កីឡា

Martinez ស៊ុតចុងម៉ោងជួយ អាហ្សង់ទីន ឈ្នះ ឈីលី កក់កៅអីវគ្គ៨ក្រុម Copa America

បានផុស

៩ ខែ មុន

នៅ

ថ្ងៃពុធ ២៦ មិថុនា ២០២៤

ដោយ

ក្រុមបាល់ទាត់ជម្រើសជាតិអាហ្សង់ទីនបានឡើងទៅកាន់វគ្គ៨ក្រុមចុងក្រោយហើយ បន្ទាប់ពីបានយកឈ្នះជម្រើសជាតិ ឈីលី ដោយលទ្ធផល ១-០ ដើម្បីទទួលបាន៣ពិន្ទុបន្ថែមក្នុងការឡើងទៅកាន់វគ្គ៨ក្រុមចុងក្រោយពានរង្វាន់ Copa America ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គសន្សំពិន្ទុលើកទី២ក្នុងពូល A នៅព្រឹកថ្ងៃទី២៦ ខែមិថុនានេះ ប្រើពេលរហូតដល់នាទី៨៨ទើប អាហ្សង់ទីន បានទម្លាយសំណាញ់ទីរបស់ ឈីលី ដោយខ្សែប្រយុទ្ធ Lautaro Martinez ដែលប្តូរចូលនៅនាទី៧៣។ គ្រាប់បាល់មានតែ១គ្រាប់គត់កើតឡើងក្នុងការប្រកួតនេះ បើទោះបីជាអាហ្សង់ទីនមានឱកាសស៊ុតដល់ទៅ២២ជើង និងចំគោលដៅ៩លើក។

នេះជាជ័យជម្នះលើកទី២សម្រាប់អាហ្សង់ទីន បន្ទាប់ពីលើកទី១បានយកឈ្នះ កាណាដា ដោយលទ្ធផល ២-០។ ដូច្នេះ អាហ្សង់ទីន មាន៦ពិន្ទុ ឈរលេខ១ក្នុងពូល A បានឡើងទៅកាន់វគ្គ៨ក្រុមចុងក្រោយមុនគេ។

នៅពូលជាមួយគ្នានេះ កាណាដា រកបាន៣ពិន្ទុ បន្ទាប់ពីឈ្នះប៉េរូ ដោយលទ្ធផល ១-០ សម្រាប់ការប្រកួតទី២ ខណៈ ឈីលី និង ប៉េរូ មាន១ពិន្ទុស្មើគ្នា ពីការប្រកួតស្មើ១ និងចាញ់១ដូចគ្នា។ ការប្រកួតវគ្គសន្សំពិន្ទុចុងក្រោយរបស់អាហ្សង់ទីន ប៉ះប៉េរូ នៅថ្ងៃទី៣០ ខែមិថុនា ឆ្នាំ២០២៤៕