កីឡា
IOC ចេញគោលការណ៍ចំពោះអត្តពលិកអូឡាំពិកមុនបង្ហោះសារលើបណ្តាញសង្គម
គោលការណ៍ណែនាំរបស់គណៈកម្មាធិការអូឡាំពិកអន្តរជាតិ (IOC) បានអនុញ្ញាតឱ្យអត្តពលិកមានសិទ្ធិចូលរួមអូឡាំពិក អាចបង្ហោះការថតសំឡេង និងវីដេអូនៃព្រឹត្តិការណ៍ប្រកួតកីឡាអូឡាំពិក នៅទីក្រុងប៉ារីស ឆ្នាំ២០២៤ និងការប្រកួតកីឡាអូឡាំពិកយុវជន Gangwon ២០២៤ រយៈពេលត្រឹមតែ២នាទីប៉ុណ្ណោះក្នុងការបង្ហោះនីមួយៗ។
IOC បានចេញផ្សាយគោលការណ៍ណែនាំប្រព័ន្ធផ្សព្វផ្សាយសង្គម និងឌីជីថលផ្លូវការរបស់ខ្លួន ដើម្បីអនុញ្ញាតឱ្យអត្តពលិកចែករំលែកបទពិសោធកីឡាអូឡាំពិករបស់ពួកគេនៅលើគណនីឌីជីថលផ្ទាល់ខ្លួនរបស់ពួកគេ ខណៈក៏ជាការការពារសិទ្ធិរបស់ម្ចាស់សិទ្ធិផ្សាយ (MRHs) ផងដែរ។
ទោះបីជាយ៉ាងណា គណៈកម្មាធិការអូឡាំពិកអន្តរជាតិនឹងមិនអនុញ្ញាតឱ្យប្រើខ្លឹមសារដែលបង្កើតដោយបច្ចេកវិទ្យាសិប្បនិមិត្ត (AI) នោះទេ។ ការបង្ហោះទាំងអស់ត្រូវតែគោរពតម្លៃអូឡាំពិក និងឯកជនភាពរបស់អ្នកដទៃ។ ពួកគេមិនត្រូវ “មានការរើសអើង ឬកាយវិការអាសអាភាស” ឡើយ។
ការអនុញ្ញាតក្នុងការបង្ហោះនេះរួមមាន ពិធីបើក និងបិទ ការប្រារព្ធពិធីនៅឧទ្យាន Champions Park ភូមិអូឡាំពិក កន្លែងហ្វឹកហាត់ និងកន្លែងប្រកួត ស្របតាមច្បាប់ដែលចេញផ្សាយដោយ IOC។ ទោះជាយ៉ាងណា ក្នុងករណីកន្លែងប្រកួត ការបង្ហោះត្រូវបានអនុញ្ញាតត្រឹមតែមួយម៉ោងមុនពេលចាប់ផ្តើមព្រឹត្តិការណ៍ ឬបន្ទាប់ពីអត្តពលិកបានចាកចេញពីតំបន់ចម្រុះ និងតំបន់គ្រប់គ្រងការប្រឆាំងសារធាតុញៀន។
IOC ព្រមានថា ប្រសិនបើអត្តពលិកចង់ចែករំលែករូបថត សំឡេង ឬវីដេអូពីភូមិកីឡាអូឡាំពិកជាមួយមនុស្សផ្សេងទៀតនៅលើប្រព័ន្ធផ្សព្វផ្សាយសង្គម នោះពួកគេត្រូវតែទទួលបានការយល់ព្រមពី IOC ជាមុនសិន ខណៈមាន”តំបន់ហាមឃាត់” ដូចជាតំបន់វេជ្ជសាស្រ្តត្រូវបានដកចេញពីការថតណាមួយ។
រូបភាពអាចត្រូវបានថតដោយទូរស័ព្ទផ្ទាល់ខ្លួនរបស់អត្តពលិកប៉ុណ្ណោះ ហើយគ្មានខ្លឹមសារពាណិជ្ជកម្មអាចរួមបញ្ចូលទេ។ ទោះជាយ៉ាងណា អត្តពលិកអាចបង្ហាញពីការដឹងគុណចំពោះអ្នកឧបត្ថម្ភរបស់ពួកគេដោយមិនមានការរួមបញ្ចូលវីដេអូ ឬការផ្សព្វផ្សាយផលិតផល ឬសេវាកម្មនោះទេ។ ការប្រកួតប្រជែង ពិធីមេដាយ ឬការហ្វឹកហាត់របស់ភាគីទី៣មិនត្រូវបានរាប់បញ្ចូលពីការបង្ហោះណាមួយឡើយ៕
ប្រែសម្រួល៖ មន្នីរ័ត្ន
ប្រភព៖ Xinhua
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៤ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន