កីឡា
ចន្ថា ចន្ទាកា មានប្រវត្តិយ៉ាងណាមុនពេលលេចធ្លោនៅបឹងកេត?
ខ្សែបម្រើប្រយុទ្ធ ចន្ថា ចន្ទាកា កំពុងត្រូវបានអ្នកគាំទ្រចាប់អារម្មណ៍យ៉ាងខ្លាំងនៅពេលរូបគេប្តូរចូលក្នុងវគ្គទី២ ជួយឲ្យបឹងកេតទទួលបានជ័យជម្នះលើក្រុមខ្លាំងវិសាខាដោយលទ្ធផល ៤-២ ក្នុងការប្រកួតសប្តាហ៍ទី៤ នៃខេមបូឌានព្រីមៀរលីគ២០២៣-២៤។
ក្នុងជំនួបដ៏ជក់ចិត្តក្រោមក្រសែភ្នែកអ្នកគាំទ្រផ្ទាល់២១៥៤នាក់ វិសាខា បើកការនាំមុខ ០-១ មុនដោយកីឡាករ Janata តាមរយៈការស៊ុតពិន័យ១១ម៉ែត្រនៅនាទីទី៣០ ប៉ុន្តែ Anderson បានស៊ុតតាមស្មើ ១-១នៅនាទី៤២។ នៅវគ្គទី២ Pedro Eduardo ជួយឲ្យវិសាខានាំមុខ ១-២ ជាថ្មីនៅនាទី៥០។
បន្ទាប់មក ខ្សែបម្រើប្រយុទ្ធ ចន្ថា ចន្ទាកា ត្រូវបានដូរចូលជំនួសខ្សែប្រយុទ្ធ ម៉ាត់ នូរុណ នៅនាទី៦៣។ ចំណាយពេលលើទីលានបានត្រឹមតែ៣នាទីប៉ុណ្ណោះ ចន្ទាកា បានស៊ុតតាមស្មើ ២-២ នៅនាទី៦៦។ ការប្រកួតស្ទើរតែបញ្ចប់ទៅហើយ តារានាំសំណាងដដែលបានទម្លាយសំណាញ់ទីរបស់វិសាខាជាលើកទី២ដើម្បីនាំមុខ ៣-២ នៅនាទី៩០+៤ មុនពេលបញ្ជូនបាល់ឲ្យ Golubovic ស៊ុតចូល១គ្រាប់ទី៤។
វាជារឿងគួរឲ្យចាប់អារម្មណ៍នៅពេល ចន្ថា ចន្ទាកា ដូរចូលលេងនៅវគ្គទី២អាចរកបាន២គ្រាប់ និងបញ្ជូនបាល់ឲ្យមិត្តរួមក្រុមបាន១គ្រាប់ទៀត ហើយត្រូវបានអ្នកគាំទ្រកោតសរសើរយ៉ាងខ្លាំង។
ចន្ថា ចន្ទាកា បានរៀបរាប់ថា តាំងពីក្មេងតូចមក រូបគេតែងតែលេងបាល់ទាត់តាមដងផ្លូវ និងដើរលេងបាល់ទាត់ជាមួយមិត្តភក្តិតាមភូមិឃុំស្ទើររាល់ថ្ងៃ បើទោះជាថ្ងៃរៀនក៏រូបគេចោលសាលាទៅលេងបាល់ទាត់ដែរ។ មុនពេលទទួលបានឱកាសលេងនៅក្លិបអាជីពអគ្គិសនីកម្ពុជាដើមឆ្នាំ២០២០ រូបគេបានលេងឲ្យក្រុមហ្វូតសាលជាច្រើនដូចជា Down Town ឱម៉ាល់ មហាកាម្យូរ៉ាជាដើម។ រូបគេក៏ធ្លាប់ជាប់ក្នុងក្រុមហ្វូតសាលជម្រើសកម្ពុជាទៅប្រកួតនៅប្រទេសឥណ្ឌូណេស៊ីផងដែរ។
«ថ្ងៃមួយ ប្រហែលជាឆ្នាំ២០១១ ខ្ញុំបានទៅមើលបងៗប្រកួតក្នុងលីគ។ ពេលនោះធ្វើឲ្យខ្ញុំមានក្តីស្រមៃចង់លេងកម្រិតអាជីព។ ខ្ញុំក៏កាន់តែខំប្រឹងលេងបាល់ទាត់ខ្លាំងឡើង ប៉ុន្តែខ្ញុំពិបាកក្នុងការហ្វឹកហាត់ណាស់ ព្រោះអ្នកផ្ទះខ្ញុំទាំងម៉ាក់ ទាំងបងស្រី អត់ឲ្យខ្ញុំលេងបាល់ទេ។ ពួកគាត់ខ្លាចខ្ញុំមានរបួសបាក់ដៃបាក់ជើងជាដើម ពិសេសពួកគាត់ឲ្យខំប្រឹងរៀនសូត្រ»។ ចន្ទាកាបានប្រាប់។
ចន្ថា ចន្ទាកា បានបន្តថា ៖«ប៉ុន្តែពេលខ្លះ ខ្ញុំអត់ទៅរៀន តែទៅលេងបាល់។ មិនមែនពេលខ្លះស្ទើរតែរាល់ថ្ងៃ។ អាយុប្រហែលជា១៤ឆ្នាំ ខ្ញុំបានចូលហ្វឹកហាត់ជាមួយយុវជនព្រះខ័នរាជស្វាយរៀង។ ខ្ញុំបានដើរចម្ងាយជាច្រើនគីឡូទៅហាត់។ រឿងដែលខ្ញុំចាំអត់ភ្លេចគឺ ពេលចេញពីរៀន ខ្ញុំឆ្លៀតទៅលេងបាល់ តែម៉ាក់ដឹង គាត់បានទៅស្តីឲ្យ រករឿងដល់កន្លែងលេង។ ពេលខ្លះ ខ្ញុំអត់ហ៊ានយកខោវ ស្បែកជើងទៅផ្ទះទេគឺយកទៅផ្ញើជាមួយមិត្តភក្តិ»។
ចន្ថា ចន្ទាកា ធ្លាប់បានហ្វឹកហាត់ជាមួយយុវជនព្រះខ័នរាជស្វាយរៀងប្រហែលជាកន្លះឆ្នាំ ប៉ុន្តែដោយសារចំឆ្នាំដែលរូបគេត្រូវប្រឡងសញ្ញាបត្រមធ្យមសិក្សាទុតិយភូមិ និងត្រូវបានក្រុមគ្រួសារបង្ខំផងនោះ រូបគេបានឈប់ពីបាល់ទាត់ប្រហែលជាកន្លះឆ្នាំដើម្បីប្រឹងសិក្សាសម្រាប់ប្រឡង។
បន្ទាប់ពីបាលចូលរួមជាមួយក្លឹបអគ្គិសនីកម្ពុជា កីឡាករដែលមានដើមកំណើតនៅរាជធានីភ្នំពេញ ចន្ថា ចន្ទាកា ទទួលបានឱកាសបង្ហាញខ្លួនលើទីលានជាញឹកញាប់ទាំងក្នុងការប្រកួតលីគទី២ និងពានសម្តេចតេជោ ហ៊ុន សែន។
ចន្ថា ចន្ទាកា បានប្រាប់ថា ៖«ក្តីស្រមៃធំបំផុតរបស់ខ្ញុំគឺលេងឲ្យក្រុមជម្រើសជាតិកម្ពុជា។ បើខ្ញុំទទួលបានឱកាសបានលេងឲ្យជម្រើសជាតិ ខ្ញុំនឹងខិតខំប្រឹងប្រែងឲ្យអស់ពីសមត្ថភាព ហើយខ្ញុំនឹងខំប្រឹងហ្វឹកហាត់ដើម្បីបាល់ទាត់ជាតិយើង»។
ក្តីស្រមៃនោះបានលេចចេញជារូបរាងហើយពេលសហព័ន្ធកីឡាបាល់ទាត់កម្ពុជាបានចេញបញ្ជីឈ្មោះបឋមកីឡាករ៤០រូប ក្នុងនោះក៏មានកីឡាករ ចន្ថា ចន្ទាកា ផងដែរសម្រាប់ធ្វើតេស្តជម្រុះត្រៀមខ្លួនប្រកួតមិត្តភាពអន្តរជាតិជាមួយជម្រើសជាតិបង់ក្លាដែស នាថ្ងៃទី២២ ខែសីហា ឆ្នាំ២០២២ ប៉ុន្តែមិនបានជាប់បញ្ចីចុងក្រោយ។
នៅឆ្នាំ២០២២ រូបគេបានរួមចំណែកដ៏សំខាន់ក្នុងការជួយក្រុមអគ្គិសនីកម្ពុជាយកឈ្នះព្រះខ័នរាជស្វាយរៀង ឡើងទៅកាន់វគ្គពាក់កណ្តាលផ្តាច់ព្រ័ត្រពានរង្វាន់សម្តេចតេជោ ហ៊ុន សែន ថ្នាក់ជាតិលើកទី១៦។ ជាពិសេសរូបគេបានជួយឲ្យអគ្គិសនីកម្ពុជាឈ្នះជើងឯកលីគកម្ពុជាលំដាប់ទី២។
បន្ទាប់មក រូបគេបានចូលរួមជាបឹងកេតសម្រាប់ខេមបូឌានព្រីមៀរលីគរដូវកាល២០២៣-២៤ មុនពេលក្រុមអគ្គិសនីកម្ពុជាត្រូវបានរំសាយចោល៕
អត្ថបទ៖ វីរបុត្រ
ក្រសួងការពារជាតិ ថាថៃចង់ប្រើហិង្សាលើពលរដ្ឋខ្មែរ ព្រោះឃើញខ្មែរបង់កក្រមាប៉ាក់រូបទង់ជាតិកម្ពុជា
ស្អែកក្រសួងការងារនឹងនាំក្រុមហ៊ុនចុះទៅខេត្ត៥ផ្តល់ឱកាសការងារដល់ពលករទើបមកពីថៃ
ចប់ព្រឹត្តិការណ៍ ក្រុមនារី កម្ពុជា រកបាន៤ពិន្ទុ ពូល G ពាន AFC Women’s Asian Cup (រូបភាព)
លោកឃួង ស្រេង ៖ អាជ្ញាធរជាអ្នកបម្រើពលរដ្ឋ ពលរដ្ឋមានទុក្ខ ដាច់ខាតត្រូវតែមានមុខជួយពួកគាត់
ឆ្នាំ២០២៥ នេះ មណ្ឌលភ្នំពេញមានបេក្ខជនដាក់ពាក្យចូលរួមប្រឡងឌីប្លូមជាង១ម៉ឺន៧ពាន់នាក់ ថយចុះជាងឆ្នាំមុន
ត្រាំចេញក្រឹត្យប្រធានាធិបតីដាក់ឲ្យប្រើច្បាប់ថវិកាថ្មីដ៏ចម្រូងចម្រាសបំផុត
ផែថងថាន ផ្អាកការប្រគល់វត្ថុបុរាណមកឲ្យកម្ពុជា ព្រោះបញ្ហាព្រំដែន និងក្រសួងវប្បធម៌ថៃ ខ្វះថវិកា
រដ្ឋ តិចសាស់ ប្រកាសអាសន្ន ខណៈទឹកជំនន់ដ៏អាក្រក់ សម្លាប់មនុស្សលើស២០នាក់
ថៃយកចិត្តពលករខ្មែរជិត៥ម៉ឺននាក់ឲ្យបន្តស្នាក់នៅធ្វើការនៅថៃ
ទឹកជំនន់ភ្លាមៗនៅរដ្ឋតិចសាស់ សម្លាប់មនុស្ស១៣នាក់ និងក្មេងស្រីជាង២០នាក់បាត់ខ្លួន
-
ព័ត៌មានអន្ដរជាតិ២ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង១ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៣ ថ្ងៃ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានអន្ដរជាតិ១ សប្តាហ៍ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានជាតិ២ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៤ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ៤ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ៧ ថ្ងៃ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ