Mbappe ជាកីឡាករបារាំងទី២១ចូលរួម​ក្រុម​យក្ស Real Madrid

កីឡាករ Kylian Mbappe បានផ្លាស់ទៅកាន់ក្លិបអធិរាជ​ Real Madrid ជាផ្លូវការ បន្ទាប់ពីចាកចេញពីក្លិប Paris Saint-Germain នៅក្នុងប្រទេសបារាំង។

ខ្សែប្រយុទ្ធ Kylian Mbappe ក្លាយជាកីឡាករសញ្ជាតិបារាំងទី២១ បានចូលរួមជាមួយក្រុមយក្ស Real Madrid បន្ទាប់ពីក្លិបមួយនេះបង្កើតឡើងអស់រយៈ១២២ឆ្នាំ។ ចំពោះកីឡាករសញ្ជាតិបារាំងទាំង២០រូបធ្លាប់លេងឲ្យក្រុម Real Madrid ក្នុងនោះកីឡាករមួយចំនួនបានលេងក្នុងលក្ខខណ្ឌជើងក្នុងរយៈពេលខ្ចីឬមួយរដូវ។

កីឡាករ Kylian Mbappe ត្រូវ​បាន​គេរំពឹង​ថា នឹងអាចសាងកេរ្ដិ៍ឈ្មោះនៅក្រុម Real Madrid ដូចរាមច្បងកីឡាករ Karim Benzema ផងដែរ។

កីឡាករទាំង២០រូបធ្លាប់លេងឲ្យក្រុម Real Madrid រួមមាន៖កីឡាករ Rene Petit, Manuel Anatol, Louis Hon, Jean Luciano, Raymond Kopa, Lucien Muller, Christian Karembeu, Nicolas Anelka, Claude Makélélé, Zinedine Zidane, Lassana Diarra, Karim Benzema, Raphaël Varane, Theo Hernández, Luca Zidane, Enzo Zidane, Alphonse Areola, សម្រាប់កីឡាករ Ferland Mendy Eduardo Camavinga និង Aurelien Tchouaméni កំពុងលេងឲ្យក្រុម Real Madrid។

ក្ដីស្រមៃ​របស់កីឡាករ Kylian Mbappe គឺការឈ្នះពានរង្វាន់ UEFA Champions League សម្រាប់​ការ​ផ្លាស់ទៅ​ Real Madrid។

កីឡាករ Mbappe បាននិយាយថា៖«ក្ដីស្រមៃក្លាយជាការពិត។ ខ្ញុំមានអារម្មណ៍សប្បាយចិត្ត និងមោទនភាពយ៉ាងខ្លាំង ក្រោយបានផ្លាស់ទៅកាន់ក្លិបក្នុងក្ដីស្រមៃ។ គ្មានអ្នកណាអាចយល់ពីអារម្មណ៍ដ៏រំភើបដែលខ្ញុំមាននាពេលនេះទេ»៕

ប្រែសម្រួល៖ ផា រតនា