កីឡា

លោក ជ័យ ចាប ៖ ការប្រកួតជើងឯកជាការផ្តល់ឱកាសឲ្យអត្តពលិកកីឡាតុង ហ្គីលម៉ូដូបញ្ចេញនូវទេពកោសល្យសមត្ថភាព

បានផុស

៥ years មុន

នៅ

ថ្ងៃអាទិត្យ ៣១ មករា ២០២១

ដោយ

ភ្នំពេញ ៖ លោក ជ័យ ចាប ប្រធានសហព័ន្ធកីឡាតុងហ្គីលម៉ូដូកម្ពុជា លោក ប៊ូ ជុំសេរី អនុរដ្ឋលេខាធិការនៃក្រសួងអប់រំ យុវជន និងកីឡា នាព្រឹកថ្ងៃទី៣១ ខែមករា ឆ្នាំ២០២០១បានអញ្ជើញចូល រួមពិធីបិទព្រឹត្តិការណ៍ការប្រកួតកីឡាតុងហ្គីលម៉ូដូជ្រើសរើសជើងឯកថ្នាក់ជាតិប្រចាំឆ្នាំ២០២០ នៅវិមាននៃពហុកីឡដ្ឋានជាតិអូឡាំពិក ដែលព្រឹត្តិការណ៍នេះ រៀបចំឡើងដោយសហព័ន្ធក្រោមការប្រើប្រាស់ថវិកាឧបត្ថម្ភរបស់ក្រសួងអប់រំ យុវជន និងកីឡាឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចំរើន សុផល អគ្គលេខាធិការនៃសហ ព័ន្ធកីឡាតុងហ្គីលម៉ូដូកម្ពុជា បានប្រាប់ឲ្យដឹងថា ការប្រកួតជើងឯកឆ្នាំនេះ មានរយៈពេល៤ថ្ងៃដែលប្រព្រឹត្តទៅចាប់ពីថ្ងៃទី២៨ដល់ថ្ងៃទី៣១ ខែ មករា ឆ្នាំ២០២១ ដោយមានកីឡាករ-កីឡាការិនីចូលរួមចំនួន១០៤នាក់ ក្នុងនោះកីឡាការិនី ៣១ នាក់ និងកីឡាករ៧៣នាក់ មកពី១២ក្លិប។

សហព័ន្ធកីឡាតុងហ្គីលម៉ូដូកម្ពុជាកំពុងតែអនុវត្តនូវដំណើរការហ្វឹកហាត់ ការបំពេញនូវបេសកកម្មជាច្រើន ដែលចូលរួមបម្រើដល់ផលប្រយោជន៍សង្គមជាតិ និង បណ្តុះបណ្តាល នូវស្មារតី ឆន្ទៈ ដល់យុវជន យុវនារី មានមុខងារនិងបំពេញបេសកកម្មក្នុងការបម្រើ លើកកម្ពស់វិស័យកីឡាការ ចូលរួមផ្សព្វផ្សាយនូវសារសំខាន់នៃវិស័យកីឡា និងការរួមចំណែកក្នុងការអប់រំចរិតលក្ខណៈល្អដល់យុវជន យុវនារី ដោយផ្អែកលើទស្សនៈនៃ ការរស់នៅសម្រាប់ជាប្រយោជន៍ដល់អ្នកដទៃ។

ប្រធានសហព័ន្ធកីឡាតុងហ្គីលម៉ូដូ បានមានប្រសាសន៍ថា ជាការពិតណាស់ រយៈពេល៤ថ្ងៃនៃការប្រកួតកីឡាតុង ហ្គីលម៉ូដូជរើសរើស ជើងឯកថ្នាក់ជាតិឆ្នាំ២០២០ នាពេលនេះ គឺជាការផ្តល់ ឱកាសឲ្យកីឡាករ-កីឡាការិនី បញ្ចេញនូវទេពកោសល្យសមត្ថភាព ក៏ដូចជាវាស់ស្ទង់សមត្ថភាពបច្ចេកទេសអត្តពលិកម្នាក់ៗបានហ្វឹកហាត់កន្លង មក។

លោកបញ្ជាក់ថា លទ្ធផលរបស់អត្តពលិកទទួលជ័យលាភីនាពេលនេះ ពិតជាបានមកពីការខិតខំហ្វឹកហាត់ជា ប្រចាំមានការតស៊ូព្យាយាមគោរពវិន័យបានល្អ យកចិត្តទុកដាក់និងគោរពបានតាមបទបញ្ជា បច្ចេកទេសនៃការប្រកួត។

លោកជ័យ ចាប មានប្រសាសន៍ថា បច្ចុប្បន្ននេះព្រះរាជាណាចក្រកម្ពុជាក្រោមការដឹកនាំប្រកប ដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជាមានសុខសន្តិភាពទូទាំងប្រទេស និងបានធ្វើឲ្យគ្រប់វិស័យទាំងអស់ មានការអភិវឌ្ឍឡើង ជាក់ស្ដែងក្នុងនោះមានវិស័យកីឡាផងដែរ។

បើយើងគិតចាប់ពីពេលនេះរហូតដល់ឆ្នាំ២០២៣ គឺមានរយៈពេល២ឆ្នាំជាងប៉ុណ្ណោះហេតុនេះដើម្បីឲ្យវិស័យកីឡានៅព្រះរាជាណាចក្រកម្ពុជា កាន់តែមានការរីកចម្រើនទាំងបរិមាណ និងគុណទទួលបានលទ្ធផលល្អ ក្នុងការប្រកួតលក្ខណៈអន្តរជាតិនានា ពិសេសក្នុងការដែលកម្ពុជាការត្រៀមធ្វើជាម្ចាស់ផ្ទះរៀបចំការប្រកួតកីឡាស៊ីហ្គេមនាឆ្នាំ២០២៣នោះ កីឡាករ កីឡាការិនីទងអស់ ត្រូវតែសម្រួចឆន្ទៈក្នុងការហ្វឹកហាត់បន្ថែមទៀត៕

ដោយ ៖ វិសិទ្ធ