ការអនុញ្ញាតអត្តពលិករុស្ស៊ី បេឡារុស្ស ចូលប្រកួតកីឡាអូឡាំពិកនឹងសម្រេចថ្ងៃទី១៩ខែមីនា

ក្រុម​ប្រឹក្សាប្រតិបត្តិ​របស់​គណៈកម្មាធិការអូឡាំពិកអន្តរជាតិ (IOC នឹងសម្រេចនៅក្នុងកិច្ចប្រជុំបន្ទាប់របស់ខ្លួនថាតើអត្តពលិករុស្ស៊ី និងបេឡារុស្សនឹងត្រូវបានអនុញ្ញាតឱ្យចូលរួម​ប្រកួត​ក្នុងពិធីបើកការប្រកួតកីឡាទីក្រុងប៉ារីសឬ​យ៉ាង​ណា។

នាយកប្រតិបត្តិកីឡាអូឡាំពិក IOC លោក Christophe Dubi បាននិយាយថា បញ្ហានេះនឹងត្រូវ​ពិភាក្សានៅ “វគ្គបន្ទាប់” ថ្ងៃទី១៩ ខែមីនា នៅទីក្រុង Lausanne។ ប្រធានគណៈកម្មការសម្របសម្រួលរបស់ IOC លោក Pierre-Olivier Beckers-Vieujant បាននិយាយថា ៖«គិតត្រឹមថ្ងៃនេះ នេះមិនទាន់ជាករណីនោះទេ។ អត្តពលិក​មានលិខិតឆ្លងដែនរុស្ស៊ី ឬបេឡារុស្ស ដែលកំពុងចូលរួមក្នុងការប្រកួតនេះ ត្រូវបានហាមឃាត់»។

គណៈកម្មាធិការប៉ារ៉ាឡាំពិកអន្តរជាតិ (IPC) បាននិយាយកាលពីថ្ងៃពុធថា អត្តពលិកប៉ារ៉ាឡាំពិករុស្ស៊ី និងបេឡារុស្សនឹងមិនចូលរួមក្នុងពិធីបើកនោះទេ។ អត្តពលិករុស្ស៊ី និងបេឡារុស្សមិនអាចចូលរួមប្រកួតលើកីឡាជាក្រុម ក្នុងព្រឹត្តិការណ៍កីឡាអូឡាំពិក ពីថ្ងៃទី២៦ ខែកក្កដា ដល់ថ្ងៃទី១១ ខែសីហា ប៉ុន្តែនឹងត្រូវបានអនុញ្ញាតឱ្យចូលរួមដោយអព្យាក្រឹត ដោយគ្មានទង់ជាតិ ឬភ្លេងជាតិ។

អត្តពលិកម្ចាស់មេដាយនឹងត្រូវបានហាមឃាត់មិនឱ្យបង្ហាញសញ្ជាតិ ដូចជានិមិត្តសញ្ញា ឬភ្លេងជាតិជាដើម។ ជំនួសមកវិញ ទង់ជាតិអព្យាក្រឹត – ពណ៌សជាមួយអក្សរខ្មៅអាន NPA (អត្តពលិកប៉ារ៉ាឡាំពិកអព្យាក្រឹត) – នឹងត្រូវបានលើកឡើង ហើយភ្លេងជាតិប៉ារ៉ាឡាំពិកនឹងត្រូវលេងនៅក្នុងពហុកីឡដ្ឋាន។ លទ្ធផលនៃអត្តពលិកទាំងនេះនៅលើវេទិកានឹងមិនត្រូវបានបញ្ចូលក្នុងតារាងមេដាយផ្លូវការទេ។

គណៈកម្មាធិការប៉ារ៉ាឡាំពិករុស្ស៊ី ដែលអាចបញ្ជូនអត្តពលិក១២៥នាក់ បានរិះគន់គោលការណ៍ណែនាំនេះថាជា “ការរើសអើង”។ នៅក្នុងសេចក្តីថ្លែងការណ៍មួយ ពួកគេបានប្រកែកថា “ការបដិសេធអត្តពលិកនូវសិទ្ធិក្នុងការបង្ហាញថាពួកគេមកពីប្រទេសណា ឬដើម្បីអបអរជ័យជម្នះនៅពេលភ្លេងរបស់ប្រទេសរបស់ពួកគេត្រូវបានលេង គឺ​ជាការ​បដិសេធសិទ្ធិ​របស់​ពួកគេក្នុងអត្តសញ្ញាណជាតិ។ នេះគឺអយុត្តិធម៌ចំពោះអត្តពលិករុស្ស៊ី»៕

ប្រែសម្រួល៖ មន្នីរ័ត្ន
ប្រភព៖ Inside The Games