Connect with us

កីឡា

មនុស្ស​ដែក Rodtang បង្កើត​កំណត់ត្រា​ជា​កីឡាករ​ថៃ​ឈ្នះ​ច្រើន​បំផុត​នៅ ONE

បានផុស

នៅ

​អ្នកមួយ​ថៃ​រហស្សនាម​«​មនុស្ស​ដែក​» Rodtang Jitmuangnon បាន​បង្កើត​កំណត់ត្រា​មួយ​លើ​ស្ថាប័ន​ពិភពលោក ONE បន្ទាប់ពី​ទទួលបាន​ជ័យជម្នះ​លើ​កីឡាករ​អូស្ត្រាលី Danial Williams ដោយ​ពិន្ទុ​នៅ​ព្រឹត្តិការណ៍​ផ្សាយ​បន្ត​ផ្ទាល់​ទៅកាន់​ទឹកដី​អាមេរិក ONE on TNT I កាលពី​ព្រឹក​ថ្ងៃ​ព្រហស្បតិ៍ ទី​៨ ខែមេសា កន្លងទៅនេះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់​ការប្រកួត​នេះ​ទទួលបាន​ការចាប់អារម្មណ៍​ខ្លាំង​ពីរ​អ្នកទស្សនា​នៅពេល​អ្នក​ទាំងពីរ​ប្រើ​កណ្តាប់ដៃ និង​កែង​យ៉ាង​សាហាវ​។​

នៅ​ទឹក​ទី​១ មិន​ថា ជើងឯក​ពិភពលោក ONE Flyweight កីឡាករ​ថៃ Rodtang និង​សំ​ណូ​ល​ថ្មី​នៅលើ​សង្វៀន ONE មកពី​អូស្ត្រាលី​ទេ​គឺ​អ្នក​ទាំង​វ៉ៃ​ប្តូរ​គ្នា​ទៅវិញទៅមក​ខ្លាំងៗ​តាមរយៈ​កណ្តាប់ដៃ ប៉ុន្តែ​កីឡាករ​ថៃ​មាន​កណ្តាប់ដៃ​ច្បាស់​ទេ​។ ទោះជា​យ៉ាងណា កីឡាករ​ទើប​ឡើង​ប្រកួត​លើកដំបូង​អត់​ញញើត​ឡើយ​ដោយ​ហ៊ាន​ឈរ​ប្តូ​រទាំង​កណ្តាប់ដៃ កែង និង​កែង​បក​វិញ​សាហាវៗ​លើ​ជើង​ខ្លាំង​ថៃ​។​ នៅ​ទឹក​ទី​២ រឹតតែ​គួរ​ឲ្យ​ចាប់អារម្មណ៍​ខ្លាំង​ឡើង​នៅពេល​អ្នក​ទាំងពីរ​ឈរ​ប្តូរ​កណ្តាប់ដៃ​គ្នា ហើយ​កណ្តាប់ដៃ​ទម្ងន់​ឥត​មេត្តា​របស់ Rodtang បានធ្វើ​ឲ្យ Williams ដួល​អុកគូថ បន្ទាប់ពី​ត្រូវចំ​ថ្គាម​ពេញ​មួយ​ថៃ​។ ការ​ដួល​នេះ​ត្រូវបាន​អាជ្ញាកណ្តាល​រាប់​៨ ប៉ុន្តែ​កីឡាករ​អូស្ត្រាលី​នៅ​តស៊ូ​បាន​។​

​ក្រោយ​ក្រោក​ពី​ដួល Williams រឹតតែ​ហ៊ាន​ប្តូរ​ដោយ​ព្យាយាម​ដើរចូល​វ៉ៃ​ជាមួយនឹង​កណ្តាប់ដៃ និង​កែង​បក ហើយ​ក៏មាន​ប្រសិទ្ធភាព​ដែរ​ដែល​ធ្វើ​ឲ្យ Rodtang ស្រុត​លូត​ជង្គង់ ប៉ុន្តែ​មិនសូវ​ធ្ងន់ធ្ងរ​ទេ​ហើយ​អាជ្ញាកណ្តាល​ក៏​មិន​រាប់​ដែរ​។​
​ទោះបីជា​យ៉ាងណា កីឡាករ​អូស្ត្រាលី​ហាក់​មាន​ជំហរ​ទន់​បន្តិច ហើយ​អាវុធ​របស់គេ​ក៏​ចេញ​មិនសូវ​ចំ​គោលដៅ​ដែរ បើទោះជា​ចេញ​ច្រើន​។ ចំណែក Rodtang វិញ​តាមមើលទៅ​ចង់​វ៉ៃ​ឲ្យ​សន្លប់ ប៉ុន្តែ​ដៃគូ​ពូកែ​ទ្រាំ បើទោះជា​ត្រូវ​ច្រើន និង​ជំហរ​ត្រេក​ត្រួត​ក៏​នៅតែ​តស៊ូ​បាន​ដល់​ចប់​ទឹក​ទី​២​។​ នៅ​ទឹក​ទី​៣ Williams ដឹងខ្លួន​ថា ប្រសិនបើ​រូបគេ​មិន​វ៉ៃ​ឲ្យ Rodtang សន្លប់ ឬ​អាជ្ញាកណ្តាល​រាប់​ទេ រូបគេ​អាច​នឹង​ចាញ់​ពិន្ទុ ដូច្នេះ​រូបគេ​បាន​ព្យាយាម​វ៉ៃ​សម្រុក​យ៉ាងខ្លាំង ប៉ុន្តែ​ធ្វើ​អ្វី​មិនកើត​លើ​កីឡាករ​ថៃ​មាន​ជំហរ​រឹងមាំ និង​អាវុធ​ធ្ងន់ៗ​។​ បន្ទាប់ពី​ចប់​ការប្រកួត​៣​ទឹក​ពេញ​ក្នុង​តំណែង​គូ​ឯក​ចុងក្រោយ​គេ ចៅក្រម​ទាំង​៣​រូប​បាន​កាត់សេចក្តី​ឲ្យ Rodtang ឈ្នះ​ដោយ​ពិន្ទុ​ដាច់​តែម្តង​។​

​អ្នកគាំទ្រ​ប្រហែលជា​សរសើរ​មិន​ស្ទើរ​ទៅលើ​កីឡាករ​អូស្ត្រាលី Williams ដែល​ទើប​ឡើង​ប្រកួត​លើកដំបូង​នៅ​សង្វៀន​អន្តរជាតិ​នេះ ប៉ុន្តែ​រូបគេ​តស៊ូ​រហូត​ចប់​ទឹក និង​ហ៊ាន​ប្រឈម​ដើម្បី​ប្តូរ​ជាមួយ​កីឡាករ​ថៃ​ដែល​គេ​ដឹង​គ្រប់គ្នា​ថា​ជា​កីឡាករ​រឹងមាំ​ដូច​ដែក និង​មាន​ប្រវត្តិ​ប្រកួត​មិនដែល​ចាញ់​សោះ​នៅ ONE​។​ តាមរយៈ​ជ័យជម្នះ​នេះ Rodtang បាន​បង្កើត​កំណត់ត្រា​ជា​កីឡាករ​ថៃ​តែ​ម្នាក់​គត់​ដែល​ទទួលបាន​ជ័យជម្នះ​១០​លើក​ជាប់​គ្នា​នៅ ONE Super Series និង​មិនទាន់​ស្គាល់​បរាជ័យ​សោះ​លើស​ង្វៀន​អន្តរជាតិ​មួយ​នេះ​។ រហូត​ប​ដល់ពេលនេះ Rodtang មាន​ប្រវត្តិ​ប្រកួត​ឈ្នះ​២៦៧​ដង ចាញ់​៤២​ដង និង​ស្មើ​១០​ដង​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៥ នាទី មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍១ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៤ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៤ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៥ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម