Connect with us

កីឡា

ព្រះខ័ន​រាជ​ស្វាយរៀង ប្រកាសថា​ កីឡាករ​ ដែលមកជំនួស Paddy Barrett ​​ធ្លាប់​រក​បាន​១០០​គ្រាប់​ នៅ​ទឹកដី​អាស៊ាន​

បានផុស

នៅ

ក្រុមបាល់ទាត់​ព្រះខ័ន​រាជ​ស្វាយរៀង បានប្រកាស​ពី​ការចាកចេញ​របស់​កីឡាករ​ឆ្នើម Paddy Barrett ដែល​ទៅ​ស្រុកកំណើត​ដោយ​ចូលរួម​ក្រុម St Patrick’s Athletic នៅ​លី​គ​កំពូល​ប្រទេស​អៀរ​ឡង់ ខណៈ​ក្រុម​សមាជិក​លី​គ​កំពូល​កម្ពុជា មួយ​នេះ​បានប្រកាស​ពី​ការបន្ថែម​សមាជិក​ជំនួស​កូតា​កីឡាករ​បរទេស​វិញ​គឺ​កីឡាករ Robert Lopez Mendy​ជនជាតិ​សេ​ណេ​ហ្គា​ល់​ធ្លាប់​រកបាន​១០០​គ្រាប់​នៅ​ទឹកដី​អាស៊ាន​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្លិប​បាល់ទាត់​ដែលមាន​មូលដ្ឋាន​នៅ​ខេត្តស្វាយរៀង បានចេញ​សេចក្តី​ថ្លែង​ការ​របស់ខ្លួន​ទាំងយប់​ថ្ងៃ​ពុធ សប្ដាហ៍​នេះ​ថា​៖«​ក្លិប​បាល់ទាត់​ព្រះខ័ន​រាជ​ស្វាយរៀង​សូម​ប្រកាសថា​ ខ្សែការពារ Paddy Barrett បាន​ចាក​ចេញពី​ក្លិប​របស់​យើង​ ដើម្បី​ត្រលប់​ទៅកាន់​ប្រទេស​អៀក​ឡង់​វិញ ដោយសារ​ហេតុផល​ផ្ទាល់ខ្លួន​»​។ ក្រុម​ថ្មី​របស់ Paddy គឺ St Patrick’s Athletic បាន​ឈរ​លេខ​៦ នៅ​លី​គ​កំពូល​អៀរ​ឡង់ កាលពី​ឆ្នាំមុន ហើយ​ក្រុម​ជើងឯក​នៅ​លី​គនេះ​មាន​កៅអី​ឡើង​ទៅ​ជម្រុះ​ពានរង្វាន់​កម្រិត​ទ្វីបអឺរ៉ុប UEFA Champion League និង​ក្រុម​លេខ​២​ដល់​លេខ​៤ មានឈ្មោះ​ជម្រុះ​ក្នុង​ពាន Europa League ផងដែរ​។​

​និយាយ​ពី​Robert Lopez Mendy វិញ​មាន​វ័យ​៣៤​ឆ្នាំ លេង​ក្នុង​តួ​នាទី​ជា​ខ្សែប្រយុទ្ធ ដោយ​ធ្វើដំណើរ​មកកាន់​ទឹកដី​អាស៊ាន តាំងពី​ឆ្នាំ​២០១៣ ដោយ​ចូលរួម​ជាមួយ​ក្រុម Green Archers United នៅ​លី​គ​កំពូល​ហ្វីលីពីន ដោយ​កាលនោះ​រកបាន​គ្រាប់​បាល់​២៦​គ្រាប់​ម្នាក់ឯង ហើយ​នៅ​ឆ្នាំ​២០១៦ បាន​ចេញទៅ​ចូលរួម​ក្រុម Kaya-LLoili វិញ​ម្តង ដោយ​រកបាន​គ្រាប់​បាល់​៤៥​គ្រាប់​ម្នាក់ឯង​។ នៅ​ឆ្នាំ​២០១៩ រូបគេ​បានធ្វើ​ដំណើរ​ទៅកាន់​ទឹកដី​ម៉ាឡេស៊ី ដោយ​ចូលរួម​ជាមួយ​ក្រុម UiTM ដែល​អាច​រកបាន​គ្រាប់​បាល់​៧​គ្រាប់​។ ចូលដល់​ឆ្នាំ​២០១៩ ដល់​២០២០ កីឡាករ​រូបនេះ​បានធ្វើ​ដំណើរ​ទៅ​ហ្វីលីពីន វិញ​ដោយ​ចូលរួម​ជាមួយ​ក្រុម Ceres-Negros / United City ហើយ​រកបាន​គ្រាប់​បាល់​២២​គ្រាប់​២២​គ្រាប់​ផងដែរ​។​

​កីឡាករ​ដែលមាន​ភរិយា ជា​ជនជាតិ​ហ្វីលីពីន រូបនេះ​បាន​បោះបង់​ឱកាស​បង្ហាញខ្លួន​ក្នុង​ពានរង្វាន់​កម្រិត​ទ្វីបអាស៊ី AFC Champions League ជាមួយ​ក្រុម United City នៅ​វគ្គ​ជម្រុះ​តាម​ពូ​ល ដោយ​ធ្វើ​សម្រេចចិត្ត​ធ្វើដំណើរ​មកកាន់​ប្រទេស​កម្ពុជា ដោយ​ចូលរួម​ជាមួយ​ព្រះខ័ន​រាជ​ស្វាយរៀង​។ ក្លិប​ជើងឯក​លី​គ​កំពូល​ហ្វីលីពីន​៦​សម័យកាល United City បានប្រកាស​ពី​ការចាកចេញ​របស់ Robert Lopez Mendy តាំងពី​ពាក់កណ្តាល​ខែកុម្ភៈ មកម្ល៉េះ ដោយ​បញ្ជាក់ថា​កីឡាករ​រូបនេះ​មក​ចូលរួម​ក្លិប​មួយ​នៅ​កម្ពុជា​។​

​សហព័ន្ធ​កីឡាបាល់ទាត់​កម្ពុជា ក៏ដូចជា​គណៈកម្មការ​ប្រកួត​បាល់ទាត់​ជាតិ​កម្ពុជា (CNCC) បានសម្រេច​ឱ្យ​ក្រុមបាល់ទាត់​ជា​សមាជិក​របស់ខ្លួន​ចុះបញ្ជី​កីឡាករ​បរទេស​បាន​ចំនួន​៥​នាក់​ក្នុង​ក្រុម ប៉ុន្តែ​ដាច់​ខាង​ក្នុងនោះ​ត្រូវមាន​១​នាក់​ជា​ប្រជាជន​របស់​ប្រទេស​នៅ​ទ្វីបអាស៊ី​។ សម្រាប់​ព្រះខ័ន​រាជ​ស្វាយរៀង បាន​ចុះបញ្ជី​កីឡាករ​បរទេស​ពេញ​កូតា ហើយដោយ​ក្នុងនោះ​មាន​កីឡាករ Thiago Santos ជា​ជនជាតិ​ប្រេ​ស៊ី​ល Privat Mbarga ជា​ជនជាតិ​កា​ម៉េ​រ៉ូ​ន Robert Lopez Mendy​ជា​ជនជាតិ​សេណា​កាល់ Mika ជា​ជនជាតិ​អេ​ស្ប៉ា​ញ និង Daisuke Kobayashi ជា​ជនជាតិ​ជប៉ុន​៕​

អត្ថបទ៖ ម៉េង ហួរ

សូមចុចអាន៖ ​លោក Conor Nestor បង្ហាញ​ពី​ផែនការ​ក្រោយ​បន្ត​កិច្ចសន្យា​ជាមួយ​ព្រះខ័ន​រាជ​ស្វាយរៀង ដល់​ឆ្នាំ​២០២៣

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

លោក សេង ម៉ៅ ៖ ទោះអាយុជិត ៤០ ឆ្នាំ ក៏នៅសង្វាតជំនាញបច្ចេកទេស ព្រោះចង់បើករបរឯស្រុកកំណើត

ព័ត៌មានអន្ដរជាតិ១៩ នាទី មុន

​សេដ្ឋកិច្ច​ជប៉ុន​រង​ផល​ប៉ះពាល់ខ្លាំង ចាប់តាំងពីគ្រោះ​រញ្ជួយ​ដីថ្ងៃឆ្លងឆ្នាំ

កីឡា៣៦ នាទី មុន

មុនប៉ះបឹងកេតថ្ងៃអាទិត្យនេះ ភ្នំពេញក្រោនមិនទាន់ចាញ់ក្នុងជើងទី២

ព័ត៌មានជាតិ១ ម៉ោង មុន

ស្ពានអាកាសព្រះមុនីវង្ស​ សាងសង់បញ្ចប់មុនផែនការ ​ត្រៀមធ្វើពិធីតភ្ជាប់​ដើមសប្ដាហ៍ក្រោយ​

ព័ត៌មានជាតិ១ ម៉ោង មុន

ក្រុមហ៊ុន Vietjet នឹងបើកដំណើរការសេវាកម្មហោះហើរប្រចាំថ្ងៃទីពីរ ទៅ ចិន ត្រឹមតែពីរខែប៉ុណ្ណោះ ដោយពង្រីកបណ្ដាញជើងហោះហើរវៀតណាម-ចិន

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម