កីឡា
ក្លិបព្រះខ័នរាជស្វាយរៀង ប្រមូលប្រាក់ជួយកីឡាករ Booysen Shan ព្យាបាលជំងឺស្ទះសរសៃឈាមខួរក្បាល
ក្លិបបាល់ទាត់ព្រះខ័នរាជស្វាយរៀង សមាជិកពានរង្វាន់លីគកំពូលកម្ពុជា (Metfone Cambodian League 2021) បានប្រមូលថវិកាជួយដល់កីឡាករ Booysen Shan ដែលកំពុងសម្រាកព្យាបាលជំងឺស្ទះសរសៃឈាមខួរក្បាលនៅមន្ទីរពេទ្យកាល់ម៉ែតកាលពីដើមខែមេសានេះ។
បើតាមការចេញផ្សាយនៅលើហ្វេសប៊ុកផ្លូវការរបស់ក្លិបនៅយប់ថ្ងៃព្រហស្បតិសប្ដាហ៍នេះ ថវិកាដែលប្រមូលសរុបបានចំនួន ២,៣៨៤ ដុល្លារសហរដ្ឋអាមេរិក។ ថវិកានេះទទួលបានការឧបត្ថម្ភពីឯកឧត្តម ឌី វិជ្ជា និងលោកជំទាវ ហ៊ុន ម៉ាណា ចំនួន ១០០០ដុល្លារ លោក រិទ្ធ ឌីកា នាយកបច្ចេកទេសចំនួន ៥០០ដុល្លារ បុគ្គលិកនិងកីឡាករចំនួន៨៨៤ដុល្លារ។
កីឡាករ Booysen Shan ធ្លាប់ជាសមាជិកក្នុងក្លិបព្រះខ័នរាជស្វាយរៀង កាលពីឆ្នាំ២០១៨ ដោយរកគ្រាប់បាល់ឱ្យក្រុមបាន៧គ្រាប់។
ក្រោយទទួលបានប្រាក់ឧបត្ថម្ភដល់កីឡាករក្នុងក្លិបរបស់ខ្លួន ឯកឧត្តមឧត្តមសេនីយ៍ទោ ជួន ណារិន្ទ ប្រធានក្លិបបាល់ទាត់អគ្គស្នងការដ្ឋាននគរបាលជាតិ បានថ្លែងអំណរគុណពីការជួយជ្រោមជ្រែងពីថ្នាក់ដឹកនាំនិងកីឡាកររបស់ក្លិបព្រះខ័នរាជស្វាយរៀង។
កីឡាករ Booysen Shane កើតនៅទីក្រុង Cape Town ដែលជាទីក្រុងធំជាងគេទី ២ នៅប្រទេសអាហ្រ្វិកខាងត្បូង។ ខ្សែប្រយុទ្ធរូបនេះ ចាប់ផ្តើមលេងបាល់ទាត់នៅក្រុម Ajax Cape Town តាំងពីអាយុ ១០ ឆ្នាំ។ ៤ ឆ្នាំក្រោយមក បានចូលរួមជាមួយក្រុម Hellenic FC Academy ដែលជាក្រុមយុវជនមួយល្អជាងគេនៅក្នុងប្រទេស។
អំឡុងឆ្នាំ ២០១៤ កីឡាកររូបនេះបានសម្រេចចាប់អាជីពនៅក្រៅប្រទេស ដោយបានផ្លាស់ទៅក្លិបនៅប្រទេសថៃ ក្នុងក្រុម Rbac Mittraphap និង Bangkok Christian College-Tero នៅក្នុងពាន Thai Regional League Division 2 មុនធ្វើដំណើរមកកាន់កម្ពុជា។
នៅឆ្នាំ២០១៥ ដល់២០១៧ បានប្រកបអាជីពជាមួយក្លិបភ្នំពេញក្រោន ហើយនៅឆ្នាំ២០១៨ បានចូលរួមជាមួយក្លិបព្រះខ័នរាជស្វាយរៀង។ ឆ្នាំ២០១៩ ចូលរួមជាមួយក្រុមប៉ូលិសជាលក្ខណៈខ្ចីជើង និងត្រឡប់ទៅភ្នំពេញក្រោននៅឆ្នាំ២០២០ រួចក៏បន្តផ្ទេរទៅកាន់ក្រុមណាហ្គាវើល។ នៅឆ្នាំ២០២១ ជាសមាជិកក្នុងក្លិបអគ្គស្នងការដ្ឋាននគរបាលជាតិ (ប៉ូលិស) ។
កីឡាករវ័យ៣២ឆ្នាំរូបនេះ នៅពេលកំពុងសម្រាកព្យាបាលនៅមន្ទីរពេទ្យកាល់ម៉ែត បានទទួលថវិកាឧបត្ថម្ភពីក្លិបប៉ូលិសភចំនួន២៣៦៥ ដុល្លារ៕
អត្ថបទ៖ ម៉េងហួរ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង