កីឡា

លោក ខូវ ឆាយ៖ ការប្រកួតមានចាញ់-ឈ្នះ ប៉ុន្តែអ្វីដែលបានបង្ហាញនោះគឺមិត្តភាពសាមគ្គីភាព

បានផុស

៣ ខែ មុន

នៅ

ថ្ងៃចន្ទ ១០ មីនា ២០២៥

ដោយ

សហស្ថាបនិកបង្កើតពានរង្វាន់ «ពានរង្វាន់សតវត្សរ៍ នៃព្រះធម៍» លោក ខូវ ឆាយ ការប្រកួតដែលបញ្ចប់ទៅនេះគឺទទួលបានជោគជ័យខ្លាំង បើទោះលទ្ធផលមានចាញ់ មានឈ្នះ ប៉ុន្តែវាបានបង្ហាញពីមិត្តភាពសាមគ្គីភាពជាខ្លាំងទាំង៤ក្រុមរវាងខ្មែរ-ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខូវ ឆាយ និង សែន ឆៃ

ថ្លែងក្រោយបញ្ចប់ការប្រកួតកាលពីថ្ងៃសៅរ៍ ទី៨ មីនា ២០២៥ លោក ខូវ ឆាយ បានឲ្យដឹងថា ការរៀបចំព្រឹត្តិការណ៍បាល់ទាត់ខាងលើនេះទទួលបានជោគជ័យជាខ្លាំងដូចបានឃើញស្រាប់ហើយពីការគោរពស្រឡាញ់ សាមគ្គី និងយោគយល់ដែលបង្ហាញពីវប្បធម៌រួមរស់ដោយសន្តិភាព។

រឿង សោភ័ណ្ឌ និង សែន ឆៃ

លោកបានបន្ថែមទៀតថា ភាគីខាងថៃគឺមានការរីករាយជាខ្លាំងនៅពេលម្ចាស់ផ្ទះកម្ពុជាទទួលស្វាគមន៍យ៉ាងកក់ក្ដៅទាំងការស្នាក់នៅ ហូបចុក និងការរាក់ទាក់ពិសេសឥរិយាបថនៅលើទីលានក្នុងពេលប្រកួតជាដើម។ តាមរយៈការប្រកួតនេះជឿជាក់មិនត្រឹមតែរីកចម្រើនលើសកម្មភាពកីឡានោះទេ ពោលវិស័យសេដ្ឋកិច្ច ទេសចរណ៍ ក៏នឹងមានភាពរីកចម្រើន និងសកម្មផងដែរ។

ក្រុមបាល់ទាត់មួយថៃ

ប្រធានសហព័ន្ធប្រដាល់គុនខ្មែរលើកឡើងទៀតថា នឹងមានសកម្មភាព ឬការប្រកួតកីឡាបែបនេះជាច្រើនបន្តបន្ទាប់ទៀតនៅពេលខាងមុខមិនថាជាមួយថៃនោះទេ ពោលប្រទេសក្នុងសហគមន៍អាស៊ាន។ ចំពោះការប្រកួតបាល់ទាត់ជាមួយភាគីខាងថៃសម្រាប់ជើងទី២ គឺកំពុងរកពេលវេលាស័ក្តិសមដើម្បីរៀបចំឯប្រទេសថៃវិញម្ដង។

បញ្ជាក់ដែរថា «ពានរង្វាន់សតវត្សរ៍ នៃព្រះធម៍» រវាងកម្ពុជា និងថៃ បានបញ្ចប់ទៅហើយកាលពីល្ងាចថ្ងៃទី៨ ខែមីនា ឆ្នាំ២០២៥ នៅពហុកីឡដ្ឋានជាតិ។ គូទី១ ក្រុមបាល់ទាត់គុនខ្មែរយកឈ្នះក្រុមបាល់ទាត់មួយថៃ ដោយលទ្ធផល ៣-២ និងគូទី២ ក្រុមបាល់ទាត់តារាកម្ពុជាចាញ់ក្រុមតារា យូធូប តិកតុក ថៃ ដោយលទ្ធផល ២-១៕