កីឡា

ក្រុម See You Soon ឈ្នះជើងឯក MPL-KH មានប្រាក់រង្វាន់១៦០០០ដុល្លារ

បានផុស

២ years មុន

នៅ

ថ្ងៃចន្ទ ២០ ឧសភា ២០២៤

ដោយ

ក្រុមកីឡាអេឡិចត្រូនិក See You Soon បានគ្រងជើងឯកលីគ MPL KH រដូវកាលទី៦ ឆ្នាំ២០២៤ ដោយទទួលបានប្រាក់រង្វាន់ចំនួន១៦០០០ដុល្លារសហរដ្ឋអាមេរិក បន្ទាប់ពីបានយកឈ្នះក្រុម D-Roar Legends ដោយលទ្ធផល ៤-២ ក្នុងវគ្គផ្តាច់ព្រ័ត្រ កាលពីរសៀល ថ្ងៃទី១៩ ខែឧសភា។ លេខ២បានទៅក្រុម D-Roar Legends ទទួលបានប្រាក់រង្វាន់៨០០០ដុល្លារ និងលេខ៣បានទៅក្រុម Team Flash Kh ទទួលបាន៥០០០ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម See You Soon នៅវគ្គ៨ក្រុមចុងក្រោយ Upper Bracket បានយកឈ្នះក្រុម PRO Esports ដោយលទ្ធផល ៣-១ និងនៅវគ្គពាក់កណ្តាលផ្តាច់ព្រ័ត្រ Upper Bracket បានលត់ក្រុម CFU Gaming ដោយលទ្ធផល ៣-០ ហើយការប្រកួតចុងក្រោយ Upper Bracket ពួកគេបានយកឈ្នះក្រុម Team Flash KH ដោយលទ្ធផល ៣-០ ដើម្បីឡើងទៅកាន់វគ្គផ្តាច់ព្រ័ត្រជួប D-Roar Legends។

នៅវគ្គផ្តាច់ព្រ័ត្រ ក្រុមទាំងពីរបានបង្កើតការបុកពោះខ្លាំងមែនទែនដោយបានយកឈ្នះទៅវិញទៅមកសម្រាប់៤ហ្គេមដំបូងគឺ ២-២ ប៉ុន្តែនៅហ្គេមទី៥ និងទី៦ ក្រុម See You Soon រឹតតែធ្វើបានល្អដោយយកឈ្នះពីរហ្គេមដើម្បីទទួលបានជ័យជម្នះដោយលទ្ធផល ៤-២ សម្រាប់ការក្លាយជាជើងឯកនៅរដូវកាលទី៦ ឆ្នាំ២០២៤។

នេះជាកំណត់ត្រាឈ្នះជើងឯក MPL KH លើកទី៣ ក្នុងចំណោមការឡើងដល់វគ្គផ្តាច់ព្រ័ត្រ៤លើក។ លើកទី១ ឆ្នាំ២០២១ ពួកគេបានឈ្នះជើងឯកដោយទទួលបានប្រាក់រង្វាន់ ១៦០០០ដុល្លារអាមេរិក លើកទី២ឆ្នាំ២០២៣ បានក្លាយជាជើងឯកដោយទទួលបានប្រាក់រង្វាន់១៦០០០ដុល្លារ និងលើកទី៣ ឆ្នាំ២០២៤បានក្លាយជាជើងឯកទៀតដោយទទួលបានប្រាក់រង្វាន់១៦០០០ដុល្លារទៀត។ កាលពីឆ្នាំ២០២២ ពួកគេទទួលបានចំណាត់ថ្នាក់លេខ២ដោយទទួលបានប្រាក់រង្វាន់៨០០០ដុល្លារអាមេរិក។

ក្នុងនាមជាជើងឯក MPL KH ក្រុម See You Soon ទទួលបានកៅអីទៅចូលរួមប្រកួតពានរង្វាន់អន្តរជាតិ MLBB Mid Season Cup (MSC) នៅទីក្រុងរីយ៉ាដ ប្រទេសអារ៉ាប៊ីសាអ៊ូឌីត៕