កីឡា
ក្រុមបាល់ទះបារាំងត្រៀមការពារមេដាយមាសអូឡាំពិកលើទឹកដីខ្លួន
ការប្រកួតបាល់ទះក្នុងព្រឹត្តិការណ៍កីឡាអូឡាំពិក រដូវក្តៅ ឆ្នាំ២០២៤ នៅទីក្រុងប៉ារីស នឹងចាប់ផ្តើមពីថ្ងៃទី២៧ ខែកក្កដា ដល់ថ្ងៃទី១១ ខែសីហា ខណៈម្ចាស់ផ្ទះបារាំងជាម្ចាស់ការពារមេដាយមាសដែលខ្លួនបានឈ្នះកាលពី៤ឆ្នាំមុន។
![](https://www.kampucheathmey.com/wp-content/uploads/2024/03/paris-olympics-eiffel-tower-2024.jpg)
ក្រុមបាល់ទះជម្រើសជាតិបារាំងបានឈ្នះមេដាយមាសអូឡាំពិករដូវក្តៅកាលពីឆ្នាំ២០២០នៅប្រទេសជប៉ុន។ ការប្រកួតអូឡាំពិកឆ្នាំនោះ បារាំងមើលទៅទំនងដូចជាមិនមែនក្រុមប្រជែងមេដាយមាសឡើយ ដោយសារពួកគេឈរនៅលេខ៤ក្នុងពូល B បន្ទាប់ពីឆ្លងកាត់៥ប្រកួត គឺឈ្នះ២ និងចាញ់៣។ ទោះបីជាយ៉ាងការភ្ញាក់ផ្អើលបានកើតមានឡើង។ នៅវគ្គ៨ក្រុមចុងក្រោយ បារាំងបានទម្លាក់ក្រុមខ្លាំងប៉ូឡូញដោយលទ្ធផល ៣-២។ នៅវគ្គពាក់កណ្តាលផ្តាច់ព្រ័ត្រ ពួកគេបានយកឈ្នះអាហ្សង់ទីន ៣-០ ដើម្បីឡើងទៅកាន់វគ្គផ្តាច់ព្រ័ត្រ។
![](https://www.kampucheathmey.com/wp-content/uploads/2024/03/FrancevolleyballTokyo20202-1024x683.jpg)
នៅវគ្គផ្ដាច់ព្រ័ត្រ បារាំងបានយកឈ្នះក្រុមរុស្ស៊ី ដែលជាអធិរាជបាល់ទះក្នុងលោក ដោយលទ្ធផល ៣-២។ នេះជាមេដាយមាសលើកដំបូងក្នុងប្រវត្តិសាស្ត្រ ដែលក្រុមបាល់ទះជម្រើសជាតិបារាំងបានឈ្នះក្នុងកីឡាអូឡាំពិក។
ក្នុងព្រឹត្តិការណ៍កីឡាអូឡាំពិកគិតចាប់តាំងពីឆ្នាំ១៩៦៤មក ក្រុមបាល់ទះជម្រើសជាតិបារាំងមិនធ្លាប់ឈ្នះមេដាយទេ សូម្បីតែប្រាក់ ឬសំរិទ្ធ ប៉ុន្តែនៅឆ្នាំ២០២០ ពួកគេបានបំបែកកំណត់ត្រាឈ្នះមេដាយជាលើកដំបូងក្នុងប្រវត្តិសាស្ត្ររហូតដល់មេដាយមាសថែមទៀត។
![](https://www.kampucheathmey.com/wp-content/uploads/2024/03/000_9KQ48C.jpg)
ក្នុងព្រឹត្តិការណ៍អូឡាំពិកឆ្នាំ២០២៤ បារាំងត្រូវធ្វើការធ្ងន់ ក្នុងនាមជាក្រុមការពារមេដាយមាសឆ្នាំចាស់។ ទោះបីឆ្នាំនេះមិនមានរុស្ស៊ី ប៉ុន្តែក្រុមខ្លាំងៗលំដាប់ពិភពលោកជាច្រើនទៀតជាឧបសគ្គធំសម្រាប់ម្ចាស់ផ្ទះមានដូចជា ប៉ូឡូញ ប្រេស៊ីល ជប៉ុន និងសហរដ្ឋអាមេរិកជាដើម។
អូឡាំពិកឆ្នាំ២០២៤នេះមានការកែរូបមន្តប្រកួតថ្មី បើប្រៀបធៀបនឹងកីឡាអូឡាំពិក៩លើកចុងក្រោយ។ ការប្រកួតត្រូវចែងចែកជា៣ពូល ក្នុង១ពូលមាន៤ក្រុម ហើយក្រុមលេខ១ និងលេខ២ ក្នុងពូលនីមួយៗឡើងទៅវគ្គ៨ក្រុមចុងក្រោយ ហើយ២ក្រុមទៀតជាក្រុមលេខ៣ល្អបំផុតក្នុងពូលក៏បានឡើងវគ្គបន្តដែរ។ ក្នុងនាមជាម្ចាស់ផ្ទះ បារាំង ស្ថិតនៅក្នុងពូល A ដោយស្វ័យប្រវត្តិ៕
អត្ថបទ៖ ផា រតនា
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ