កីឡា
លោក Ancelotti សម្រេចមិននាំយកខ្សែការពារថ្មីទេក្នុងខែមករានេះ
អ្នកចាត់ការក្លិប Real Madrid លោក Carlo Ancelotti មិននាំយកខ្សែការពារថ្មីទេក្នុងខែមករានេះ ដោយសម្រេចចិត្តប្រើប្រាស់កីឡាករដែលមានស្រាប់ ទោះបីជាខ្សែការពារកណ្តាលកីឡាករ Éder Militão និង David Alaba ជួបរបួសរយៈពេលវែង។
![](https://www.kampucheathmey.com/wp-content/uploads/2024/01/20230402_Ancelotti-1024x576.webp)
ក្រុម Real Madrid កំពុងជួបវិបត្តិក្នុងតំបន់ការពារកណ្ដាលដោយសារកីឡាករ Militão ត្រូវអវត្តមានរយៈពេលវែងជាមួយបញ្ហារបួសដាច់សរសៃ ACL ខណៈ Alaba ក៏បានរងរបួសដូចគ្នាដែរ កាលពីថ្ងៃទី១៧ ខែធ្នូ។
ក្នុងសន្និសីទសារព័ត៌មាន លោក Ancelotti បាននិយាយថា ៖«ពេលនេះ យើងមិនពិចារណាលើការចុះហត្ថលេខានាំយកខ្សែការពារកណ្តាលម្នាក់ទៀតនោះទេ។ យើងកំពុងជួបបញ្ហាកង្វះកីឡាករសំខាន់ៗ តែយើងក៏មានកីឡាករ២រូបទៀតគឺ Nacho Fernández និង Antonio Rüdiger ហើយ២នាក់ទៀត Aurélien Tchouaméni និង Dani Carvajal។ ពួកគេសុទ្ធតែអាចលេងលេងនៅតំបន់ការពារកណ្ដាលបាន។ ដូច្នេះឥឡូវនេះយើងមិនពិចារណានាំយកខ្សែការពារថ្មីទេ»។
![](https://www.kampucheathmey.com/wp-content/uploads/2024/01/Ancelotti-1-768x424-1.jpg)
ឈានចូលដល់ឆ្នាំ២០២៤ កុងត្រារបស់កីឡាករសំខាន់ៗដូចជា Toni Kroos, Nacho, Luka Modric ត្រូវផុតកំណត់នៅខែមិថុនា ប៉ុន្តែអ្វីៗគឺស្ថិតនៅលើការសម្រេចចិត្តរបស់ពួកគេថាបន្តស្នាក់នៅឬចាកចេញ។
លោក Carlo Ancelotti បានបន្ថែមថា៖ «ជាដំបូងយើងក៏មានកីឡាករដែលនឹងផុតកុងត្រា។ ពួកគេអាចនឹងជ្រើសរើសអ្វីដែលពួកគេចង់ធ្វើ។ ខ្ញុំកំពុងនិយាយអំពី Toni Kroos, Nacho, Luka Modric។ អនាគតពួកគេត្រូវបានគិតរួចហើយ មិនមានអ្វីត្រូវធ្វើច្រើនទេ។ ក្រុមយើងកំពុងធ្វើដំណើរក្នុងទិសដៅត្រឹមត្រូវ។ កីឡាករក្មេងៗគួរឱ្យចាប់អារម្មណ៍។ យើងមិនទាន់គិតដល់ខែមិថុនាទេ ដូច្នេះមិនមានអ្វីច្រើនត្រូវធ្វើទេ»។
ក្រុម Real Madrid កំពុងស្ថិតនៅកំពូលតារាង LaLiga បន្ទាប់ពី១៨ប្រកួត ស្មើពិន្ទុជាមួយក្រុម Girona។ សម្រាប់ដំណឹងល្អក្នុងឆ្នាំ២០២៤ កីឡាករសំខាន់ដូចជា Vinícius Júnior, Dani Carvajal និង Arda Güler អាចនឹងវិលចូលទីលានវិញបានក្រោយជួបបញ្ហារបួស៕
ប្រែសម្រួល៖ ផា រតនា
ប្រភព៖ Espen
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ