កីឡា
លោក Andre ថា Vitor Roque អាចនឹងចាកចេញពីក្រុម Barcelona
ភ្នាក់ងាររបស់កីឡាករ Vitor Roque លោក Andre Cury មិនសប្បាយចិត្តចំពោះស្ថានភាពបច្ចុប្បន្នរបស់ខ្សែប្រយុទ្ធសញ្ជាតិប្រេស៊ីលវ័យ១៩ឆ្នាំ ក្រោយផ្លាស់ទៅកាន់ក្រុម FC Barcelona។
![](https://www.kampucheathmey.com/wp-content/uploads/2024/05/a091c166-09e1-4a7a-bcc4-6cf4ad896399.webp)
កីឡាករ Vitor Roque មិនសូវទទួលបានឱកាសបង្ហាញខ្លូនជាមួយក្រុមសោះ។ បច្ចុប្បន្នរូបគេបង្ហាញខ្លួនបានតែ១១លើក ស៊ុតបញ្ចូលទី២គ្រាប់។ រូបគេបានជ្រើសរើសចូលរួមជាមួយ Barcelona ជាមួយក្ដីស្រមៃធំរបស់ខ្លួន ប៉ុន្តែអ្វីៗហាក់មិនសមប្រកបសោះ។ លោក Xavi គ្រូបង្វឹកក្រុម Barcelona មិនសូវផ្ដល់ឱកាសដល់រូបគេឡើយ។ ស្របពេលនោះលោក Andre Cury ភ្នាក់ងាររបស់កីឡាករ Vitor Roque បានខកចិត្តខ្លាំង ហើយក៏បានលើកឡើងថា រូបគេគួរតែចេញចេញពីក្រុម Barcelona។
លោក Andre Cury បាននិយាយថា ៖«យើងមិនអាចបន្តក្នុងស្ថានភាពបែបនេះទេ។ Vitor Roque អាចចាកចេញពី Barcelona។ រូបគេនឹងមិនចាកចេញក្នុងលក្ខខណ្ឌខ្ចីជើងទេ ខ្ញុំអាចធានាបាន។ ប្រសិនបើគាត់ចាកចេញនៅរដូវក្តៅនេះ វានឹងផ្ទេរជាអចិន្ត្រៃយ៍»។
«គ្មាននរណាម្នាក់យល់ពីមូលហេតុដែល Xavi មិនដាក់ឲ្យរូបគេលេងទេ ហើយមិននិយាយអ្វីជាមួយ Vitor សោះ។ខ្ញុំជឿថា វាមិនជារឿងត្រឹមត្រូវទេ។ យើងបានជ្រើសរើស Barcelona ពីព្រោះ Vitor ស្រឡាញ់ក្លិបមួយនេះ ប៉ុន្តែយើងមិនអាចបន្តជាមួយ Xavi មិនផ្តល់ឱកាសឲ្យ»។
![](https://www.kampucheathmey.com/wp-content/uploads/2024/05/236454d6-9c34-409c-932b-549e3de915e6.webp)
នៅថ្ងៃទី១២ ខែកក្កដា ឆ្នាំ២០២៣ ក្លិប Barcelona បានប្រកាសពីកិច្ចព្រមព្រៀងនាំយក Roque ពីក្លិប Athletico ដោយយល់ព្រមលើកិច្ចសន្យារហូតដល់ ២០៣០-៣១៕
ប្រែសម្រួល៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម២១ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់