កីឡា
ពានរង្វាន់បាល់ទាត់ក្នុងស្រុកចំនួន៣ ត្រូវពន្យារពេល ខណៈអ្នកគាំទ្រមិនអនុញ្ញាតឲ្យចូលទស្សនាប្រកួតលីគឬពានសម្តេច
ពានរង្វាន់បាល់ទាត់ក្នុងស្រុកចំនួន៣ ត្រូវបានសហព័ន្ធកីឡាបាល់ទាត់ជាតិកម្ពុជា (ស.ប.ក) សម្រេចពន្យារពេលប្រកួត ខណៈនៅក្នុងពានរង្វាន់បាល់ទាត់អគ្គមហាសេនាបតីតេជោ ហ៊ុន សែន វគ្គជម្រុះថ្នាក់ខេត្តនិងពានរង្វាន់លីគកំពូលកម្ពុជា Metfone Cambodian League 2021 ត្រូវបានគណៈកម្មការប្រកួតបាល់ទាត់ជាតិកម្ពុជា (CNCC) សម្រេចមិនអនុញ្ញាតឲ្យអ្នកគាំទ្រចូលទស្សនាផ្ទាល់នោះទេ។
មូលហេតុនៃការផ្អាកនេះ គឺយោងតាមស្ថានភាពនៃការចម្លងជំងឺកូវីដ-១៩ ក្នុងព្រឹត្តិការណ៍សហគមន៍២០ កុម្ភៈ កំពុងតែវាយលុកនៅរាជធានីភ្នំពេញ ខេត្តកណ្តាល និងខេត្តព្រះសីហនុ ហើយដើម្បីចូលរួមចំណែកក្នុងការទប់ស្កាត់នេះសហព័ន្ធកីឡាបាល់ទាត់កម្ពុជា ក៏ដូចជាគណៈកម្មការប្រកួតបាល់ទាត់ជាតិកម្ពុជា ក៏ចេញសេចក្តីសម្រេចខាងលើតែម្តងទៅ។
បើយោងតាសេចក្តីជូនដំណឹងរបស់ ស.ប.ក នៅយប់ថ្ងៃព្រហស្បតិ៍ សប្ដាហ៍នេះថា៖«សហព័ន្ធកីឡាបាល់ទាត់កម្ពុជា សូមផ្អាកការប្រកួតទាំង៣ប្រភេទរួមមាន រួមមានពានរង្វាន់ជម្រើសជើងឯកបាល់ទាត់នារី ,ជម្រើសជើងឯកយុវជនអាយុក្រោម១៥ឆ្នាំ និងអាយុក្រោម១៨ឆ្នាំ ឆ្នាំ២០២០ជាបណ្ដោះអាសន្នរហូតដល់មានការជូនដំណឹងជាថ្មី»។
ដោយឡែក CNCC វិញបានចេញសេចក្តីជូនដំណឹងនៅរាត្រីដំណាលគ្នាផងដែរពីការផ្អាកមិនឲ្យទស្សនិកជនចូលទស្សនាផ្ទាល់នៅកីឡដ្ឋានក្នុងការប្រកួតពានរង្វាន់សម្តេចតេជោ និងពានរង្វាន់មិត្តហ្វូនខេមបូឌានលីគ ជាបណ្ដោះអាសន្ន។ ប្រភពបានបញ្ជាក់ថា ការផ្អាកនេះនឹងបន្តរហូតទាល់តែមានសេចក្តីជូនដំណឹងសារជាថ្មី។
សូមបញ្ជាក់ថា ពានរង្វាន់បាល់ទាត់យុវជនក្រោមអាយុ១៥ឆ្នាំ និងពានរង្វាន់បាល់ទាត់យុវជនក្រោមអាយុ១៨ឆ្នាំកំពុងតែប្រកួតជម្រុះក្នុងពូល ខណៈពានរង្វាន់បាល់ទាត់ជើងឯកនារី វិញឈានដល់វគ្គផ្តាច់ព្រ័ត្រហើយ។ ចំណែកពានរង្វាន់សម្តេចតេជោ ហ៊ុន សែន វិញចែកជា២វគ្គ គឺវគ្គជម្រុះជើងឯកថ្នាក់ខេត្ត និងវគ្គជម្រុះជើងឯកថ្នាក់ជាតិ។ ពេលនេះជាយុទ្ធនាការប្រកួតក្នុងវគ្គជម្រុះតាមពូលនៃជើងឯកថ្នាក់ខេត្តនៅឡើយ។ ដោយឡែកពានរង្វាន់មិត្តហ្វូនខេមបូឌានលីគ វិញនឹងចាប់ផ្ដើមដំណើរការប្រកួតចាប់ពីសប្ដាហ៍ក្រោយតទៅហើយ៕
អត្ថបទ៖ ម៉េង ហួរ
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៦ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម