កីឡា

ខេត្តត្បូងឃ្មុំជាក្រុមជោគជ័យជាងគេ ក្នុងពានសម្តេចតេជោថ្នាក់ខេត្ត

បានផុស

៣ ខែ មុន

នៅ

ថ្ងៃចន្ទ ២៣ ធ្នូ ២០២៤

ដោយ

ក្រុមបាល់ទាត់ខេត្តត្បូងឃ្មុំ បានក្លាយជាក្រុមដែលទទួលបានជោគជ័យបំផុតក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្ត បន្ទាប់ពីបានឈ្នះជើងឯកជាថ្មីក្នុងឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គផ្តាច់ព្រ័ត្រ ពានរង្វាន់សម្តេចតេជោ ថ្នាក់ខេត្ត កាលពីល្ងាចថ្ងៃអាទិត្យ ទី២២ ខែធ្នូ ឆ្នាំ២០២៤ ក្រុមខេត្តត្បូងឃ្មុំបានយកឈ្នះក្រុមខេត្តកំពង់ចាមដោយការទាត់ប៉េណាល់ទីកាត់សេចក្តី ៣-២ បន្ទាប់ពីស្មើគ្នាដោយលទ្ធផល ១-១។

ការប្រកួតបាល់ទាត់ពានរង្វាន់សម្តេចតេជោថ្នាក់ខេត្តបានចាប់ផ្តើមលើកដំបូងតាំងពីឆ្នាំ២០១៨។ ក្នុងនោះក្រុមខេត្តត្បូងឃ្មុំជាក្រុមតែមួយគត់ដែលឈ្នះជើងឯក២ដង និងរងជើងឯកដល់ទី៣ដង ក្នុងចំណោមការឡើងដល់វគ្គផផ្តាច់ព្រ័ត្រ៥ដង៕

ពានសម្តេចតេជោ ថ្នាក់ខេត្ត

ឆ្នាំ២០១៨៖ ក្រុមយុវជនបាល់ទាត់ជាតិបាទី ជាជើងឯក
ឆ្នាំ២០១៩៖ ក្រុមខេត្តត្បូងឃ្មុំ ជាជើងឯក
ឆ្នាំ២០២០៖ ក្រុមខេត្តព្រៃវែង ជាជើងឯក ហើយក្រុមខេត្តត្បូងឃ្មុំ រងជើងឯក
ឆ្នាំ២០២១៖ ក្រុមខេត្តកោះកុង ជាជើងឯក ហើយក្រុមខេត្តត្បូងឃ្មុំ រងជើងឯក
ឆ្នាំ២០២២៖ ក្រុមភ្នំពេញហ្គាឡាក់ស៊ី ជាជើងឯក
ឆ្នាំ២០២៣/២៤៖ ក្រុមខេត្តកំពង់ចាម ជាជើងឯក ហើយ ក្រុមខេត្ត ត្បូងឃ្មុំ រងជើងងឯក
ឆ្នាំ២០២៤/២៤៖ ក្រុមខេត្តត្បូងឃ្មុំ ជាជើងឯក

ជ័យលាភីថ្នាក់ខេត្តឆ្នាំ២០២៤

-ជើងឯក៖ ក្រុមខេត្តត្បូងឃ្មុំ ទទួលបានពាន មេដាយមាស និងប្រាក់រង្វាន់២០លានរៀល
-រងជើងឯក៖ ក្រុមខេត្តកំពង់ចាម ទទួលបានមេដាយប្រាក់ និងប្រាក់រង្វាន់១០លានរៀល
-លេខ៣៖ ក្រុមខេត្តសៀមរាប ទទួលបានមេដាយសំរិទ្ធ និងប្រាក់រង្វាន់៨លានរៀល
-ក្រុម Fair Play៖ ក្រុមខេត្តត្បូងឃ្មុំ ទទួលបាន៤លានរៀល
-កីឡាករល្អជាងគេ៖ កីឡាករ ស៊ាង នីរ៉ាត់ធន មកពីក្រុមខេត្តកែប ទទួលបានប្រាក់២លានរៀល
-កីឡាកររកបានគ្រាប់បាល់ច្រើនជាងគេ៖ កីឡាករ សារី តៃម៉ូ (១៦គ្រាប់) ទទួលបានប្រាក់២លានរៀល
-អ្នកចាំទីល្អជាងគេ៖ កីឡាករ គង់ រ៉ាហ្វាត់ មកពីក្រុមខេត្តត្បូងឃ្មុំ ទទួលបានប្រាក់២លានរៀល
-គ្រូបង្វឹកល្អ៖ លោក ប៊ុល រតនៈ មកពីក្រុមខេត្តត្បូងឃ្មុំ ទទួលបានប្រាក់២លានរៀល
-ក្រុមអាជ្ញាកណ្តាលល្អ៖ យ៉ុង សិលា, សយ មាស, សេង ឌីណា និង សឿន សុវណ្ណដេត ទទួលបានប្រាក់៣លានរៀល