កីឡា

ពានសម្តេចតេជោ ហ៊ុន សែន ២០២៣ ថ្នាក់ខេត្តរកឃើញ៤ក្រុមចុងក្រោយ

បានផុស

៧ ខែ មុន

នៅ

ថ្ងៃសុក្រ ១០ វិច្ឆិកា ២០២៣

ដោយ

ការប្រកួតពានរង្វាន់សម្តេចតេជោ ហ៊ុន សែន លើកទី១៧ ឆ្នាំ២០២៣ ថ្នាក់ខេត្តរកឃើញក្រុមឡើងវគ្គពាក់កណ្តាលផ្តាច់ព្រ័ត្រហើយ បន្ទាប់ពីចប់វគ្គ៨ក្រុមចុងក្រោយនៅល្ងាចថ្ងៃទី១០ ខែវិច្ឆិកា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមខេត្តកំពង់ធំបានបង្កើតប្រវត្តិសាស្ត្រជាលើកដំបូងក្នុងវគ្គពាក់កណ្តាលផ្តាច់ព្រ័ត្រពានរង្វាន់សម្តេចតេជោថ្នាក់ខេត្ត បន្ទាប់ពីបានយកឈ្នះលើក្រុមខេត្តពោធិ៍សាត់ដោយលទ្ធផល ៥-០ ក្នុងជើងទី២ ដូច្នេះសរុបទាំងពីរជើងឈ្នះដោយលទ្ធផល ៦-១។

ចំពោះក្រុមខេត្តបន្ទាយមានជ័យបានយកឈ្នះលើក្រុមខេត្តរតនគិរីដោយលទ្ធផលចាស់ដៃតែម្តងក្នុងជើងទី២នេះគឺ ៧-២ ដូច្នេះសរុបទាំងពីរជើង ១០-៣ ហើយបានឡើងទៅកាន់វគ្គពាក់កណ្តាលផ្តាច់ព្រ័ត្រជាលើកទី២ ក្រោយធ្លាប់ឡើងកាលពី២០២១។

ដោយឡែកក្រុមខេត្តត្បូងឃ្មុំបានឡើងទៅវគ្គពាក់កណ្តាលផ្តាច់ព្រ័ត្រសម្រាប់ថ្នាក់ខេត្តនេះទៀតហើយ បន្ទាប់ពីយកឈ្នះក្រុមខេត្តព្រះសីហនុដោយលទ្ធផល ៣-១ ក្នុងជើងទី២ ដូច្នេះសរុបទាំងពីរជើងឈ្នះ ៥-៣។ នេះជាលើកទី៥ជាប់គ្នាដែលក្រុមខេត្តត្បូងឃ្មុំបានឡើងដល់វគ្គពាក់កណ្តាលផ្តាច់ព្រ័ត្រ និងធ្លាប់ឈ្នះជើងឯកថ្នាក់ខេត្តកាលពីឆ្នាំ២០១៩។

លទ្ធផលជើងទី១

ខេត្តកំពង់ចាម ០-១ ភ្នំពេញហ្គាឡាក់ស៊ី ថ្ងៃ២៦ ខែតុលា
ខេត្តរតនគិរី ១-៣ ខេត្តបន្ទាយមានជ័យ ថ្ងៃទី៣១ ខែតុលា
ខេត្តពោធិ៍សាត់ ១-១ ខេត្តកំពង់ធំ ថ្ងៃទី៣១ ខែតុលា
ខេត្តព្រះសីហនុ ២-២ ខេត្តត្បូងឃ្មុំ ថ្ងៃទី១ ខែវិច្ឆិកា

លទ្ធផលជើងទី២

ភ្នំពេញហ្គាឡាក់ស៊ី ០-១ ខេត្តកំពង់ចាម ថ្ងៃទី១ ខែវិច្ឆិកា (ពីរជើងស្មើ ១-១, ប៉េណាល់ទី ២-៤)
ខេត្តត្បូងឃ្មុំ ៣-១ ខេត្តព្រះសីហនុ ថ្ងៃទី១០ ខែវិច្ឆិកា (សរុបពីរជើង ៥-៣)
ខេត្តកំពង់ធំ ៥-០ ខេត្តពោធិ៍សាត់ ថ្ងៃទី១០ ខែវិច្ឆិកា (សរុបពីរជើង ៦-១)
ខេត្តបន្ទាយមានជ័យ ៧-២ ខេត្តរតនគិរី ថ្ងៃទី១០ ខែវិច្ឆិកា (សរុបពីរជើង ១០-៣)

វគ្គពាក់កណ្តាលផ្តាច់ព្រ័ត្រ