កីឡា

លោក ឃួន ឡាប៊ូរ៉ាវី ថា ឆន្ទៈលេងរបស់ក្រុមនារីកម្ពុជា នឹងទៅដល់អ្នកគ្រប់គ្នា

បានផុស

២៦ នាទីutes មុន

នៅ

ថ្ងៃចន្ទ ៣០ មិថុនា ២០២៥

ដោយ

ក្រុមបាល់ទាត់ជម្រើសជាតិនារី កម្ពុជា ធ្វើបានល្អក្នុងការប្រកួតជាមួយ ក្រុមខ្លាំង នារីចិនហុងកុង ដោយលទ្ធផល ១-១ វគ្គជម្រុះបាល់ទាត់នារីជើងឯកអាស៊ី AFC Women’s Asian Cup កាលពីយប់ថ្ងៃទី២៩ ខែមិថុនា ឆ្នាំ២០២៥ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវគ្គទី១ ក្រុមនារីកម្ពុជា ពិតជាបាកក្នុងការបង្កើតឱកាសនៅតំបន់ប្រយុទ្ធ ដោយសារខ្សែការពាររបស់ នារីហុងកុង ពិតជារឹងមាំខ្លាំងមែនទែន។ ភាគច្រើនក្រុមនារីហុងកុង ដាក់សម្ពាធ និងបានរកបានគ្រាប់បាល់នាំមុខ ១-០ នៅទីទី៣១ ដោយកីឡាការិនី Hong Kiu Anke Leong តាមរយៈការស៊ុតបាល់ពិន័យ១១ម៉ែត្រ បន្ទាប់ពីខ្សែការពារ វិបុល សេរីសេដ្ឋា បានបង្កកំហុស នៅប្រអប់ទី។

ចូលវគ្គទី២ ក្រុមនារីកម្ពុជា បានកែប្រែនៅតំបន់ប្រយុទ្ធ បន្ទាប់ពីផ្លាស់ប្តូរកីឡាការិនីថ្មីមួយចំនួនចូលគឺ ពឿន គន្ធា, សឹម ម៉ៃសុំ និង វឿន សុថាន ដែលបានធ្វើឲ្យតំបន់ប្រយុទ្ធរបស់ក្រុមនារីកម្ពុជារស់រវើក។ ការដាក់សម្ពាធជាបន្តបន្ទាប់ ទីបំផុត ក្រុមនារីកម្ពុជា រកបានគ្រាប់បាល់តាមស្មើ ១-១ ដោយការស៊ុតរបស់កីឡាការិនី វឿន សុថាន នៅនាទី៨១ តាមរយៈការបង្កើតឱកាសពីខ្សែការពារ វិបុល សេរីសេដ្ឋា និងកីឡាការិនី ហុក សៅឌី។

លោក ឃួន ឡាប៊ូរ៉ាវី គ្រូបង្វឹកក្រុមនារីកម្ពុជា បានលើកឡើងថា ៖«ក្រុមនារីធ្វើបានយ៉ាងល្អ ដោយបានបង្ហាញនូវឆន្ទៈ និងរបៀបលេងរបស់ពួកយើងឲ្យអ្នកគ្រប់គ្នាបានឃើញ។ សូមបន្តធ្វើបែបនេះទៀត សំឡេងរបស់យើងនឹងទៅដល់អ្នករាល់គ្នា»។

សម្រាប់ការប្រកួតនេះ អ្នកគាំទ្របានទៅទស្សនាផ្ទាល់ប្រមាណជាង ១000 នាក់ ប៉ុណ្ណោះដែលជាចំនួនមែនទែន បើប្រៀបធៀបនឹងការប្រកួតរបស់ក្រុមបាល់ទាត់ជម្រើសជាតិបុរស ប៉ុន្តែនិយាយពីលទ្ធផលវិញមិនសូវធ្វើឲ្យអ្នកគាំទ្រខកបំណងប៉ុន្មានឡើយនាពីរឆ្នាំចុងក្រោយ។

ក្រុមនារីកម្ពុជា អបអរ ក្រោយរកបានគ្រាប់បាល់លើ ក្រុមនារីហ្គាំ

តាមរយៈការបង្ហាញសមត្ថភាព និងលទ្ធផលល្អ សង្ឃឹមថា អ្នកគាំទ្រចាប់អារម្មណ៍ និងគាំទ្រផ្ទាល់ឲ្យបានច្រើនកុះករដល់ក្រុមបាល់ទាត់នារីកម្ពុជា។

កាលពីឆ្នាំ២០២៣ ក្រុមបាល់ទាត់នារីកម្ពុជា បានឡើងដល់វគ្គពាក់កណ្តាលផ្តាច់ព្រ័ត្រ ក្នុងកីឡាស៊ីហ្គេម លើកទី៣២ ដែលប្រទេសកម្ពុជាធ្វើម្ចាស់ផ្ទះ។ បន្ទាប់មក ពួកគេទទួលបានជើងឯករង ក្នុងពាននារីអាស៊ាន ASEAN Women’s Cup ឆ្នាំ២០២៤ នៅប្រទេសឡាវ។

ក្រុមនារីកម្ពុជា អបអរ ក្រោយរកបានគ្រាប់បាល់ លើក្រុមនារី ហុងកុង

ក្រៅពីវគ្គជម្រុះ AFC Women’s Asian Cup ដែលកម្ពុជាធ្វើម្ចាស់ផ្ទុះពូល G ក្រុមនារីកម្ពុជានៅមានភារកិច្ចសំខាន់ក្នុងពានរង្វាន់អន្តរជាតិ២ទៀតគឺ ASEAN Women’s Championship នៅប្រទេសវៀតណាម ខែសីហា និងកីឡាស៊ីហ្គេម ខែធ្នូ នៅប្រទេសថៃ៕