កីឡា

ពិធីបើកកីឡាអូឡាំពិក២០២៤នឹងមានអ្នកចូលរួមផ្ទាល់ជាង៣០ម៉ឺននាក់

បានផុស

២ years មុន

នៅ

ថ្ងៃព្រហស្បតិ៍ ៧ មីនា ២០២៤

ដោយ

ពិធីបើកព្រឹត្តិការណ៍កីឡាអូឡាំពិករដូវក្តៅ ឆ្នាំ២០២៤ នៅទីក្រុងបារីស ប្រទេសបារាំងគ្រោងរៀបចំកៅជាង៣០ម៉ឺនដើម្បីអនុញ្ញាតឲ្យអ្នកគាំទ្រចូលរួមទស្សនា និងលើកទឹកចិត្តដល់អត្តពលិកដែលចូលរួមពិធីដង្ហែលើផ្ទៃទឹកទន្លេសេន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងមហាផ្ទៃបារាំង លោក Gérald Darmanin បានបញ្ជាក់លើកដំបូងថា សំបុត្រចំនួន ៣២៦,០០០សន្លឹកនឹងត្រូវដាក់លក់ ឬចែកចាយសម្រាប់ពិធីបើកការប្រកួតកីឡាអូឡាំពិកនៅលើដងទន្លេសេន (Seine) ក្នុងទីក្រុងប៉ារីស។

ដើមឡើយគ្រោងរៀបចំឲ្យមានអ្នកចូលរួមប្រមាណ២លាននាក់ ប៉ុន្តែក្រោយមកក៏ត្រូវបានកាត់បន្ថមមកត្រឹមប្រមាណ៦០ម៉ឺននាក់ ពាក់ព័ន្ធនឹងសុវត្ថិភាពដែលប្រទេសបារាំងមានការព្រួយបារម្ភពីការវាយប្រហារភេរវករ។ ទោះបីជាយ៉ាងណាការបញ្ជាក់ចុងក្រោយរបស់រដ្ឋមន្ត្រីក្រសួងមហាផ្ទៃគឺជាង៣០ម៉ឺននាក់។

លោក Darmanin បានប្រាប់ថា ៖«យើងនឹងមានអ្នកទស្សនាចំនួន១០៤,០០០នាក់នៅជាន់ក្រោមដែលពួកគេត្រូវទិញសំបុត្រចូលរួម។ ចំណែកកៅអីប្រហែលជា២២២,០០០ទៀតគឺចែកចាយសំបុត្រឲ្យចូលរួមដោយឥតគិតថ្លៃ»។

លើសពីនេះ មនុស្សប្រហែលជាង៥០ម៉ឺននាក់នឹងទស្សនាពិធីដង្ហែរក្បួនលើផ្ទៃទឹក នៅថ្ងៃទី២៦ ខែកក្កដា ចេញពីតាមអគារនានាសងខាងទន្លេ ប៉ុន្តែតួលេខជាក់លាក់ពិបាកកំណត់អាចចន្លោះពី ៥០ ទៅ ៦០ម៉ឺននាក់នាក់៕