Liverpool ចាប់ដៃជាមួយ Adidas ទទួលបានតម្លៃកុងត្រាកប់ពពក

ក្លិបហង្សក្រហម Liverpool បានប្រកាសចាប់ដៃគូជាមួយ Adidas ដែលជាក្រុមហ៊ុនផលិតសម្លៀកបំពាក់កីឡាដ៏ធំនៅក្នុងពិភពលោក ក្នុងកិច្ចសន្យារយៈពេលច្រើនឆ្នាំ បន្ទាប់ពីកិច្ចសន្យាបច្ចុប្បន្ន ជាមួយក្រុមហ៊ុន Nike កាន់តែខិតជិតផុតសុពលភាព។

Liverpool នឹងចាប់ផ្តើមទទួលយកការផ្គត់ផ្គង់របស់ Adidas ចាប់ពីថ្ងៃទី ១ ខែ សីហា ឆ្នាំ ២០២៥ នេះតទៅ។ តាមរយៈកិច្ចព្រមព្រៀងថ្មីនេះ កាសែត The Times បានបញ្ជាក់ថា ក្លិបហង្សក្រហមនឹងទទួលបានទឹកប្រាក់ចំនួន ៧៤ លានដុល្លារអាមេរិកក្នុងមួយរដូវកាល។

គួរបញ្ជាក់ថា Adidas ធ្លាប់បានឧបត្ថម្ភ Liverpool ចំនួន ២ លើករួចមកហើយ ដោយលើកដំបូងគឺពីឆ្នាំ ១៩៨៥ ដល់ ១៩៩៦ និងលើកទី ២ ពីឆ្នាំ ២០០៦ ដល់ឆ្នាំ ២០១២៕

សម្រួលអត្ថបទ៖ សេម កុសល
ប្រភព៖ Goal