃទី១៩ រហូតដល់ថ្ងៃទី២២ ខែមករា ឆ្នាំ២០២១ បានធ្វើឲ្យមន្ត្រីគណៈកម្មការបច្ចេកទេសយើង បានយល់ដឹងអំពីបច្ចេកទេសក្នុងរៀបចំការប្រកួតកីឡាទោចក្រយាន ដើម្បីត្រៀមចូលរួមរៀបចំការប្រកួតកីឡាទោចក្រយានជ្រើសរើសជើងឯកថ្នាក់ជាតិឆ្នាំ២០២០ ដែលប្រ ព្រឹត្តធ្វើនៅថ្ងៃទី២៣ ខែមករា ឆ្នាំ២០២១ នេះ។

ទន្ទឹមនឹងនេះដែរ លោកប្រធានបានថ្លែង អំណរគុណចំពោះគ្រូឧទ្ទេសនិងមន្ត្រី របស់មន្ទីរអប់រំ យុវជន និងកីឡាខេត្ត សៀមរាប និងសហព័ន្ធខ្មែរកីឡាទោចក្រយាន ដែលបានខិតខំប្រឹងប្រែងយកអស់កម្លាំងកាយចិត្ត ប្រកបដោយស្មារតីទទួលខុសត្រូវខ្ពស់ ក្នុងការរៀបចំវគ្គបណ្តុះបណ្តាលនេះ ឲ្យប្រព្រឹត្តទៅដោយរលូន និងទទួលបានជោគជ័យ។

លោក ប៉ាន សូរស័ក្តិ បានសង្កត់ធ្ងន់ថា តាមរយៈការអនុវត្តគោលនយោបាយឈ្នះ-ឈ្នះរបស់សម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា បានធ្វើឲ្យប្រទេសកម្ពុជា ទទួលបានសន្តិភាពពេញលេញ ហើយត្រូវបានអន្តរជាតិទទួលស្គាល់ថា មានការផ្លាស់ប្ដូរយ៉ាងល្អប្រសើរទាំងទិដ្ឋភាពនយោ បាយ សន្តិសុខ សេដ្ឋកិច្ច និងសង្គម ធ្វើឱ្យកម្ពុជាទទួលបាននូវកាលានុវត្តថ្មីៗ ពុំធ្លាប់មានសម្រាប់ការងារកែទម្រង់ស៊ីជម្រៅ ការ ពង្រីកមូលដ្ឋានកំណើនសេដ្ឋកិច្ច ព្រមទាំងទទួលបាននូវទំនុកចិត្តឱ្យទទួលធ្វើជាម្ចាស់ផ្ទះ ក្នុងការរៀបចំប្រកួតកីឡាអាស៊ីអាគ្នេយ៍នៅឆ្នាំ២០២៣ ខាងមុខនេះ៕

ដោយ ៖ វិសិទ្ធ