ក្រុមហ៊ុន Microsoft លែងទទួលខុសត្រូវលើ Window 8.1 ទៀតហើយ

ក្រុមហ៊ុន​​ Microsoft បានបង្ហោះនៅលើ blog ផ្លូវការរបស់ខ្លួនកាលពីថ្ងៃទី១០ ខែមករាថា​ ក្រុមហ៊ុននឹងលែងទទួលខុសត្រូវលើប្រព័ន្ធប្រតិបត្តិការ Windows 8.1 ទៀតហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា អ្នកដែលនៅប្រើប្រាស់កម្មវីធី Window 8.1 គឺនៅតែអាចដំណើរការបានជាធម្មតា ប៉ុន្តែមិនមានការអាប់ដេតបន្ថែមនូវកម្មវិធីថ្មីៗទៀតឡើយនៅលើ Window មួយនេះ ខណៈការទាញយកហ្គេម និងដំឡើងកម្មវិធីពី Microsoft Store ក៏លែងមានទៀតដែរ ។ ដូចនេះអតិថិនជន​ទាំងអស់ត្រូវតែប្តូរទៅប្រើប្រាស់ Window ថ្មីជំនួសវិញ ។

ចំពោះ Browser Version ចុងក្រោយវិញ ដែលអាចប្រើប្រាស់ជាមួយ Window 8.1 បាន​​ នោះគឺជា Microsoft Edge Version 109 ដែលត្រូវបានកំណត់ពេលសម្រាប់ការដាក់ឲ្យប្រើប្រាស់បន្ទាប់ពីថ្ងៃទី ១២ ខែមករា​ តទៅ ។

គួរឲ្យដឹងថា ក្រុមហ៊ុន Microsoft បានដាក់ឲ្យប្រើប្រាស់ប្រព័ន្ធប្រតិបត្តិការ Windows 8.1 ក្នុងឆ្នាំ ២០១៣ ហើយប្រព័ន្ធនេះប្រើប្រាស់សម្រាប់ប្រព័ន្ធ PCs Touchscreen ប៉ុន្តែក៏អាចប្រើប្រាស់នៅលើកំព្យូរទ័រធម្មតាបានផងដែរ ៕

ប្រែសម្រួលដោយ ៖ នាង រតនៈ

ប្រភព ៖ Tass