Connect with us

កីឡា

លោក ហ៊ុន ម៉ា​នី​៖ ​ការខិតខំ​ប្រឹងប្រែង ការគោរពវិន័យ ការតស៊ូ និង​ស្មារតី​ជា​ក្រុម ជា​កត្តា​ទទួល​បាន​ជោគជ័យ​

បានផុស

នៅ

​​លោក ហ៊ុន ម៉ា​នី អញ្ជើញ​ចូលរួម​ពិធី​បិទ​ព្រឹត្តិការណ៍​ការប្រកួត​កីឡា​ប៉េតង់​ជ្រើសរើស​ជើងឯក​ថ្នាក់ជាតិ​ប្រចាំឆ្នាំ​២០២០ រៀបចំឡើង​ដោយ​សហព័ន្ធ​កីឡា​ប៊ូល និង​ប៉េតង់​កម្ពុជា​ប្រើប្រាស់​ថវិកា​គាំទ្រ​របស់​ក្រសួង​អប់រំ យុវជន និង​កីឡា កាល​ពី​រសៀល​ថ្ងៃទី​៣១ ខែ​មករា ឆ្នាំ​២០២១ នៅ​ទីលាន​សហព័ន្ធ​នៃ​ពហុ​កីឡដ្ឋាន​ជាតិ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុន ម៉ា​នី បាន​មានប្រសាសន៍ថា អបអរសាទរ​ក្រុម​កីឡាករ​-​កីឡាការិនី និង​ជយលាភី​នៃ​ការប្រកួត​កីឡា​ប៉េតង់​ជើងឯក​ថ្នាក់ជាតិ​ឆ្នាំ ២០២០ ហើយ​ភាពជោគជ័យ​នៅថ្ងៃនេះ បានបង្ហាញ​ពី​ការខិតខំ​ប្រឹងប្រែង គោរព​វិន័យ ការតស៊ូ និង​ស្មារតី​ជា​ក្រុម​ទាំងអស់គ្នា​។ ទោះបីជា​លទ្ធផល​យ៉ាងណាក្តី តែ​អ្វី​ដែល​មិន​អាច​កាត់ថ្លៃ​បាន​គឺ​មិត្តភាព និង​សាមគ្គីភាព ហើយ​តាមរយៈ​ការប្រកួត​នេះ គឺជា​បទពិសោធន៍​ថ្មី​មួយ និង​ការ​ហ្វឹកហាត់​បន្ថែម​ដើម្បី​បន្ត​ភាពរឹ​ងមាំ​សម្រាប់​ឆ្នាំ​បន្តបន្ទាប់ និង​អនាគត​នៃ​កីឡា​នេះ​ដើម្បី​កិត្តិសព្ទ​កម្ពុជា​ ដែល​ទទួល​បាន​កន្លងមក​។​

លោក​បាន​បន្តថា ប្រទេស​កម្ពុជា​ទទួល​បាន​ការកោតសរសើរ និង​ការ​វិវឌ្ឍ​ជា​បន្តបន្ទាប់​ចាប់​តាំង ពី​ការកកើតឡើង​នៃ​សហព័ន្ធ​កីឡា​ប៊ូល និង​ប៉េ​តង់​កាលពី​ឆ្នាំ​១៩៩២ ដោយមាន​សម្តេច​ក្រឡា ហោម ស ខេង និង​សម្តេច​វិបុល​បញ្ញា សុខ អាន ជា​ស្ថាបនិក ជាមួយ​ស្ថាបនិក​ដទៃ​ទៀត ដែល​កម្ពុជា​ទទួលបាន​មេដាយ​អន្តរជាតិ​សរុប​រហូតដល់ ៣០៦​គ្រឿង ក្នុងនោះ​មាន​មេដាយមាស ៨៨ គ្រឿង ប្រាក់​១០៨​គ្រឿង​និង​១១០​សំរឹទ្ធ គ្រឿង ។​

លោក ស សុខា បាន​មានប្រសាសន៍ថា ការ ប្រកួត​កីឡា​ប៉េតង់​ជ្រើសរើស​ជើងឯក​ថ្នាក់ជាតិ​ឆ្នាំ​២០២០ គណៈប្រតិភូ​ចំនួន​៥០​នាក់ គ្រូបង្វឹក​ចំនួន​៥២​នាក់ និង​ក្រុម​កីឡាករ​-​កីឡាការិនី​ប៉េតង់​ចំនួន​៣៥០​នាក់​ សរុប​ចំនួន​៤៥២​នាក់ មាន​ក្លិប​-​សមាគម​ចំនួន​៥៩ មកពី​១៦​ខេត្ត រួម​ជា មួយ​៦​វិញ្ញាសា​វិញ្ញាសា​បុរស ៣​នាក់​ទល់​៣​នាក់ (​ពាន​ធំ​) វិញ្ញាសា​នារី ៣​នាក់​ទល់​៣​នាក់ យុវជន​អាយុ​១៨​ឆ្នាំ​ចុះ ៣​នាក់​ទល់​៣​នាក់ យុវនារី​អាយុ ១៨​ឆ្នាំ​ចុះ ២​នាក់​ទល់​២​នាក់ យុវជន​អាយុ​១៥​ឆ្នាំ​ចុះ ១​នាក់​ទល់​១​នាក់ និង​វិញ្ញាសា​អាយុ​១៥​ឆ្នាំ​ចុះ​១​នាក់​ទល់​១​នាក់​។ ក្រោម​ស្នាម​ដៃ​បិតា​ស្ថាបនិក​សហព័ន្ធ​កីឡា​ប៉េតង់​សម្តេច​ក្រឡាហោម ស ខេង និង​សម្តេច​វិបុល​បញ្ញា សុខ អាន កម្ពុជា​ដណ្តើម​មេដាយ​លើ​ឆាក​អន្តរជាតិ​ជាង​៣០០ គ្រឿង​៕

អត្ថបទ៖ ​វិ​សិទ្ធ

សូមចុចអាន៖ ​សមាគម​សិស្ស​-​និស្សិត​អាហារូបករណ៍​អ​.​ម​.​ត រៀបចំ​ពិធី​ហាត់ប្រាណ និង​បំពាក់​មេដាយ នៅ​វិមាន ឈ្នះឈ្នះ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម