កីឡា

ប្រទេសអាស៊ាន៣បានឈ្នះមេដាយមាស៥គ្រឿងនៅកីឡាអូឡាំពិក២០២៤

បានផុស

២៦ វិនាទី មុន

នៅ

ថ្ងៃសុក្រ ៩ សីហា ២០២៤

ដោយ

គិតត្រឹមថ្ងៃទី៩ ខែសីហា ឆ្នាំ២០២៤ មានប្រទេសអាស៊ាន៣ហើយបានឈ្នះមេដាយមាសក្នុងព្រឹត្តិការណ៍កីឡាអូឡាំពិក នៅប្រទេសបារាំង ប៉ុន្តែមានប្រទេសមួយចំនួនទៀតមិនទាន់ស្គាល់មេដាយមួយឡើយ។

ប្រទេសហ្វីលីពីនបានឈ្នះមេដាយចំនួន៤គ្រឿងគឺមាស២ និងសំរិទ្ធ។ មេដាយមាស២រកបានដោយកីឡាករកាយសម្ព័ន្ធ Carlos Yulo លើវិញ្ញាសា Men’s Foloor និងវិញ្ញាសា Men’s Vualt។ ចំណែកមេដាយសំរិទ្ធរកបានដោយកីឡាការិនីប្រដាល់សកល Aira Villegas លើប្រភេទទម្ងន់ Flyweight និងកីឡាការិនី Nesthly Petecio លើប្រភេទទម្ងន់ Featherweight។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសឥណ្ឌូណេស៊ី ឈ្នះមេដាយមាស២ និងសំរិទ្ធ១។ មេដាយមាសរកបានដោយកឡាករ Veddriq Leonardo លើប្រភេទកីឡាឡើងភ្នំ វិញ្ញាសា Men’s Speed និងកីឡាករ Rizki Juniasyah លើប្រភេទកីឡាលើកទម្ងន់ វិញ្ញាសាបុរសក្រោម៧៣គីឡូក្រាម ខណៈមេដាយសំរិទ្ធរកបានដោយកីឡាការិនី Gregoria Mariska Junjjung លើប្រភេទកីឡាវាយសី វិញ្ញាសា Women’s Single។

ប្រទេសថៃបានឈ្នះមេដាយមាស១ ប្រាក់៣ និងសំរិទ្ធ២។ មេដាយមាសរកបានដោយកីឡាការិនី Panipak Wongpattanakit កីឡាតេក្វាន់ដូ វិញ្ញាសាទម្ងន់ក្រោម៤៩គីឡូក្រាម។ មេដាយប្រាក់រកបានដោយកីឡាករ Kunlavut Vitidsrn កីឡាវាយសី វិញ្ញាសា Men’s Single។ កីឡាករ Theerapong Silachai កីឡាលើកទម្ងន់ វិញ្ញាសាទម្ងន់ក្រោម៦១គីឡូក្រាម និងកីឡាករ Weeraphon Wichuma កីឡាលើកទម្ងន់ វិញ្ញាសាទម្ងន់ក្រោម៧៣គីឡូក្រាម។ មេដាយសំរិទ្ធរកបានដោយកីឡាការិនី Janjaem Suwannapheng កីឡាប្រដាល់សកល វិញ្ញាសា Women’s Welterweight និងកីឡាការិនី Surodchana Khambao កីឡាលើកនទម្ងន់ វិញ្ញាសាទម្ងន់ក្រោម៤៩គីឡូក្រាម។

ប្រទេសម៉ាឡេស៊ី ឈ្នះមេដាយសំរិទ្ធ២ដោយកីឡាករ Aaron Chia និង Soh Wooi Yik កីឡាវាយសី វិញ្ញាសាបុរសគូ ហើយកីឡាករ Lee Zii Jia កីឡាវាយសី វិញ្ញាសាបុរសទោល Men’s Singles។

ដោយឡែកប្រទេសសិង្ហបុរី វៀតណាម មីយ៉ាន់ម៉ា ឡាវ ព្រុយណេ និងកម្ពុជា មិនបានឈ្នះមេដាយណាមួយទេ។ សហរដ្ឋអាមេរិក កំពុងឈរលើតារាងមេដាយអូឡាំពិក ឆ្នាំ២០២៤ ជាមួយមេដាយមាស៣០ ប្រាក់៣៨ និងសំរិទ្ធ៣៥ តាមពីក្រោយដោយចិនមេដាយមាស២៩ ប្រាក់២៥ និងសំរិទ្ធ១៩ ខណៈអូស្ត្រាលី លេខ៣ ហើយម្ចាស់ផ្ទះបារាំងលេខ៤៕