កីឡា

យប់នេះ U19 កម្ពុជា ប៉ះ ហ្វីលីពីន មុនត្រឡប់ មកស្រុកវិញ

បានផុស

៨ ខែ មុន

នៅ

ថ្ងៃអង្គារ ២៣ កក្កដា ២០២៤

ដោយ

ក្រុមបាល់ទាត់ជម្រើសជាតិកម្ពុជាអាយុក្រោម១៩ឆ្នាំ (U19) នឹងប្រកួតជាមួយ ក្រុមយុវជនហ្វីលីពីន វេលាម៉ោង៧:៣០នាទីយប់ ថ្ងៃទី២៣ ខែកក្កដា ឆ្នាំ២០២៤ សម្រាប់ការប្រកួតវគ្គសន្សំពិន្ទុក្នុងពូលចុងក្រោយពានរង្វាន់ ASEAN U19 Boys’ Championship នៅប្រទេសឥណ្ឌូណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមយុវជនកម្ពុជាបានអស់ឱកាសឡើងទៅកាន់វគ្គបន្តហើយ បន្ទាប់ពីចាញ់២ប្រកួតជាប់គ្នាគឺចាញ់ ទីម័រខាងកើត ២-៣ និងចាញ់ម្ចាស់ផ្ទះឥណ្ឌូណេស៊ី ០-២។ ចំណែក ហ្វីលីពីន បានចាញ់ ឥណ្ឌូណេស៊ី ៦-០ និងឈ្នះទីម័រខាងកើត ២-០ ដែលធ្វើឲ្យពួកគេនៅមានឱកាសអ៊ុតមើលក្រុមលេខ២ល្អបំផុតក្នុងពូល។

ប្រវត្តិជួបគ្នា៥ដងក្នុងពានរង្វាន់ ASEAN U19 Boys’ Championship កម្ពុជាធ្លាប់ឈ្នះ៤ដង ខណៈហ្វីលីពីន ធ្លាប់ឈ្នះតែ១ដងប៉ុណ្ណោះ។

កម្ពុជា ០-១ ហ្វីលីពីន (ឆ្នាំ២០០២)
កម្ពុជា ៣-០ ហ្វីលីពីន (ឆ្នាំ២០០៣)
កម្ពុជា ៥-៣ ហ្វីលីពីន (ឆ្នាំ២០១១)
កម្ពុជា ៤-១ ហ្វីលីពីន (ឆ្នាំ២០១៣)
កម្ពុជា ១-០ ហ្វីលីពីន (ឆ្នាំ២០១៥)

ពានរង្វាន់ ASEAN U19 Boys’ Championship ត្រូវបានរៀបចំការប្រកួតលើកដំបូងកាលពីឆ្នាំ២០០២ ដែលកម្ពុជាធ្វើជាម្ចាស់ផ្ទះតែម្តង។ កម្ពុជាមិនធ្លាប់មានប្រវត្តិឆ្លងផុតក្នុងពូលឡើយ។ ខាងក្រោមជាស្ថិតិរបស់ក្រុម U19 កម្ពុជាដែលធ្លាក់ក្នុងវគ្គជម្រុះក្នុងពូលទាំងអស់។