កីឡា

ភ្នំពេញក្រោនអវត្តមានឡុង ភារ៉ាត់, មូស្លីម, ធីវ៉ា, Jelle ទៅទឹកដីមីយ៉ាន់ម៉ា

បានផុស

៣ ខែ មុន

នៅ

ថ្ងៃអង្គារ ១២ ធ្នូ ២០២៣

ដោយ

ក្លិបបាល់ទាត់ភ្នំពេញក្រោនបានដំណើរទៅប្រទេសមីយ៉ាន់ម៉ានៅព្រឹកថ្ងៃទី១២ ខែធ្នូ ឆ្នាំ២០២៣ ដើម្បីប្រកួតវគ្គសន្សំពិន្ទុក្នុងពូលចុងក្រោយទល់នឹងម្ចាស់ផ្ទះ Shan United នៅថ្ងៃទី១៤ ខែធ្នូ នៅប្រទេសមីយ៉ាន់ម៉ា ក្នុងពានរង្វាន់ AFC Cup ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ សុខង៉ន អ្នកចាត់ការទូទៅរបស់ក្លិបភ្នំពេញក្រោនបានឲ្យដឹងថា មានកីឡាករ៤រូបមិនអាចធ្វើដំណើរទៅប្រទេសមួយមីយ៉ាន់ម៉ាជាមួយក្រុមបានគឺខ្សែការពារ យ៉ើ មូស្លីម ខ្សែប្រយុទ្ធ ប្រាក់ ធីវ៉ា ខ្សែបម្រើកណ្តាល ឡុង ភារ៉ាត់ និងខ្សែប្រយុទ្ធហុល្លង់ Jelle Goselink ដោយសារកីឡាករទាំង៤របួស។

កីឡាករសំខាន់ៗផ្សេងទៀតសុទ្ធតែធ្វើដំណើរទៅប្រទេសមីយ៉ាន់ម៉ាដូចជាខ្សែបម្រើកណ្តាលដ៏សំខាន់ Yudai Ogawa ខ្សែប្រយុទ្ធជប៉ុន Shintaro ខ្សែការពារជប៉ុន Takaki, ខ្សែការពារមីយ៉ាន់ម៉ា Moe Kyaw ខ្សែបម្រើប្រយុទ្ធប្រេស៊ីល Denilson ខ្សែប្រយុទ្ធកូឡុំប៊ី Andrés Nieto និង លឹម ពិសុទ្ធ ជាដើម។

ភ្នំពេញក្រោនកំពុងស្ថិតនៅលេខ២ក្នុងពូលមាន១២ពិន្ទុស្មើក្រុមលេខ១ Macarthur FC ដោយចាញ់គ្រាប់បាល់ ប៉ុន្តែឈរលេខ១ក្នុងនាមជាក្រុមចំណាត់ថ្នាក់លេខ២ល្អបំផុតក្នុងពូលដោយគូប្រជែង Tarengganu មាន៩ពិន្ទុ។ កាលពីជើងទី១នៅទឹកដីកម្ពុជា ភ្នំពេញក្រោនបានយកឈ្នះ Shan Untied ដោយលទ្ធផល ៤-០។

ភ្នំពេញត្រូវការត្រឹមតែស្មើជាមួយម្ចាស់ផ្ទះ Shan United ក៏នឹងក្លាយជាក្លិបតំណាងកម្ពុជាដំបូងឆ្លងផុតវគ្គសន្សំពិន្ទុក្នុងពូល ឡើងទៅកាន់វគ្គបន្ត ប៉ុន្តែប្រសិនបើចាញ់ ហើយគូប្រជែង Terengganu ឈ្នះតិចគ្រាប់ ក៏ភ្នំពេញក្រោននៅតែឡើងទៅកាន់វគ្គបន្ត៕