ការវិលត្រលប់របស់ ធន់ ស្រីពេញ ធ្វើ​ឲ្យ​អ្នកគាំទ្រចង់ឃើញជ័យជម្នះជាថ្មីលើកីឡាការិនីបារាំង នៅសង្វៀនគ្រុឌគុនខ្មែរ សប្តាហ៍នេះ

សប្តាហ៍នេះកាន់តែអស្ចារ្យ ជាមួយព្រឹត្តិការណ៍គ្រុឌគុនខ្មែរ បានវិលត្រលប់មកវិញ ជាមួយសមាសភាពគូពិសេសចំនួន ៥គូ!

អ្វី​ដែល​អ្នក​គាំទ្រ​ចាប់​អារម្មណ៍ គឺ​ការវិលត្រលប់មកជួបគ្នាម្តងទៀតរបស់កីឡាការិនីចចកលាក់មុខ ធន់ ស្រីពេញ ត្រូវប៉ះជើងខ្លាំងឥន្ទ្រីឆ្លងដែនមកពីប្រទេសបារាំង វ៉ាលលូត អែលសា ធេ អូហ្វាណូ! តើ ធន់ ស្រីពេញ អាចយកឈ្នះឥន្ទ្រីឆ្លងដែនរូបនេះបានដែរឬទេ?

ជា​មួយ​គ្នា​នេះ តើ​ កីឡាករ ធន់ ផានិត អាចផ្តួលគូប្រកួតមកពីម៉ាឡេស៊ី ត្រឹមទឹកទី២ បានដូចដែលអ្វីសន្យានោះទេ ឬក៏ប្រែប្រួលជាយ៉ាងណា? ចម្លើយ​មាន​តែ​នៅ​លើ​សង្វៀនគ្រុឌគុនខ្មែរចុង​សប្តាហ៍​នេះ។

សប្តាហ៍នេះសង្វៀនគ្រុឌគុនខ្មែរ មានគូប្រកួតដូចជា៖

• កីឡាករ ធន់ ផានិត ត្រូវជួបកីឡាករមកពីម៉ាឡេស៊ី ម៉ូហាម៉ែឌ ហាកគីម
• កីឡាការិនី ធន់ ស្រីពេញ ត្រូវជួបជើងខ្លាំងមកពីបារាំង វ៉ាលលូត អែលសា
• កីឡាករ លី សុផែន ត្រូវជួបកីឡាករ ឆន វណ្ណី
• កីឡាករ ហេង ប្រុសនិច្ច ត្រូវជួបកីឡាករ ប្រាក់ ចិត្រា
• កីឡាករ សុវ៉ាត់ឌី យីងឌុម ត្រូវជួបកីឡាករ ថុល វិឆៃ
• កីឡាករ លីន ប្រុសពេជ្រ ត្រូវជួបកីឡាករ ធន់ សុខអាន

សូមចូលរួមទស្សនាឱ្យបានច្រើនកុះករ គាំទ្រសង្វៀនគ្រុឌគុនខ្មែរ! ជួបគ្នានៅថ្ងៃអាទិត្យ ទី៦ ខែកក្កដា ឆ្នាំ២០២៥ វេលាម៉ោង ០៥:៣០ល្ងាចតទៅ ទីតាំងនៅអគ្គនាយកដ្ឋាន ទូរទស្សន៍ជាតិកម្ពុជា រាជធានីភ្នំពេញ និងផេកផ្លូវការ Krud Energy, Krud Kun Khmer។ គាំទ្រគុនខ្មែរ ជាមួយគ្រុឌ៕