កីឡា
ការដាំស្មៅថ្មីនៅពហុកីឡដ្ឋានជាតិមរតកតេជោ ដើម្បីការប្រកួតសំខាន់ចុងឆ្នាំ
ទីលានបាល់ទាត់ក្នុងពហុកីឡដ្ឋានជាតិមរតកតេជោ ត្រូវបានចាប់ផ្តើមជួសជុលថ្មី បន្ទាប់ពីបើកដំណើរប្រើប្រាស់អសៈពេលប្រមាណ៤ឆ្នាំ គិតចាប់តាំងពីឆ្នាំ២០២១។ ការជួសជុលកែលំអថ្មីនេះគឺដើម្បីត្រៀមរៀបចំការប្រកួតសំខាន់ៗ ក៏ដូចជាកម្មវិធីផ្សេងៗនៅចុងឆ្នាំ។
លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា ការជួសជួលកែលំអថ្មីនេះគឺជាការសម្រេចរបស់ក្រុមប្រឹក្សាគ្រប់គ្រងពហុកីឡដ្ឋានជាតិមរតកតេជោដែលមានឯកឧត្តមអគ្គបណ្ឌិតសភាចារ្យ អ៊ូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុជាប្រធាន។
លោកបានបន្តថា ៖«ពហុកីឡដ្ឋានជាតិមរតកតេជោត្រូវបានប្រើប្រាស់តាំងពីឆ្នាំ២០២១។ កន្លែងខ្លះ រចនាសម្ព័ន្ធខ្លះបានខូចខាត ធ្វើឲ្យខុសនឹងស្តង់ដាបច្ចេកទេស ខ្វះនិយាមបច្ចេកទេសសម្រាប់ការប្រកួត។ ឥឡូវនេះតាមការសម្រេចពីឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានអនុញ្ញាតឲ្យធ្វើការរៀបចំជួសជុល កែលំអឡើងវិញនូវទីលានបាល់ទាត់នៅក្នុងពហុកីឡដ្ឋានដ៏ប្រណីតរបស់យើងនេះ»។
«ការជួសជុលនេះគឺជាការរៀបចំមូលដ្ឋានគ្រឹះឡើងវិញ។ ការរៀបចំស្មៅឡើងវិញដែលជាស្មៅធម្មជាតិស្តង់ដាខ្ពស់សម្រាប់ការប្រកួតបាល់ទាត់ និងរៀបចំកម្មវិធីផ្សេងៗទៀតបានល្អប្រសើរ។ ក្នុងរយៈពេលបីបួនខែខាងមុខ យើងនឹងមានទីលានស្តង់ស្មៅកម្រិតអន្តរជាតិ។ យើងធ្វើនេះគឺផ្អែកទៅលើស្ថានការណ៍ចាំបាច់ ជាពិសេសត្រៀមសម្រាប់ការប្រកួតនៅចុងឆ្នាំ និងដើមឆ្នាំរបស់សហព័ន្ធកីឡាបាល់ទាត់»។ លោក វ៉ាត់ ចំរើន បានរៀបរាប់។
ទីលានពហុកីឡដ្ឋានជាតិមរតកតេជោធ្លាប់រៀបចំការប្រកួតបាល់ទាត់អន្តរជាតិដូចជា ការប្រកួតជើងឯកអាស៊ាន AFF Championship ការប្រកួតបាល់ទាត់យុវជនអាស៊ាន និងការប្រកួតមិត្តភាពអន្តរជាតិ មុនពេលព្រឹត្តិការណ៍កីឡាស៊ីហ្គេម ក្នុងខែឧសភា ឆ្នាំ២០២៣។
ក្នុងព្រឹត្តិការណ៍កីឡាស៊ី ឆ្នាំ២០២៣ មិនបានរៀបចំការប្រកួតបាល់ទាត់នៅទីលានក្នុងពហុកីឡដ្ឋានជាតិមរតកតេជោទេ ដោយរៀបចំសម្រាប់ពិធីបើក និងពិធីបិទ ព្រមទាំងរៀបចំការប្រកួតកីឡាផ្សេងដូចជាអត្តពលកម្មជាដើម។ បន្ទាប់មករៀបចំការប្រកួតកីឡាអាស៊ានប៉ារ៉ាហ្គេម ខែកក្កដា ឆ្នាំ២០២៣។
ចាប់តាំងពីចប់កីឡាស៊ីហ្គេម និងកីឡាអាស៊ានប៉ារ៉ាហ្គេម ឆ្នាំ២០២៣ ពហុកីឡដ្ឋានជាតិមរតកតេជោមិនមានរៀបចំបាល់ទាត់សំខាន់ៗទេ ដោយសារការប្រកួតភាគច្រើនធ្វើនៅពហុកីឡដ្ឋានជាតិអូឡាំពិកដែលជាហេតុធ្វើឲ្យស្ងប់ស្ងាត់ និងមានការខូចខាតខ្លះ។
នៅចុងឆ្នាំ២០២៤ខាងមុខ កម្ពុជានឹងមានការប្រកួតបាល់ទាត់ជើងឯកអាស៊ាន AFF Championship ដែលទំនងជាត្រូវរៀបចំការប្រកួតនៅពហុកីឡដ្ឋានជាតិមរតកតេជោ៕
អត្ថបទ៖ វីរបុត្រ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ