កីឡា

លោក គង់ ចាន់ធីណា អ្នកហាត់កីឡាគីដូបច្ចុប្បន្នប្រហែល ៦០% ជាយុវជន

បានផុស

១ ខែ មុន

នៅ

ថ្ងៃពុធ ៣០ មេសា ២០២៥

ដោយ

អគ្គលេខាធិការសហព័ន្ធខ្មែរកីឡាហាប់គីដូ ថាបច្ចុប្បន្ននេះអ្នកដែលមកហ្វឹកហាត់ខ្ទង់ ៦០% គឺជាយុវជនដែលទំនេរពីការសិក្សាមកហាត់ដើម្បីសុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គង់ ចាន់ធីណា

លោក គង់ ចាន់ធីណា អគ្គលេខាធិការសហព័ន្ធបានឲ្យដឹងថា បច្ចុប្បន្នអ្នកដែលកំពុងហ្វឹកហាត់កីឡាហាប់គីដូមានសរុបប្រហែល ៥០-៦០នាក់។ ៦០% ជាយុវជនដែលតូច-ធំ ដែលជាសិស្សនិស្សិត ចំណែក ២០-៣០% ជាអ្នកធ្វើការងារផ្សេងៗ និងមួយចំនួនទៀតហាត់ជាក្រុមគ្រួសារ។

ទិដ្ឋភាពហ្វឹកហាត់កីឡាហាប់គីដូ

អ្នកដែលមកចូលរួមហ្វឹកហាត់មួយចំនួនគឺទទួលដំណឹងតាមរយៈហ្វេសបុកផេករបស់សហព័ន្ធ ដោយសារអាណាព្យាបាលមើលឃើញមានបច្ចេកទេសផ្សេងៗបង្វឹកដល់យុវជន មានទំនុកចិត្តខ្ពស់ និងយល់ដឹងពីសារប្រយោជន៍ នៃការហ្វឹកហាត់កីឡានេះផងនោះទើបសម្រេចបញ្ជូនកូនៗមកចូលហ្វឹកហាត់។

ទិដ្ឋភាពហ្វឹកហាត់កីឡាហាប់គីដូ

គ្រូបង្វឹកជើងចាស់ខាងលើបន្ថែមទៀតថា សារប្រយោជន៍នៃការហ្វឹកហាត់កីឡាមួយនេះពិសេសសម្រាប់យុវជនរួមមាន មានសុខភាពល្អ វិន័យចេះស្ដាប់បង្គាប់ ភាពអត់ធ្មត់ និងការរស់នៅក្នុងសង្គមជាមួយបរិយាកាសខាងក្រៅជាដើម។

បញ្ជាក់ដែរថា កីឡាហាប់គីដូមានប្រភពដើមមកពីប្រទេសកូរ៉េខាងត្បូង និងជាប្រភេទកីឡាមានក្បាច់ចម្រុះពិសេសទប់ទល់ការវាយប្រហារពីគូបដិបក្ខ។ បច្ចុប្បន្នសហព័ន្ធកំពុងហ្វឹកហាត់នៅដំបូលអគារសូហ្វតិន្នីសក្នុងពហុកីឡដ្ឋានជាតិរៀងរាល់ថ្ងៃច័ន្ទ-សុក្រ វេលាម៉ោង ៥កន្លះល្ងាច និងថ្ងៃសៅរ៍-អាទិត្យ ចាប់ពីម៉ោង ៩ព្រឹកតទៅ៕