កីឡា

ពេជ្រ សឹង្ហៈ ថា បឺត សង្ឃឹម ប្រហែសបន្តិច ថយក្រោយអត់លើកដៃការពារ

បានផុស

១ year មុន

នៅ

ថ្ងៃអង្គារ ១៨ មីនា ២០២៥

ដោយ

ជើងខ្លាំងវ័យក្មេងមកពីខេត្តកំពង់ស្ពឺ ពេជ្រ សឹង្ហៈ បានមើលឃើញថ្ងៃរៀមច្បង បឺត សង្ឃឹម សន្លប់នោះដោយសារប្រហែសបន្តិចនៅពេលដកខ្លួនថយគេចពីកណ្ដាប់ដៃរបស់កីឡាកររុស្ស៊ី អាស្លាន់ប្លេក ហ្សុីលរីវ រួចភ្លេចលើកដៃបាំងជាមួយនាំឲ្យចូលមួយដៃឆ្វេងពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេជ្រ សឹង្ហៈ (ក្រហម)

សឹង្ហៈ បាននិយាយថា អាវុធរបស់កីឡាករ រុស្ស៊ី អាស្លាន់ប្លេក ហ្សុីលរីវ មិនសូវល្អខ្លាំងណាស់ណាទេ ប៉ុន្តែរៀមច្បង បឺត សង្ឃឹម ប្រហែសខ្លួនឯងពេលនោះ។ ពេល សង្ឃឹម ដកខ្លួនថយគេចនោះប្រហែសមិនបានលើកដៃមកបាំងជាមួយទើបចូលដៃរបស់ រុស្ស៊ី តែម្ដង។

កូនសិស្សគ្រូឆ្នើមរូបនេះបន្ថែមទៀតថា មិនអីទេត្រឹមកីឡាករ រុស្ស៊ី ម្នាក់នេះនៅកម្ពុជាមានគីឡូ ៥៩-៦០ ច្រើននាក់ទៀតដែលអាចប្រកួតជាមួយបាន។ ឆ្លើយតបនឹងសំណួររបស់កម្ពុជាថ្មី តើកីឡាកររុស្ស៊ី គួរប៉ះកីឡាករខ្មែររូបណា? សឹង្ហៈ បានឆ្លើយដោយចុចយកកូនសិស្សលោក ធន់ សុភា ដែលទើបឡើងជើងគឺ ធន់ ម៉េងហុង ដែលខ្លួនសង្កេតឃើញកំពុងឡើង និងជាកីឡាករល្អដៃ ចូលចិត្តវាយដៃដូចគ្នា។

បញ្ជាក់ដែរថា អ្នកលេងចិត្តសាស្ត្រ បឺត សង្ឃឹម បានសន្លប់ក្នុងទឹកទី៣ ក្រោយកណ្ដាប់ដៃកីឡាកររុស្ស៊ី អាស្លាន់ប្លេក ហ្សុីលរីវ ក្នុងជំនួបការពារខ្សែក្រវាត់ X TREME ។ រូបគេជាកីឡាករល្បីឈ្មោះមួយរូបនៅកម្ពុជា និងមហាជនចាត់ទុកជាកំពូលអ្នកវាយក្បាច់ រួមទាំងកម្រចាញ់ ឬសន្លប់ណាស់អំឡុង ៤-៥ឆ្នាំមកនេះ៕

អត្ថបទ៖ នួន ស៊ីណា