កីឡា
មុនប៉ះកម្ពុជា ស្រីលង្កាតែងតាំងគ្រូបង្វឹកថ្មីមានបទពិសោធច្រើន
សហព័ន្ធកីឡាបាល់ទាត់ស្រីលង្កា បានតែងតាំងលោក Abdulla Almutairi ជាគ្រូបង្គោលបណ្តោះអាសន្នដើម្បីដឹកនាំក្រុមជម្រើសជាតិរបស់ខ្លួនប្រកួតជាមួយក្រុមបាល់ទាត់ជម្រើសជាតិកម្ពុជា វគ្គជម្រុះជើងឯកអាស៊ី AFC Asian Cup នៅខែកញ្ញាខាងមុខនេះ។
លោក Almutairi នឹងដឹកនាំក្រុមជម្រើសជាតិស្រីលង្កាដែលមានប្រសិទ្ធភាពចាប់ពីពេលនេះតែម្តងដើម្បីដឹកនាំប្រកួតជាមួយជម្រើសជាតិកម្ពុជា នៅថ្ងៃទី៥ ខែកញ្ញា ជើងទី១ ក្នុងទីក្រុង Colombo មុនពេលធ្វើដំណើរមកទឹកដីកម្ពុជា ជើងទី២ នៅថ្ងៃទី១០ ខែកញ្ញា វគ្គជម្រុះ 2027AFC Asian Cup។
លោកជាគ្រូបង្វឹកម្នាក់ដែលមានបទពិសោធ និងមានសមិទ្ធផលល្អនៅពេលលោកបានដឹកនាំក្រុមជម្រើសជាតិនេប៉ាល់ឈានដល់វគ្គផ្តាច់ព្រ័ត្រ ជើងឯកអាស៊ីខាងត្បូង (SAFF Championship) កាលពីឆ្នាំ២០២១ ដោយទទួលបានជើងឯករង បន្ទាប់ពីចាញ់ឥណ្ឌានៅវគ្គផ្តាច់ព្រ័ត្រ។
លោក Abdulla Almutairi អាយុ៤២ឆ្នាំសញ្ជាតិគុយវែត ធ្លាប់ដឹកនាំក្រុមជាច្រើនដូចជា ក្រុមជម្រើសជាតិនេប៉ាល់ពីឆ្នាំ២០២១-២០២២។ នៅឆ្នាំ២០២៣ លោកបានដឹកនាំក្រុមជម្រើសជាតិអាហ្វហ្គានីស្ថាន និងក្លិបគុយវែត Al-Jahra មុនពេលចូលដឹកនាំក្រុមជម្រើសជាតិស្រីលង្កាជាបណ្តោះអាសន្ន។
ស្រីលង្កាបានរៀបចំផែនការជាច្រើនដើម្បីពង្រឹងក្រុមបាល់ទាត់ជម្រើសជាតិរបស់ខ្លួនទាំងកម្រិតយុវជន រហូតដល់ក្រុមធំ ក្នុងរយៈពេលប៉ុន្មានឆ្នាំចុងក្រោយ។ ពួកគេបានរៀបចំផែនការអភិវឌ្ឍរយៈពេល៣ឆ្នាំដែលបានសហការជាមួយសមាគមកីឡាបាល់ទាត់កាតារ (QFA) និងគម្រោងអភិវឌ្ឍដ៏ល្បីទូទាំងពិភពលោក Aspire Academy របស់កាតារដែលបានចាប់ផ្តើមកាលពីខែឧសភា ឆ្នាំ២០២២។
ក្រៅពីគម្រោងអភិវឌ្ឍដ៏សំខាន់ខាងលើ ស្រីលង្កាបានផ្តល់សញ្ជាតិដល់កីឡាករបរទេស និងមានកីឡាករកូនកាត់ជាច្រើនដែលកំពុងលេងនៅក្រៅប្រទេស។ ជាក់ស្តែងកីឡាករ Samuel Joseph David កើតនៅឆ្នាំ២០០២ ជាកូនកាត់អង់គ្លេស-ស្រីលង្កា កំពុងលេងឲ្យក្លិប Dundalk លីគប្រទេសអៀរឡង់ និងធ្លាប់ជាយុវជនរបស់ Everton និង Liverpool។
កីឡាករ Wade Dekker អាយុ៣០ឆ្នាំកើតនៅប្រទេសអូស្ត្រាលីទើបតែទទួលបានសញ្ជាតិស្រីលង្កា។ រូបគេលេងឲ្យក្លិបជាច្រើននៅប្រទេសអូស្ត្រាលីពីឆ្នាំ២០១២រហូតដល់ឆ្នាំ២០២៤។
កីឡាករ Barath Suresh អាយុ២១ឆ្នាំជាកីឡាកររបស់ក្លិបអូស្ត្រាលី Langwarrin។ កីឡាករ Dallon De Silva អាយុ២២ឆ្នាំលេងនៅក្លិបបារាំង Borgo B។ កីឡាករ Leon Heimer Pereira អាយុ២៧ឆ្នាំលេងនៅក្លិបអាល្លឺម៉ង់ Luneburger SK Hansa។ កីឡាករ Rahul Suresh លេងនៅ ក្លិបអូស្ត្រាលី Langwarrin។ កីឡាករ Ahmed Waseem Razeek អាយុ២៩ឆ្នាំលេងនៅ Estern District របស់ហុងកុង និង កីឡាករ Oliver Kelaat អាយុ២៦ឆ្នាំលេងនៅក្លិប Haukar របស់ប្រទេសអៀរឡង់ជាដើម៕
ប្រែសម្រួល៖ វីរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៥ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ