កីឡា
គ្រូបង្វឹកអ៊ុយរូហ្គាយថា ក្រុមខ្លួនគួរទទួលបានការសុំទោសពីអ្នកគាំទ្រកូឡុំប៊ី
គ្រូបង្វឹកក្រុមជម្រើសជាតិអ៊ុយរូហ្គាយ លោក Marcelo Bielsa ថា ក្រុមរបស់លោកសមនឹងទទួលបានការសុំទោសពីអ្នកគាំទ្រកូឡុំប៊ីចំពោះជម្លោះ ដែលបានកើតឡើងនៅក្នុងការប្រកួតវគ្គពាក់កណ្តាលផ្តាច់ព្រ័ត្រ Copa America ។
ភាពចម្រូងចម្រាសបានកើតឡើងរវាងកីឡាករអ៊ុយរូហ្គាយដឹកនាំដោយកីឡាករ Darwin Nunez និងក្រុមអ្នកគាំទ្រកូឡុំប៊ី នៅកីឡដ្ឋាន Bank of America ក្នុងរដ្ឋ North Carolina។ អ្នកគាំទ្រកូឡុំប៊ីបានអង្គុយនៅក្នុងតំបន់ដែលមានសមាជិកក្រុមគ្រួសាររបស់ក្រុមជម្រើសជាតិអ៊ុយរូហ្គាយជាច្រើននាក់។ សហព័ន្ធបាល់ទាត់អាមេរិកខាងត្បូងបានបើកការស៊ើបអង្កេតលើឧបទ្ទវហេតុនេះ ដោយបានព្រមានថា កីឡាករអ៊ុយរូហ្គាយមួយចំនួនអាចប្រឈមនឹងការពិន័យ។
នៅក្នុងសន្និសីទសារព័ត៌មាន លោក Marcelo Bielsa បាននិយាយថា៖«តើអាចទេដែលអ្នកមិនការពារម្ដាយ ប្អូនស្រីនិងកូនរបស់អ្នក។ ប្រសិនបើពួកគេមិនបានធ្វើបែបនេះទេ ពួកគេនឹងត្រូវថ្កោលទោសពីយើងគ្រប់គ្នា»។
ពានរង្វាន់ Copa America បានរៀបចំនៅសហរដ្ឋអាមេរិកជាលើកទី២ ខណៈប្រទេសនេះនឹងធ្វើសហម្ចាស់ផ្ទះ World Cup ឆ្នាំ២០២៦ ប៉ុន្តែលោក Bielsa បានលើកឡើងថា ម្ចាស់ផ្ទះមិនទាន់បានរៀបចំសន្ដិសុខគ្រប់គ្រាន់ទេ។
នៅពេលអ្នកសារព័ត៌មានបន្តសួរអំពីការដាក់ពិន័យដែលអាចកើតមានសម្រាប់ក្រុមរបស់លោក ពេលនោះគ្រូបង្វឹកក្រុមជម្រើសជាតិអ៊ុយរូហ្គាយបានឆ្លើយតបថា ៖«អ្នកគួរសួរខ្ញុំថា តើយើងគួរបានទទួលការសុំទោសឬអត់? មិនមែនខ្ញុំខ្លាចការដាក់ទណ្ឌកម្មទេ។ តើការដាក់ពិន័យអ្វីដែលពួកគេសួរខ្ញុំ? អ្វីដែលយើងត្រូវចាំមើលនោះគឺនៅពេលណាដែលពួកគេនឹងសុំទោសយើង»៕
ប្រែសម្រួល៖ ផា រតនា
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព